Íbúaþing um sjálfbæra þróun í Mosfellsbæ

Undanfarið hefur staðið yfir hjá Mosfellsbæ undirbúningur á íbúaþingi um sjálfbæra þróun. Þingið er eins og gefur að skilja öllum opið.

Mosfellsbær býður ykkur til íbúaþings um sjálfbæra þróun í Mosfellsbæ. Íbúaþingið verður haldið í aðalsal Lágafellsskóla, þriðjudaginn 9. febrúar kl. 20:00-22:00.
Þingið er haldið í tengslum við vinnu bæjaryfirvalda við endurskoðun Staðardagskrá 21 í Mosfellsbæ og þeirri gerð aðgerðaráætlunar sem nú stendur yfir og bæjaryfirvöld munu horfa til næstu árin.

Tilgangurinn er að leita eftir skoðunum og hugmyndum íbúa varðandi sjálfbæra þróun sveitarfélagsins, og hafa þær til hliðsjónar við endurskoðunina.

Allir íbúar bæjarins, þar á meðal fulltrúar félagasamtaka, stofnana og fyrirtækja, eru hvattir til að mæta og stuðla að lifandi umræðu um sjálfbæra þróun í Mosfellsbæ. Nánari upplýsingar veitir Tómas Gíslason umhverfisstjóri í s. 525 6700 eða tomas[hja]mos.is 

Til hamingju stóri brósi

Bróðir minn, Björgvin Tómasson, var útnefndur iðnaðarmaður ársins 2009 en hann er orgelsmiður og með verkstæði sitt á Stokkseyri.

Um árabil var verkstæði hans í fjósinu á Blikastöðum hér í Mosfellsbæ. Þar var ég um tíma starfsmaður hjá honum og var fróðlegt að kynnast því hvernig risastór hljóðfæri eins og pípuorgel verða til. Pípuorgel geta jafnvel stundum verið nokkur ár í smíðum enda mikið nákvæmnisverk á allan hátt að hanna, smíða og setja slík hljóðfæri saman. 

Hljóðfæri Björgvins eru nú komin eitthvað á þriðja tugin og hljóma í kirkjum víða um landið.

Eitt af hljóðfærum Björgvins er í Digraneskirkju í Kópavogi

 

 

Stóðu sig vel á sveinsprófi

Blómstrandi menning í Mosfellsbæ

Næstu helgi verður haldið hér í Mosfellsbæ, landsmót lúðrasveita. Ein af skrautfjöðrum Mosfellsbæjar um áratuga skeið er lúðrasveitin okkar sem stofnuð var fyrir rúmum 40 árum af Birgi D. Sveinssyni.

Nokkrum sinnum hef ég skrifað um það mikla og merka starf sem Birgir, ásamt frábærum kennurum lúðrasveitarinnar hafa unnið um árabil fyrir allt menningarlíf bæjarfélagsins. Núverandi stjórnandi hljómsveitarinnar, Daði Þór Einarsson var m.a. alinn upp hjá Birgi í lúðrasveitinni.

Mosfellsbær státar af fjölmörgum frábærum listamönnum og er það algerlega ómetanlegt fyrir hvert bæjarfélag að hafa öflugt og gott menningarlíf. Lúðrasveitin á vafalítinn þátt í því hvað varðar tónlistina að minnsta kosti.

Ég set hér inn nokkrar gamlar og nýlegar myndir sem ég á í fórum mínum úr menningarlífi bæjarins. Þær eru valdar af handahófi úr stóru myndasafni mínu og vissulega aðeins brot af öllu menningarstarfinu eins og gefur að skilja.

Myndin er tekin fyrir nokkrum árum síðan af lúðrasveitinni og Birgi D. við minnisvarða af ömmu minni og afa við Varmárskóla. Efst á myndinni til hægri er söngkonan, Íris Hólm, sem syngur nú í úrslitakeppni söngvakeppni sjónvarpsins.

Daði Þór Einarsson, stjórnandi lúðrasveitarinnar.

 

Gamlir lúðrasveitarfélagar ásamt Birgi D. Myndin er tekin á 40 ára afmæli sveitarinnar.

Þorkell Jóelsson, einn af kennurum lúðrasveitarinnar um margra ára skeið með Birgi í gamla miðasölu búrinu í Hlégarði.

