Í þá gömlu góðu

Í bæjarblaði okkar Mosfellinga, Mosfellingi, hefur um árabil verið dálkur sem kallast í þá gömlu góðu. Þar hafa verið birtar gamlar myndir og texti um liðna tíð úr bæjarfélaginu sem alltaf er jafn gaman að sjá. 

Um þennan dálk í blaðinu hafa nokkrir gamlir og góðir sveitungar séð, allt frá upphafi. Nú undanfarið hefur Birgir D. Sveinsson fyrrverandi kennari og skólastjóri í Varmárskóla og stofnandi lúðrasveitarinnar haft umsjón með þessum skemmtilega og fræðandi dálki í Mosfellingi.

Birgir hefur nú um nokkurt skeið fjallað um gamla Brúarlandshúsið og skólastarfið þar á árum áður og birt skemmtilegar myndir frá þeirri tíð. Birgir var kennari um árabil í Brúarlandsskóla. Myndasafn Birgis er stórt og stórmerkilegt.

 

Í nýjasta tbl. Mosfellings birti hann mynd sem er mér svo kunn og eftirminnileg þar sem hún hékk upp á vegg á heimili mínu allt frá því að ég man eftir mér. Myndina teiknaði Ragnar Lár, móðurbróðir minn af kennaraliðinu í Brúarlandi.

Lárus Halldórsson var skólastjóri Brúarlandsskóla frá árinu 1922 og einnig
Varmárskóla, en hann var byggður í byrjun sjöunda áratugarins. Lárus lét
af störfum 1966.
Á þeim tímamótum var ákveðið að skipta skólanum í gagnfræðaskóla, með
samstarfi við Kjalnesinga og Kjósverja, að Brúarlandi og barnaskóla í
Varmárskóla.
Myndin sýnir kennarahópinn á síðasta starfsári Lárusar
en hana gerði Ragnar Lár. sonur hans.

Texti Birgir D. Sveinsson.

Úr bæjarblaðinu Mosfellingi 26. febrúar 2010. 

Athugasemdir

[steinimagg, 27.2.2010 kl. 20:53]

Já, þessari mynd man ég sko vel eftir :-)

[Kjartan Þór (IP-tala skráð) 1.3.2010 kl. 19:03]

Hvað er eiginlega málið með Framsóknarflokkinn Karl... ertu að birta þessa mynd þeim til háðungar...er prófkjörið þeirra íslandsmet í slæmri þáttöku. Grímseyjarlistinn fékk víst betri þáttöku sem var sérframboð Frjálslyndra og óháðra húsmæðra með spilafíkn. Orðið á götunni er víst svakalegt um þáttökuna. Framsókn verður að koma hreint fram og taka af öll tvímæli um fjölda þeirra sem tóku þátt. Talað er um helmingi slakara en hjá Samfylkingunni sem þó var algjör skömm 232  evrópusinnar læddust með veggjum og kusu á milli kærleiksbjarnanna Jónasar og Valdimars. Hanna Bjartmars datt út og er víst himinlifandi yfir hlut kvenna í prófkjörinu.

[Sigríður Sv. (IP-tala skráð) 1.3.2010 kl. 20:28]

Já Karl myndin er flott og vel teiknuð. Skopmyndir geta verið mjög skemmtilegar.