Styrktarkvöld

Ég var beðinn um að koma þessu á framfæri hér á síðunni minni og geri ég það með glöðu geði.

Mosfellingur og Áslákur efna til styrktarkvölds föstudaginn 27. febrúar þegar nýr og breyttu Áslákur verður opnaður. Safnað er fyrir Rebekku Allwood sem var í viðtali í Mosfellingi fyrir nokkru. Hún lenti í hræðilegu slysi á Vesturlandsvegi fyrir sex árum. Rebekka er í dag fjölfötluð með ósjálfráðar hreyfingar og verður það líklega ævistarf hennar að vinna úr afleiðingum þessa slyss. Safnað er fyrir æfingahjóli, sem kostar um 800.000 kr., fyrir áframhaldandi endurhæfingu Rebekku.

Allir listamenn sem fram koma gefa vinnu sína og söfnunarbaukar verða á staðnum. Allur ágóði af veitingum á bar fer í styrktarsjóðinn auk þess sem tekið er við frjálsum framlögum.

Frábær tónlistardagskrá sem hefst kl. 20 og stendur fram á nótt. Kynnir er Karl Tómasson forseti bæjarstjórnar.

Meðal flytjenda eru: Karlakór Kjalnesinga, Diddú, Jónas Þórir, Dúettinn Hljómur, Reynir Sig, Hreindís Ylva o.fl.

Bæjarrónafélag Mosfellsbæjar verður á staðnum og ýmsir kunnulegir Mosfellingar afgreiða á barnum.

Blekking. Takk fyrir góða frétt Lóa Pind

http://vefmidlar.visir.is/VefTV/?channelID=STOD2&programID=b2fab606-e8f9-4500-a4d9-15008d8978da&mediaSourceID=ea52a3fc-e5a4-4aac-adb6-21c88da94644&mediaClipID=c106712e-64d4-433a-921a-794d2326a088

Það er furðulegt hvað þetta vekur upp margar spurningar hjá mér.

Formaður Framsóknarflokksins, Sigmundur Davíð Gunnlaugsson, segir skipulagða rógsherferð hafa verið gagnvart sér á blogginu í viðtali við Fréttablaðið.

Spurður hvaða hópur það sé sem standi á bak við þessa meintu rógsherferð svarar Sigmundur Davíð umbúðalaust; Samfylkingin.

Það er furðulegt hvað þetta vekur upp margar spurningar hjá mér.

Margur furðar sig á þolinmæðinni

Mikil umræða hefur átt sér stað í þjóðfélaginu um einelti og nú síðast svokallað rafrænt einelti.

Þolinmæði þrautir vinnur allar segir gott máltæki og í öðru góðu máltæki segir, réttlætið sigrar að lokum.

Eflaust hafa margir furðað sig á þolinmæði minni í því að reyna hér á síðunni að gera grein fyrir síðu bloggdólgs sem haldið var úti mér til höfuðs. Skrif mín og barátta gegn þeirri síðu voru ekki einungis vegna þess að þau særðu mig svo mjög og í raun voru þau löngu hætt að gera það þegar á leið.

Skrif mín voru fyrst og fremst til að vekja athygli á því, að til eru aðilar sem stunda það að halda úti bloggsíðum til þess eins að veitast að fólki með háði og lítilsvirðingu undir nafnleynd. Með öðrum orðum rafrænt einelti. Svo stórmannlegt sem það kann nú að vera. 

Réttlætið sigrar að lokum

Þessi síða sem ég tala um hér að ofan gekk undir heitinu Valdi Sturlaugz, hann gekk oftast undir nafninu Varmársamtaka Valdi. Það var bæði vegna óendanlegs áhuga Valda á Varmársamtökunum eins og fram kom í höfundarlýsingu hjá honum, einnig vegna þess að hann var lengi vel linkur á heimasíðu Varmársamtakanna og ekki síst skrifum stjórnarmanna samtakanna á síðu Valda.

