Engin Elvis aldrei Bítlar

Þetta sagði John Lennon. Við þetta má svo bæta að ef Bítlarnir hefðu ekki komið á sjónarsviðið þá hefðu hljómsveitirnar Guð má vita hversu margar aldrei orðið til.

Er þetta ekki allt fyrir fram ákveðið?

Elvis lifir

Athugasemdir

[Jóhannes Ragnarsson, 16.8.2007 kl. 08:23]

Svo má líka segja: Enginn John aldrei Bítlar.

[Ingibjörg Friðriksdóttir, 16.8.2007 kl. 09:01]

Sammála Jóhannesi.  Án Lennons, aldrei Bítlar.  Í mesta lagi The Wings.

En svo væri ég líka orðin sextug ef það hefði tekist hjá mömmu og pabba strax. 

[Karl Tómasson, 16.8.2007 kl. 09:18]

Þegar ég kem heim er eini fjölskyldumeðlimurinn sem tekur alltaf á móti mér eins ég sé einn af Bítlunum hundurinn minn.

Þetta sagði Paul Mc Cartney.

The Wings er nú Skárr en ekkert. Ég vona að Gummi Steingríms verði ekki sár.

[Ásthildur Cesil Þórðardóttir, 16.8.2007 kl. 13:12]

Haha gaman að spá í hvað ef????  Það kemur ekkert út af engu, og það þarf stundum bara svo litla þúfu til að velta heilu hlassi.  Stundum man bara enginn eftir þúfunni, en allir vita af hlassinu.

[HP Foss, 16.8.2007 kl. 13:19]

hva,, bara fréttablogg. Puff, innihaldslaust.

[HP Foss, 17.8.2007 kl. 00:17]

Til hamingju með afmælið kæri vinur, megi þú njóta dagsins.

[Jens Guð, 17.8.2007 kl. 02:53]

  Það er ekkert ákveðið fyrirfram af vitiborinni veru sem stýrir batterínu.  Í rokksögunni ráðast hlutir af gjörðum einstaklinga sem í sumum tilfellum hitta á rétta tímasetningu.

  Í árdaga rokksins skópu blökkumenn á borð við Ike Turner,  Chuck Berry og Little Richard frumrokkið.  Bleiknefinn Bill Haley poppaði dæmið og varð súperstjarna. 

  Eigandi Sun Records hóf leit að hvítum manni sem gæti sungið rokk eins og blökkumaður.  Vitandi að það yrði uppskrift að gullnámu.

  Hann fann Elvis.  Uppskriftin var þó sú að Elvis yrði kántrýstjarna með rokkívafi.  Á hljómleikum með Elvis þar sem fyrirmenn útvarpsstöðva mættu varð Elvis fyrir aðkasti rasista.  Elvis brást hinn versti við og breytti prógramminu í blökkumannablús til að svekkja rasistana.  Öllum til undrunar urðu viðtökur áheyrenda svo jákvæð að ákveðið var að gera frekar út á rokk og blús en kántrý.

  Í kjölfarið valtaði Elvis yfir Bill Haley sem rokkstjarna.  Það sem að ég held að margir átta sig ekki á í dag er að annar hvítur rokkari Jerry Lee Lewis toppaði Elvis í vinsældum fram til 1958.   Þá varð jerry uppvís af því að hafa gifst 12 ára náfrænku sinni.  Var umsvifalaust stimplaður barnaníðingur og kolféll í vinsældum til margra ára.

  Rokkbylgjan fjaraði hratt út.  Þá var það nokkrum árum seinna sem Bítlarnir komu til sögunnar.  Fáir höfðu trú að hægt væri að endurvekja rokkbylgjuna.  Fram til þessa hafði tískubylgja í dægurlagamúsík aldrei náð að vera endurvakin.  Bítlunum var hafnað af plötufyrirtækinu Decca sem var ráðandi afl í dægurlagaheimi.  Fyrir nokkurskonar tilviljun hlutu Bítlarnir síðar náð hjá plöturisanum EMI.  Bítlarnir höfðu þá starfað í mörg ár.  Fyrst sem Querrymen.  Síðan sem Johnny & the Moondogs.  Því næst sem The Silver Beetles.  Og loks sem The Beatles. 

  Framhaldið þekkja allir.   

[Jóna Á. Gísladóttir, 17.8.2007 kl. 10:12]

Það er eiginlega ekkert að segja þegar Jens hefur tjáð sig .

[Steinunn Helga Sigurðardóttir, 17.8.2007 kl. 15:48]

já þeir hafa allir heldur betur set fótspor sín í söguna !

takk fyrir það bítlar og elvis !