Slagverksleikarinn og kennari minn Reynir Sigurðsson.

Hver þekkir ekki þessa konu? María í einum af fjölmörgum hlutverkum sínum fyrir Leikfélag Mosfellssveitar.

Dóra Wild, dóttir Maríu hér á myndinni fyrir ofan, einnig í einu af fjölmörgum hlutverkum sínum fyrir leikfélagið.

Símon Ívarsson gítarleikari og fyrrum bæjarlistamaður Mosfellsbæjar.

Páll Helgason stjórnar hér einum af þeim fjölmörgu kórum sem hann hefur stjórnað í bæjarfélaginu.

Bjarki Bjarnason rithöfundur færir Steingrími J. Sigfússyni, Sögu Mosfellsbæjar.

Steinunn Marteinsdóttir á Hulduhólum við eitt sinna verka. Steinunn er fyrrum bæjarlistamaður Mosfellsbæjar.

Guðný Halldórsdóttir fyrrum bæjarlistamaður Mosfellsbæjar ásamt bæjarstjóra, formanni menningarmálanefndar og forseta bæjarstjórnar.

Myndin er tekin eftir stofnun Listaskólans.

Myndin er tekin á vinnustofu Þóru Sigurþórsdóttur, leirlistakonu.

Heiðursfélagar Karlakórsins Stefnis. Davíð Guðmundsson, Sigsteinn Pálsson og Þórður Guðmundsson.

Bæjarlistamennirnir, Anna Guðný Guðmundsdóttir, Sigrún Hjálmtýsdóttir og Guðrún Tómasdóttir. Þessa skemmtilegu mynd tók Herdís Sigurjónsdóttir bæjarfulltrúi.

Jónas Þórir.

Hljómurinn, Hilmar og Gústi.

Gildran.

Sigur Rós.

Bæjarlistamaður Mosfellsbæjar, Sigurður Ingvi Snorrason.

 

Eins og ég nefni hér að ofan er þetta engan vegin tæmandi listi eða myndir af öllum þeim góðu listamönnum sem starfa í bæjarfélaginu, aðeins brot.

Hér fyrir neðan má sjá lista yfir bæjarlistamenn Mosfellsbæjar.

1995: Skólahljómsveit Mosfellsbæjar
1996: Leikfélag Mosfellssveitar
1997: Inga Elín Kristinsdóttir
1998: Sigrún Hjálmtýsdóttir
1999: Sigurður Þórólfsson
2000: Karlakórinn Stefnir
2001: Sigur Rós
2002: Anna Guðný Guðmundsdóttir
2003: Steinunn Marteinsdóttir
2004: Guðrún Tómasdóttir og Frank Ponzi
2005: Símon H. Ívarsson
2006: Jóhann Hjálmarsson
2007: Ólöf Oddgeirsdóttir
2008: Guðný Halldórsdóttir
2009: Sigurður Ingvi Snorrason

Stiklað á stóru

Bæj­ar­mál­in hafa geng­ið vel í Mos­fells­bæ, þrátt fyr­ir að hér, líkt og í öðr­um bæj­ar­fé­lög­um, hafi þurft að grípa til ráð­staf­ana í kjöl­far efna­hags­hruns­ins. Marg­ar af þeim ákvörð­un­um voru erf­ið­ar og í slíku ár­ferði skipt­ir öllu máli að for­gangsr­aða rétt og það hafa bæj­ar­yf­ir­völd kapp­kost­að að gera. Fyrst og síðast hef­ur ver­ið reynt að standa vörð um skóla, fjöl­skyldu- og vel­ferð­ar­mál.

 

 

Birna með fjallkonunni á miðbæjartorginu fallega

 

 

 

* Bygging glæsilegs Krikaskóla

* Framhaldsskóli hóf störf í Mosfellsbæ 

* Undirritun viljayfirlýsingar um byggingu sjúkrahúss og hótels

* Nýtt og vandað miðbæjarskipulags kynnt 

* Ævintýragarðurinn og hugmyndir um hönnun hans kynntar 

* Nýtt hjúkrunarheimili í burðarliðnum 

* Verðlaunatillaga á byggingu nýrrar kirkju og menningarhúss kynnt 

* Ný reiðhöll tekin í notkun

 

 

 

Vígsla miðbæjartorgs og útilistaverksins sem þar er

 

Hér nefni ég nokk­ur verk­efni sem rísa hátt hjá okk­ur Mos­fell­ing­um. Fyrst nefni ég nýj­an og glæsi­leg­an Krika­skóla, sem er óð­um að taka á sig mynd. Fram­halds­skól­ann okk­ar lang­þráða sem tók til starfa í gamla Brú­ar­lands­hús­inu síð­ast­lið­ið haust.