Þessari umræddu síðu sem haldið var úti á Vísis blogginu var lokað umsvifalaust þegar yfir henni var kvartað. Þar var linnulítið haldið úti svívirðingum og tilhæfulausum ávirðingum og ásökunum á fáeina aðila í á annað ár.

Sama dag og Vísir sá ástæðu til að loka síðu Varmársamtaka Valda stofnaði Valdi síðu á blogspot.com sem hann kallaði Smjerjarmur í hallelújalandi. Þeirri síðu var einnig lokað nokkrum dögum síðar og önnur opnuð á Moggabloggi en að þessu sinni var búið að fjarlægja nafn Varmársamtaka Valda og myndina af honum og í staðin sett inn mynd af manni við bílaviðgerðir.

Þessi Smjerjarmur er eins og dæmin sanna einhverahlutavegna með mig á heilanum eins og Varmársamtaka Valdi var. Í dag setti Smjerjarmur þessi inn færslu þar sem hann reynir að halda því fram að honum séu þessi samtök algerlega óviðkomandi. Dæmi nú hver fyrir sig. Sennilega hefur Smjerjarmur ekki gert sér grein fyrir því að mynd náðist af blogginu hans áður en Varmársamtaka Valda var eytt út.

Smjerjarmur og Valdi vinur hans.

Smjerjarmur en engin Varmársamtaka Valdi

Rafrænt einelti

Eins og áður segir er þessi umræða sem þarna fer fram löngu hætt að snerta mig persónulega en ég á mína ættingja og vini eins og flestir aðrir. Fyrst og síðast er það einnig eins og áður segir þessi lágkúra sem felst í því að halda úti slíkum síðum sem ég þreytist ekki á að gagnrýna. Þolinmæðin þrautir vinnur allar.

Ágæti lesandi þú þarft ekki annað en að vippa þér yfir á síðu Smjerjarms, rétt eins og á Valda forðum til að sjá það sem ég skrifa hér um.

Nú síðast gengur hann svo langt að tengja hörmulegt einelti sem átti sér stað í Mosfellsbæ við skrif mín á minni síðu.

Umræða á þessum síðum tengist á engan hátt umhverfismálum, eingöngu út á það að sverta mannorð mitt og mína æru.

 

 

 

120 ára vígsluafmæli Lágafellskirkju

Eins og flestir vita og ég skrifaði reyndar um nýlega hér á síðu mína, er nú fyrirhugað að reyst verði ný kirkja- og menningarhús í Mosfellsbæ.

Gömlu kirkjurnar okkar Lágafellskirkja og Mosfellskirkja rúma orðið enganvegin þann fjölda sem sækir þangað margar athafnir.

Í næstu viku verður 120 ára vígsluafmæli Lágafellskirkju. Hér fyrir neðan er dagskráin.

 

Dagskrá á 120 ára Vígsluafmæli Lágafellskirkju

22. febrúar Sunnudagur:   
Kl. 11.00     Hátíðarguðsþjónusta í Lágafellskirkju

Kl. 13.00     Sunnudagaskóli í Lágafellskirkju

Kl. 20:00    Afmælistónleikar í Lágafellskirkju með Diddú og Agli Ólafssyni

25. og 26. febrúar:

Kl. 19:30 – 21.00. Kvöldstund með kaffihúsastemmningu fyrir fermingabörn og foreldra í Safnaðarheimilinu

1. mars  Æskulýðsdagurinn

Kl. 13:00 Sunnudagaskóli í Lágafellskirkju

Barnakór yngri bekkja í Lágafells – og Varmárskóla syngja

Kl. 20:00 Gospelmessa.

Nánar auglýst síðar.

 

Farsinn góði, eða hvað?

