Afhverju notar Framsóknarflokkurinn slíkar aðferðir?

Það var athyglisvert að hlusta á þetta viðtal við Össur Skarphéðinsson iðnaðarráðherra á Mbl. Þar gagnrýnir hann harkalega Guðna Ágústsson formann Framsóknarflokksins og sagði hann eiga að skammast sín fyrir að reyna að notfæra sér þetta ástand.

Það er furðulegur skrambi hvað framsóknarmenn falla oft í þá gryfju að notfæra sér slæma eða góða umræðu til að hlaða á sig fjöðrum, fjöðrum sem þeir eiga jafnvel engan rétt á að eigna sér.

Það er ekkert athugavert við það að skipta um skoðun og það hefur Össur sjálfur margoft gert. Hann hefur nokkrum sinnum þurft að éta hatt sinn í þeim efnum.

Verri er þessi dæmigerða plottpólitík bakvið tjöldin þar sem menn segja eitt en gera annað og láta sem þeir komi algerlega af fjöllum og eigi engan þátt í þeirri stöðu sem komin er upp. Ætla að reyna að notfæra sér ástandið og koma fram sem einhverskonar frelsarar.

Ég þekki þetta m.a. úr sveitarstjórnarmálunum hér í Mosfellsbæ.

Ég má til með að bæta því við að það er athyglisvert hvað Össur virðist nota hvert tækifæri til að hlaða þingmenn VG lofi fyrir störf sín. Össur er ágætur og skemmtilegur en hann er ekki með umhverfistagl, það er nokkuð víst.

Verndum hagsmuni almennings

Athugasemdir

[G. Valdimar Valdemarsson, 6.10.2008 kl. 23:01]

Össur gleymir því að hann sat ríkisstjórnarfund í gærkvöldi sem komst að þeirri niðurstöðu að hér væri allt í stakasta lagi og ekki lægi neitt á ráðstöfunum fyrir opnun markaða.   Þegar niðurstaða ríkisstjórnarinnar lá fyrir lokuðust lánalínur bankana og allt fór til andskotans.   Svo bendir hann á Guðna.

Lítill maður Össur Skrarphéðinsson

[Sigurður Hjaltested (IP-tala skráð) 7.10.2008 kl. 22:26]

Þegar hann er að benda á Guðna þá er hann að tala um þá fáránlegu staðreynd að Guðni veður um allt og segir I told you so, hann semsagt segist vera búinn að vara við þessu í 1 ár. Hvað veit Guðni sem fær hann til að vara okkur við þegar honum er bolað úr ríkisstjórn, Ja allavega sagði hann ekki orð á meðan hann tók þátt í að hlaða sitt fólk gjöfum á okkar kostnað

[G. Valdimar Valdemarsson, 8.10.2008 kl. 10:29]

Sigurður ekki tala í hálfkveðnum vísum.  Nefndu þrjú dæmi um gjafirnar frá Guðna til fólksins síns.   Framsókn boðaði að það ætti að halda áfram að byggja upp gjaldeyrisskapandi atvinnulíf á Íslandi því hafnaði þjóðin í kosningum.   Nú benda allir á Framsóknarleiðina sem lið í að byggja upp aftur.   Allur heimurinn fyrir utan ríkisstjórn Íslands og Seðlabanka vissu að það voru erfiðleikar í efnahagslífi heimsins strax í ágúst í fyrra.  Þá vöruðu framsóknarmenn við óábyrgum fjárlögum þar sem útgjöld voru aukin um hvorki meira né minna en 20%.   Þetta er það sem Guðni og framsóknarmenn hafa bent á og þeir þurfa ekki að hafa óhreint mjöl í pokahorninu til að vera læsir á stöðuna... bara almenna skynsemi.