 

 

Fyrsta skóflustunga Krikaskóla

 

Ný­lega sam­þykkti mennta­mála­ráð­herra að fram færi sam­keppni um hönn­un skól­ans á nýj­um stað svo ljóst er að ríki­stjórn­in mun ekki fresta áform­um um bygg­ingu hans. Í haust var und­ir­rit­uð vilja­yf­ir­lýs­ing um upp­bygg­ingu sjúkra­húss og hót­els sem mun sér­hæfa sig í mjaðma- og hnjá­liða­að­gerð­um. Þar er um að ræða verk­efni og starf­semi af þeirri stærð­ar­gráðu að líkja má við grett­is­tak fyr­ir allt okk­ar sam­fé­lag. ´

Nýtt og vand­að mið­bæj­ar­skipu­lag er nú í aug­lýs­inga­ferli. Þar hef­ur vand­lega ver­ið gætt að halda í græn svæði.

 

 

Afhjúpun minnisvarða í tilefni aldarafmælis UMF Aftureldingar

 

Hug­mynda­sam­keppni Æv­in­týra­garðs­ins ligg­ur nú fyr­ir og þar komu marg­ar spenn­andi til­lög­ur fram. Æv­in­týra­garð­ur­inn er tal­andi dæmi um áhersl­ur bæj­ar­yf­ir­valda í um­hverf­is­mál­um en stærð hans, um­fang og stað­setn­ing mun hafa mikla sér­stöðu í bæj­ar­fé­lag­inu. Nú hyllir loks undir að byggingu nýs hjúkrunarheimilis í Mosfellsbæ verði hrynt í framkvæmd en félagsmálaráðherra vinnur þessa dagana við framkvæmdaráætlun um  það og fjármögnun þess. Kynnt hef­ur ver­ið sú til­laga sem bar sig­ur úr být­um í hönn­un kirkju- og menn­ing­ar­húss og virð­ist al­menn ánægja ríkja um hana.

 

 

Í viðtali á Stöð 2 vegna fyrirhugaðs sjúkrahúss

 

Hér hef ég stikl­að á okk­ar stærstu mál­um. Þau um­fangs­minni eru okk­ur einn­ig að sjálf­sögðu hug­leik­in en of langt mál að telja þau upp hér.

 

Íþrótta- og úti­vist­ar­að­staða Mos­fells­bæj­ar er tví­mæla­laust ein af okk­ar stærstu skraut­fjöðr­um og alla tíð hef­ur ríkt mik­ill ein­hug­ur hjá bæj­ar­yf­ir­völd­um að slaka ekk­ert á í stuðn­ingi við upp­bygg­ingu henn­ar. Nýj­asta dæm­ið er ný og glæsi­leg reið­höll á Varm­ár­bökk­um sem tek­in var í notk­un í nóv­emb­er­mán­uði. Fé­lag­ar í Hesta­manna­fé­lag­inu Herði eiga mikl­ar þakk­ir skild­ar fyr­ir upp­bygg­ingu henn­ar en fjöldi sjálf­boða­liða lagði nótt við dag við að reisa hana.

 

 

Vígsla Brúarlandsskóla

 

Ekk­ert er dýr­mæt­ara í öllu íþrótta- og tóm­stunda­starfi en áhuga­samt fólk sem er til­bú­ið að leggja sitt af mörk­um til að efla það. Við Mos­fell­ing­ar meg­um vera þakk­lát­ir og stolt­ir af  því fjöl­marga góða fólki sem starf­ar á þeim vett­vangi. Stærsta íþróttafélag Mosfellsbæjar er Ungmennafélagið Afturelding og eins og flestir vita fagnaði félagið aldarafmæli á nýliðnu ári. Af því tilefni var m.a. hafist handa við ritun á sögu félagsins. Bókin sem kom út nú á afmælisárinu er hátt í 400 bls og full af fróðleik um þetta merka íþróttafélag. Bókin sem er skrifuð af Bjarka Bjarnasyni og Magnúsi Guðmundssyni.