Hér á síðu minni er nokkuð ýtarleg umfjöllum um væntanlegt miðbæjarskipulag Mosfellsbæjar. Lesa má m.a. á henni ,viðtal sem tekið var við mig og bæjarstjórann, Harald Sverrisson, um skipulagið og einnig arkitektinn, Sigurð Einarsson.

Fáeinir aðilar úr samtökum sem kenna sig við Varmá, sjá æði oft ástæðu til að gera skrifum mínum nokkur skil á heimasíðu samtakanna. Þessi samtök hafa m.a. heilmikið um þetta miðbæjarskipulag að segja, rétt eins og alla skapaða hluti sem framkvæmdir eru í bæjarfélaginu.

Svo virðist hinnsvegar sem þetta fólk áætli að á bakvið allt sem framkvæmt er í bæjarfélaginu hljóti að vera stórkostlegur maðkur í mysunni. Svo langt hefur verið gengið í þeim efnum að látið hefur verið í veðri vaka að einstaka bæjarfulltrúar hafi jafnvel þegið mútufé til að koma af stað framkvæmdum í bæjarfélaginu.

Eina ferðina enn sjá samtökin ástæðu til að taka skrif mín fyrir á heimasíðu sinni. Það í sjálfu sér er löngu hætt að koma mér á óvart. Verra er, að nú eru þeir einnig teknir fyrir sem leyfa sér að koma með athugasemdir á mína síðu eins og nýjustu dæmin sína hjá þeim.

Að vanda er samtökunum tíðrætt um einhvern ófögnuð sem átti að hafa komið úr minni tölvu fyrir að verða þremur árum síðan enn þrátt fyrir margítrekaðar óskir til þeirra að birta þann óskapnað, fást þau aldrei til þess.

Öðru máli gegnir um bloggdólgssíður sem stjórnarmenn samtakanna hafa ítrekað tjáð sig á, og hafa verið kenndar við samtökin, þar hefur ófögnuðurinn verið slíkur að ástæða hefur þótt til að loka þeim. Það þarf mikið að ganga á til að bloggsíðum sé lokað.  

Er Óli inni eða úti?

Oft getur verið spennandi að fylgjast með því í kosningum hvort hinn eða þessi frambjóðandi sé inni eða úti.

Sömu sögu má nú segja um skrif og athugasemdir gjaldkerans fyrrverandi og stjórnarmanns samtakanna á heimasíðu þeirra. Karl greyið er ekki fyrr búinn að hafa fyrir því að skrifa heilmiklar greinar og setja þar inn einhvert "málefnalegt" innlegg en því er eytt út af samtökunum, samtökum sem hann er sjálfur stjórnarmaður í.

Ég held að þörf sé jafnvel á frekari tiltekkt í stjórninni ef trúverðugleiki á að nást í umræðuna hjá þeim.

Þetta fer að verða einn svakalegasti farsi seinni tíma.    

Eitt af mörgum meistaraverkum Bítlanna

Ef þið bara trúið því hvað ég fékk mikið út úr því að sjá Paul Mc Cartney flytja þetta lag á Parken fyrir nokkrum árum síðan.

Góður bloggvinur minn, Jakob Magnússon bassaleikari skrifaði nú nýlega, skemmtilega grein um snilli Paul Mc Cartney á bassann.

Paul og allir gömlu félagarnir hans úr Bítlunum eru sennilega dæmi um snillinga sem koma  fram á aðeins 100 ára fresti.

Mikið var gaman að hafa fengið tækifæri til að sjá hann og hlýða á öll fallegu lögin hans.

Frá orginallanum sjálfum.

Lifandi grænn miðbær

Hér fyrir neðan er umfjöllun um væntanlegt miðbæjarskipulag í Mosfellsbæ sem birt var í bæjarblaðinu Mosfellingi.

