Kostulegir snillingar

Það var frábær upplifun að fá að spila með þeim, Rúnari Þór, Gylfa Ægis, Jonna Ólafs og Megasi á hreint stórkostlegum tónleikum nú á dögunum.

Þeir félagar heimsóttu okkur Mosfellinga og léku á Kaffihúsinu á Álafossi fyrir troðfullu húsi öll sín vinsælustu lög.

Þessi uppákoma var ekki einungis tónleikar, heldur flugu einnig óborganlegir brandarar eftir nánast hvert einasta lag hjá þeim félögum út í salinn.

Á þessari mynd er einn góður brandari að fljúga frá Gylfa Ægis, á meðan stilla Megas og Rúnar saman strengi sína.

Í pásu allir nema Gylfi sem seldi plötur sínar og áritaði þær og jafnvel handleggi.

Handleggsáritun frá Gylfa.

Gylfi að syngja Sjúddirarirei.

Frábær skemmtun á troðfullu Kaffihúsinu á Álafossi.

Bara ef ég hefði haft myndavél

Fyrir utan glugga á heimili mínu eru tvö stór reynitré og nýlega hengdi ég fuglamat í þau. Þetta voru litlar kúlur sem ég fékk í Europrise.

Til þess að koma kúlunum upp í tréð þurfti ég að beita nokkrum tilþrifum. Ég setti hringlaga vír á kúluna og útbjó langt prik til að teygja mig í tréð.

Viti menn, um leið og ég gerði mig líklegan til að hengja kúlurnar í tréð settust tveir fuglar á kúlurnar og byrjuðu að éta, þeir voru í c.a. 20 cm fjarlægð frá mér þessi litlu fallegu fuglar og virtust algerlega óhræddir. Sennilega voru þeir svona glorhungraðir. Þetta var mögnuð sjón.

Munum eftir smáfuglunum.

Trommustuð

<iframe title="YouTube video player" class="youtube-player" type="text/html" width="480" height="390" src="http://www.youtube.com/embed/ItZyaOlrb7E" frameborder="0" allowFullScreen></iframe>

Þessi er flott

Ég fékk senda mynd nú á dögunum einu sinni sem oftar og þakka ég innilega fyrir þær sendingar. Ég hef alltaf jafn gaman af þeim. 

Höfundur myndarinnar (sem ég veit því miður ekki hver er) hér að neðan tekur um þessar mundir þátt í ljósmyndasamkeppni með þessa mynd sem hann kallar Gildran. 

Hún er flott þessi.

Sjúkralið og tækjabíll á leið á slysstað

Ég er oft hugsi yfir fréttaflutningi í fjölmiðlum þegar sagt er frá alvarlegu slysi og staður og stund tilgreint aðeins nokkrum mínútum eftir slysið.

Samanber, mjög alvarlegt bílslys varð á Hellisheiði um kl: 16:00 í dag, sjúkralið og tækjabíll slökkviliðsins er á leið á slysstað.

Hver er tilgangurinn með slíkum fréttaflutningi?

Einhverjir hlustendur slíkra frétta vita jafnvel af nánum ættingja á þessari leið og á þeim tíma sem tilgreindur er.

Eins og gefur að skilja fyllast aðstandendur miklum kvíða, ótta og ónotum fyrir vikið.

Í dag var fréttaflutningur af þessu tagi, oft sem áður, í fjölmiðlum.

Hver er tilgangurinn???

Gamlir vinir

Ég fékk í vikunni senda skemmtilega mynd sem að mér fannst óskaplega vænt um að fá.

Þarna erum við gömul skóla- og bekkjasystkin og vinir í afmæli hjá æskuvinkonu minni Unni Jennýju Jónsdóttur í Markholti 6.

Á myndinni eru talið frá vinstri: Kalli Tomm, Anna á Helgafelli, Herdís Guðjónsdóttir, afmælisbarnið Unnur Jenný með sár á nebbanum,  Linda López, Guðný Hallgrímsdóttir, Linda Úlfsdóttir, Guðrún Ríkharðsdóttir bróðurdóttir Jennýjar og Hilmar bróðir hennar. 

Bubbi og Færibandið

Mikið óskaplega er gaman að hlusta á Bubba í útvarpsþætti sínum á Rás 2 (Færibandinu) kl: 22:00 á mánudagskvöldum.

 

Viðtöl hans eru algerlega stresslaus og markmiðið er greinilega það, að ná sem mestu og bestu úr gesti þáttarins. Hvort þættirnir verða einn, tveir, þrír eða fjórir, það bara ræðst hjá þáttargerðamanninum.

Viðtöl hans við Kristján Jóhansson óperusöngvara undanfarin mánudagskvöld hafa til að mynda verið algerlega frábær. Það hefur verið einstaklega gaman að hlusta á þá félaga undanfarin mánudagskvöld. Einlægnin og tilgerðarleysið er algert.

Kristján Jóhannsson er einstakur maður og hlýjan bókstaflega streymir frá honum. Endilega hlustið, ég held að það sé a.m.k. einn þáttur eftir.

Feistist út um allt í dag

Ég feistist út um allt í dag, fór í sund í morgun, heimsótti gamlan vin í hádeginu, smakkaði nýja epplasafann frá MS, átti fund með gömlum æskuvini, bónaði bílinn, keypti ný rúmföt, þau eru æðisleg, smakkaði besta súkkulaði efer hjá Jóa Fel, setti læk hjá svona 50 feisurum um allt land og endaði þetta svo með því að skella þessu öllu á feisið. Þvílíkur dagur.

 

Ekkert helvítis bloggidí, bloggidí blogg.

 

Eruð þið ekki að feisaðetta??? 

Alex / Rush

<object width="480" height="385"><param name="movie" value="http://www.youtube.com/v/S7o2kRnL8rE?fs=1&amp;hl=en_US"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/S7o2kRnL8rE?fs=1&amp;hl=en_US" type="application/x-shockwave-flash" allowscriptaccess="always" allowfullscreen="true" width="480" height="385"></embed></object>

Gamlar upptökur með Gildrunni

Á þessari skemmtilegu síðu má sjá og heyra nokkrar gamlar upptökur af okkur félögunum Gildrunni.

Þeirra á meðal er nýjasta hljóðverslag okkar Blátt blátt og einnig af nýju plötunni okkar Vorkvöld, ásamt ýmsu öðru.

http://www.formula1movies.net/gildran/