 

 

Ein gömul úr kosningabaráttunni 2006. Árin eru fljót að líða

 

Nú er hið pólitíska litróf  farið að mótast af væntanlegum bæjar- og sveitarstjórnarkosningum. Stjórnmálaflokkarnir eru nú hver af öðrum að undirbúa þá baráttu sem í hönd fer. Samfylkingin hefur lokið sínu prófkjöri og var mjótt á mununum á milli Jónasar Sigurðssonar og Valdimars Leós Friðrikssonar í baráttunni um efsta sætið. Hinir tveir einstaklingarnir sem gáfu kost á sér í oddvitasætið komust ekki á blað á meðal þeirra efstu. Prófkjör Sjálfstæðismanna verður nú um helgina og virðist sem helsta baráttan sé þar um annað sætið. Haraldur Sverrisson, bæjarstjóri gefur einn kost á sér í það fyrsta. Framsóknarmenn efna til prófkjörs í lok mánaðarins. Hjá Vinstri grænum vinnur nú þessa dagana uppstillingarnefnd við uppröðun á listann.

    

Allt sam­starf á vett­vangi sveit­ar­stjórn­ar­inn­ar bygg­ir á gagn­kvæmu trausti og virð­ingu. Ef það er haft í heiðri tekst vel til, líkt og raun­in hef­ur ver­ið á þessu kjör­tíma­bili.

 

Við vinstri græn höf­um sann­ar­lega lagt okk­ar af mörk­um og mun­um ganga með ánægju til næstu bæj­ar­stjórn­ar­kosn­inga að loknu far­sælu kjör­tíma­bili sem við er­um stolt af.

Sjúkdómar og kosningabarátta, hvað á það sameiginlegt?

Fyrir sex árum síðan greindist ég með krabbamein sem ég hef nú blessunarlega unnið bug á. Ég var útskrifaður á nýliðnu ári og var sú líðan þegar læknirinn minn tilkynnti mér það ólýsanleg, fyrir mig og mína fjölskyldu.

Allt þetta kjörtímabil hefur nokkur hópur fólks, haldið úti bloggsíðu sem hefur haft það eitt að markmiði að reyna að niðurlægja mig og mín störf. Tveimur þessara síða var lokað eins og frægt er orðið, báðar síðurnar voru undir leyninöfnum.

Fyrst var síðu Varmársamtaka Valda, eins og hann var alltaf kallaður lokað og var aðal ástæða þess  færsla, þar sem hann skoraði á fólk að varast fólk með rotsjúkdóma. Það var kornið sem fyllti mælinn og yfirmenn Vísisbloggs skelltu þeirri síðu í lás samstundis. Þá var önnur síða opnuð sem var einnig lokað samstundis.

Nú hefur umræðan á þessum síðum báðum færst yfir til fyrrverandi gjaldkera og stjórnarmanns Varmársamtakanna, Ólafs Ragnarssonar (Ólafur í Hvarfi) og að venju detta þar inn þekkt leyninöfn úr umræðunni. Markmiðið er eitt hjá fólkinu sem skrifar á þessa síðu, það er að reyna að niðurlægja störf mín og nú er bæjarstjórinn einnig farinn að fá það óþvegið. Að venju er þetta gert með slíkum hætti að fólki er gersamlega misboðin umræðan.

Nú að nýju, er krabbamein það sem ég fékk og gekk í gegnum orðið að umræðuefni í kosningaáróðri félaganna á síðunni.

Ég vil biðja þetta fólk um að hlífa mér og minni fjölskyldu við þessari umræðu. Þeir pennar sem þarna skrifa, leggja ekki mat á það hvað eru mín einkamál og hver ekki. Ég hef ekki verið feiminn við að ræða um þennan sjúkdóm minn og hvaða áhrif hann hafði á mig. Ég hef reyndar aðeins einu sinni skrifað um þessa reynslu mína hér á blogginu mínu og það var í kjölfar þess, sem umræðan um rotsjúkdóma hófst hjá Valda Sturlaugz, síðunni sem var lokað.

Þetta eru ein ömurlegustu skrif og aðför sem ég hef orðið vitni af og ég veit að það eru mér margir sammála. Veikindi mín eiga ekkert erindi í þann kosningaóhróður sem þarna fer fram.