 

Lif­andi, grænn mið­bær þar sem fram­sæk­in bygg­ing­ar­list og hlý­legt um­hverfi er í að­al­at­riði er út­gangs­punkt­ur í til­lögu um nýj­an mið­bæ í Mos­fells­bæ sem kynnt verð­ur Mos­fell­ing­um næstkomandi miðvikudag. Hug­mynd­ir, til­lög­ur og ósk­ir bæj­ar­búa voru hafð­ar í önd­vegi við gerð nýs deili­skipu­lags mið­bæj­ar­ins sem ver­ið hef­ur í vinnslu frá árinu 2005 en nú er kom­in loka­mynd á.

 

Mos­fells­bær þarf mið­bæ

Að sögn Har­ald­ar Sverr­is­son­ar bæj­ar­stjóra og Karls Tómassonar forseta bæjarstjórnar má vafalítið ætla að hinn nýi mið­bær verði geysi­leg lyfti­stöng fyr­ir bæj­ar­fé­lag­ið.

„Þarna myndast svæði fyr­ir nauð­syn­lega versl­un og þjón­ustu í þeirri stærð­ar­gráðu sem bæj­ar­fé­lag­ið þarfnast, ásamt tveim­ur stór­um menn­ing­ar­stofn­un­um," segir Haraldur. „Hvort tveggja mun vafalítið gæða mið­bæ­inn lífi og verð­a von­andi til þess að hér verð­i sá græni, lif­andi mið­bær sem við Mosfellingar höfum þurft á að halda."

Að sögn Har­ald­ar var mik­ið lagt upp úr því að hug­mynd­ir bæj­ar­búa yrðu flétt­að­ar inn í hið nýja deili­skipu­lag. Gerð var við­horfs­könn­un með­al Mos­fell­inga og í fram­haldi af því kom­ið á fót rýni­hóp­um sem fjöll­uðu sér­stak­lega um þær til­lög­ur sem bæj­ar­bú­ar settu fram.

Karl sagði það ljóst að bæjarfélagið hafi vafalítið blætt fyrir það að hafa aldrei haft eiginlegan miðbæ, iðandi af mannlífi. „Slíkt er öllum bæjarfélögum nauðsyn," segir hann og bætir við að mikill áhugi hafi verið meðal bæjaryfirvalda um árabil að bæta úr því. „Nú er það að verða að veruleika. Það metnaðarfulla skipulag sem nú er kynnt og fjöldi bæjarbúa hefur komið að ber vonandi vitni um þann áhuga," segir Karl.

Sjónarmið íbúa fær brautargengi

"Um haust­ið 2005 lagði skipu­lags- og bygg­ing­ar­nefnd fram hug­mynd­ir um nýtt deili­skipu­lag mið­bæj­ar­ins unn­ar af Sig­urði Ein­ars­syni arki­tekt hjá Batt­er­íinu," seg­ir Har­ald­ur.  "Þær hlutu um­fjöll­un í að­drag­anda kosn­inga en ákveð­ið var að vinna þær ekki frek­ar fyrr en að lokn­um kosn­ing­um. Í kjöl­far­ið á sveit­ar­stjórn­ar­kosn­ing­un­um var hald­ið áfram með verk­efn­ið og þá sam­kvæmt mál­efna­samn­ingi meiri­hlut­ans ákveð­ið að gera leita eft­ir skoð­un­um og hug­mynd­um íbúa í meira mæli að verk­inu.

Eft­ir að til­lög­ur íbúa lágu fyr­ir var unn­ið frek­ar með deili­skipu­lag­ið og þær hug­mynd­ir sem nú liggja fyr­ir eru end­ur­skoð­að­ar til­lög­ur þar sem sjón­ar­mið íbúa hafa feng­ið braut­ar­gengi," seg­ir Har­ald­ur.

Græn svæði fá auk­inn sess

Helstu breyt­ing­arn­ar á deili­skipu­lag­stillö­gunni eru einna helst þær að græn svæði í mið­bæn­um fá auk­inn sess frá fyrri til­lögu. "Tek­ið er meira til­lit til trjá­rækt­ar­inn­ar við Bjark­ar­holt­ið og var sér­stak­lega far­ið yf­ir það hvað af gróðr­in­um væri best til þess fall­in að halda sér og mynda gróð­ur­reit í hjarta bæj­ar­ins," bendir Karl á. Þann­ig ger­ir til­lag­an ráð fyr­ir að eins kon­ar skrúð­garð­ur verði í Bjark­ar­holt­inu sem teng­ist klapp­ar­holt­inu í miðju svæð­is­ins. Klapp­ar­holt­ið mun jafn­framt njóta sín sem áfram­hald­andi út­vist­ar­svæði.

Báðir eru þeir sérstaklega ánægðir með hversu mikið tillit hafi verið tekið til að vernda svokallað klapparsvæði. Karls bendir á til gamans að umræddar klappir sem einfaldlega hefðu verið nefndar klettarnir í hans barnæsku hafi verið eitt vinsælasta leiksvæðið á meðal barna búsettra á þessu svæði. „Það er einstakt að hafa slíkt stórgrýti óhreyft í miðbæ og óhemju frumlegt og skemmtilegt," segir Karl.

"Rétt er að benda á að held­ur hef­ur ver­ið dreg­ið úr fjölda íbúða frá fyrri hug­mynd­um og bíla­stæði eru flest neð­an­jarð­ar að hluta eða að öllu leiti og bíl­ar því ekki áber­andi sem er mjög mik­il­vægt til að skapa þessa hlýju grænu stemm­ingu sem sóst er eft­ir," sagði Haraldur.

Lóð­in milli Vest­ur­lands­veg­ar og Bjark­ar­holts var val­in til að hýsa vænt­an­leg­an fram­halds­skóla sem stefnt er á að verði tek­inn í notk­un haust­ið 2011. Har­ald­ur og Karl eru á einu máli um að sá mikli fjöldi fólks, jafnt starfs­fólk og nem­end­ur, sem fylgja starf­semi af þessu tagi muni gæða mið­bæ­inn lífi. Hið sama eigi við um menn­ing­ar­hús og kirkju sem stefnt er að byggja við Há­holt­ið.

Mið­bær­inn mun byggj­ast upp

Har­ald­ur og Karl eru bjart­sýnir á að þrátt fyr­ir efna­hags­ástand­ið geti nýtt mið­bæj­ar­skipu­lag orð­ið að veru­leika á næstu ár­um.

"Það er mjög mik­il­vægt að nota tím­ann nú til þess að vinna und­ir­bún­ings­vinn­una og að ljúka við deili­skipu­lag mið­bæj­ar­ins," segir Haraldur.

„Samn­ing­ur er um að fram­halds­skól­inn verð­i til­bú­inn eft­ir rúm tvö ár og í gangi er hönn­un­ar­sam­keppni um  nýja kirkju og menn­ing­ar­hús í mið­bæn­um. Hvort tveggja er inn­legg í þessa skipu­lag­still­ögu en það er af­skap­lega mik­il­vægt fyr­ir skipu­lag til fram­tíð­ar að í stað þess að skipu­leggja í kring um þess­ar tvær lóð­ir verði all­ur mið­bær­inn hugs­að­ur sem ein heild. Við verð­um að sjá til hversu hratt hinn nýi mið­bær mun byggjst upp. Það er hins veg­ar al­veg ljóst að mið­bær mun byggj­ast upp, spurn­ing­in er ein­ung­is hve­nær. Róm var til að mynda ekki byggð á ein­um degi," segir Haraldur.