Að lokum skora ég á ykkur lesendur góðir, að blanda ykkur ekki í umræðuna og þann ófögnuð sem á sér stað þarna, enda gerir það svosem engin að mér sýnist nema gömlu "hugrökku" leynipennarnir og eigandi síðunnar.

Við Mosfellingar óskum ekki eftir slíkri kosningabaráttu, sama hvar í flokki við stöndum.  

Fundi frestað

Fyrirhuguðum fundi og heimsókn, Katrínar Jakobsdóttur menntamálaráðherra, sem ég skrifaði um hér að neðan, hefur verið frestað um mánuð.

Fundurinn verður þann 9. mars.

Hann verður auglýstur nánar síðar.

Fésarar

Nýlega var opnuð fésbókarsíða mér til heiðurs. Af þessu frétti ég þegar þó nokkur umræða hafði átt sér stað á henni og margir vinir komnir á hana, m.a. mætir Mosfellingar.

Loks þegar ég var búinn að afla mér upplýsinga um hvernig ég gæti nú blandað mér í umræðuna á síðunni, var allt lok, lok og læs.

Ég vil nota tækifærið og þakka þeim sem gerðust vinir mínir á síðunni um leið og ég frábið mér aðstoð sem þessa til að komast á feisið.

Maður verður bara að feisa þetta eins og karlmaður.  

Gullleikurinn

Nú hefur verið ákveðið að sýna úrslitaleik Íslendinga við ??????? á EM í hanbolta í íþróttahúsinu að Varmá á sunnudaginn. Húsið opnar kl. 16.

Sveitastjórnarráðstefna VG í Mosó

Nú hefur verið ákveðið að næsta sveitarstjórnarráðstefna Vinstri grænna verði haldin hér hjá okkur Mosfellingum helgina 12. og 13. febrúar.

Það er okkur Mosfellingum sönn ánægja að Mosfellsbær hafi orðið fyrir valinu að þessu sinni til þessa ráðstefnuhalds, nú þegar stutt er til næstu bæjar- og sveitarstjórnakosninga en Mosfellsbær var fyrsta sveitarfélagið sem Vinstri græn mynduðu meirihluta undir eigin merki.

Allar nánari upplýsingar um dagskrá sveitarstjórnarráðstefnunnar verður hægt að nálgast á heimasíðu okkar vgmos.is og á heimasíðu flokksins vg.isinnan tíðar.

Þriðjudaginn 9. febrúar kl. 20 verður haldin félagsfundur Vinstri grænna í Hlégarði. Allir félagsmenn eru boðnir hjartanlega velkomnir. Að sjálfsögðu verða komandi sveitarstjórnarkosningar meðal umræðuefnis.

Ögmundur og Óli Gunn formaður VG í Mos

Sérstakur gestur fundarins að þessu sinni verður Katrín Jakobsdóttir menntamálaráðherra og vafalítið koma að venju þingmenn kjördæmisins, Ögmundur Jónasson og Guðfríður Lilja Grétarsdóttir einnig til með að láta sjá sig og taka til máls.

Kalli og Kata á góðri stund. 

Sænski eðalvagninn

Í kvöldfréttum var sagt frá því að samningaviðræður stæðu enn yfir í Stokkhólmi um að hollenski bifreiðaframleiðandinn Spyker kaupi sænsku SAAB bílaverksmiðjuna. Þetta virðist ætla að verða sagan endalausa. 

Fyrir bílaáhugamenn og aðdáendur Saab er vissulega spennandi að fylgjast með afdrifum hins gamalgróna sænska eðalvagns. Ég hef átt þrjá Saab um dagana og allir voru þeir hin skemmtilegustu faratæki. Í dag sé ég óskaplega eftir að hafa látið tvo þeirra og þó sérstaklega einn.

Fyrsti Saabinn var af nákvæmlega þessari tegund árgerð 1973, minn var hvítur að lit.

 

Þá kom einn af þessari tegund 900 GL, árgerð 1982. Svakalegur eðalvagn þótti okkur hann alltaf.

Nokkru síðar eignaðist ég þennan fágæta sportbíl sem var aðeins framleiddur í nokkurhundruðum eintaka af Saab verksmiðjunum. Hann var árgerð 1972 og blár að lit. Ég seldi hann 1992 og sé alltaf mikið eftir.