---------------------------------

Eng­ar töfra­lausn­ir

Sig­urð­ur Ein­ars­son, arki­tekt mið­bæj­ar­skipu­lags­ins, bend­ir á að hug­mynda­fræð­in í þessu nýja deili­skipu­lagi sé fyrst og fremst að búa til hæfi­lega þétt­an mið­bæ sem hæfi Mos­fells­bæ. "Þétt­leiki tek­ur mið af um­hverf­inu eins og það er í dag. Við not­um Kard­ím­ommu­bæ­inn sem ákveð­ið við­mið fyr­ir þétt­leika og hæð hæstu bygg­inga í bæn­um að Kjarna og vænt­an­legri kirkju und­an­skil­inni".

Miðbær sem virkar

Spurð­ur hver sé lyk­ill­inn að því að búa til nýj­an mið­bæ sem heppn­ast vel svar­ar Sig­urð­ur að horfa verði á vel heppn­aða mið­bæi og skoða af hverju þeir virki svona vel. "Mað­ur verð­ur að spyrja sig af hverju til að mynda Lauga­veg­ur­inn og Strand­gat­an í Hafn­ar­firði virki svona vel. Lyk­ill­inn að því, þeg­ar byggja á nýj­an mið­bæ, er að taka upp þetta gamla góða sem virk­ar. Það eru eng­ar töfra­lausn­ir," seg­ir hann.

Uppbrotnari hús

Sig­urð­ur bend­ir jafn­framt á að skipu­lag Bjark­ar­holts­ins sé til að mynda hugs­að út frá því sem þekk­ist í göml­um mið­bæj­um. Fjöl­býl­is­hús, sem þar er gert ráð fyr­ir að verði byggð, verði brot­in upp," en ekki þess­ar dæmi­gerðu svala­ganga­blokk­ir," eins og hann orð­ar það.

"Við vilj­um upp­brotn­ari hús, þriggja til fjög­urra hæða hús sem eru ekki þessi týp­ísku fjöl­býli. Hús­un­um verð­ur stung­ið nið­ur beggja meg­in Bjark­ar­holts­ins þann­ig að hús­gafl­arn­ir nái nán­ast al­veg út að göt­un­um þann­ig að upp­lif­un­in verði dá­lít­ið áþekk gömlu göt­un­um með stak­stæðu hús­un­um," seg­ir Sig­urð­ur.

Breið­gata með trjá­göng­um

Þá er mark­mið­ið að styrkja götu­mynd í Þver­holt­inu með því að byggja fjöl­býl­is­hús nær göt­unni norð­an­meg­in og að planta trjá­gróðri sitt hvor­um meg­in við göt­una eins og þeg­ar hef­ur ver­ið gert í hluta henn­ar. Þann­ig verði mynd­uð nokk­urs kon­ar trjá­göng eft­ir allri göt­unni.

"Þver­holt­ið gæti ver­ið eins kon­ar breið­gata frá mið­bæn­um í átt að sjón­um," segir Sigurður.

Miðbær í Mosó

Í gær var haldinn kynningarfundur um væntanlegt miðbæjarskipulag í Mosfellsbæ. Fundargestir voru um 40- 50 manns. Fundurinn var vel auglýstur og í bæjarblaði okkar Mosfellinga, Mosfellingi, var nokkrum dögum fyrir fundinn mjög ýtarleg kynning á fyrirhuguðu skipulagi, ríkulega myndskreytt.

Miðað við þá kynningu alla og auglýsingarherferð fyrir fundinn má segja að aðsókn hafi verið með minna móti. Því veltir maður fyrir sér hvort ástæðu þess megi jafnvel túlka sem svo að allflestum Mosfellingum hugnist væntanlegt skipulag. Tillagan sem kynnt var byggist á verðlaunaskipulagi og frekari útfærslu á því, eftir að hópur íbúa í bæjarfélaginu hafði komið með athugasemdir við hana.

Fundurinn í gær var að mörgu leyti skemmtilegur og fróðlegur. Hann hófst á ýtarlegri kynningu Haraldar Sverrissonar bæjarstjóra og Sigurðar Einarssonar arkitekts hjá Batteríinu á skipulaginu. Að því loknu var orðið gefið laust og komu nokkrar skemmtilegar athugasemdir frá fundargestum í kjölfarið.

Athygli vekur þó, að nú orðið er ekki haldinn sá fundur um skipulagsmál í Mosfellsbæ öðruvísi en fáeinar manneskjur sem tilheyra Varmársamtökunum, nánast yfirtaki hann með látlausri gagnrýni á allflestar framkvæmdir sem bæjaryfirvöld Mosfellsbæjar standa að. Sama hvort um veglagningar í þéttbýli bæjarins er að ræða, lagningu göngustíga, hönnun og staðsetningu á nýju glæsilegu miðbæjartorgi, væntanlegri kirkju og menningarhúsi, nýjum gerfigrasvelli við Varmá svo eitthvað sé nefnt.

Samtökum þessum er tíðrætt um lýðræði. Ljóst er að bæjaryfirvöld hafa gætt þess í hvívetna að aðkoma bæjarbúa að stórum verkefnum sé ótvíræð og því um leið íbúalýðræðis gætt. Ákvarðanirnar þarf samt að taka svo hægt sé að hefja framkvæmdir og það er bæjaryfirvalda að taka þær. Til þess eru fulltrúarnir kosnir.

Lýðræði bæjarbúa felst fyrst og síðast í því að kjósa bæjarfulltrúa til að taka þær ákvarðanir. Ákvarðanir sem snúa að allri velferð íbúa og framkvæmdum bæjarfélagsins.  

Það segir sig sjálft, að öll höfum við okkar skoðanir, eitt erum við sátt við en annað ekki. Þannig er það, einnig hjá bæjarfulltrúum í bæjarstjórn Mosfellsbæjar. Þessi umrædda mótmælagrúppa verður að sætta sig við það, rétt eins og við, öll hin. 

Endalaus tortryggni Varmársamtakanna á undirbúning og aðdraganda allra verkefna á vegum bæjarins minnir orðið á dæmigerða hegðun fólks sem hefur allt á hornum sér.

Ég er farinn að óttast að bæjarbúar hafi ekki orðið áhuga á að koma á auglýsta fundi vegna yfirgangs og sjálfumgleði þessa fólks. Fólks sem telur sig bókstaflega hafa bestu lausnir á öllum sköpuðum hlutum.

Endilega farið þið í framboð og málið er dautt. 

Einelti, við verðum að koma í veg fyrir það. Ábyrgð okkar bloggara er ótvíræð

Umræða um einelti hefur sem betur fer orðið meiri með ári hverju. Fólk er í dag, orðið mun upplýstara um þann ljóta leik og þær hörmungar sem það getur haft í för með sér.

Við fullorðna fólkið, gerum okkur grein fyrir því að eitthvað sem kalla átti stríðni á okkar yngri árum og við í raun trúðum að svo væri, var í raun ekkert annað en einelti. Flest þekkjum við eflaust dæmi um það. 

Undanfarið hefur átt sér stað stórmerkileg umræða um einelti. Einelti sem hefur tekið á sig nýja mynd. Rafrænt einelti. Fjöldinn allur af huglausum bloggurum halda úti síðum undir leyninöfnum, til þess eins að herja úr launsátri að persónum. Flest þekkjum við eflaust einnig dæmi um það.

Það er í okkar höndum ágætu bloggarar að hunsa slík skrif. Skrif sem kunna að virka grín á okkar síðum en eru jafnvel mjög meiðandi og særandi fyrir einhverja án þess að við gerum okkur grein fyrir því.

Hver sá sem treystir sér ekki að koma fram undir eigin persónu en um leið leggjast svo lágt að gera lítið úr nafngreindum manneskjum stendur í einelti.

Ágætu bloggarar, komum í veg fyrir slíkt.

Það gerum við m.a. með því að eyða slíkum skrifum út rakleiðis.

Bestu kveðjur frá Kalla Tomm úr Mosó.