Gildran live í Mosó

Dagskrárgerðarmaðurinn góðkunni, Ólafur Páll Gunnarsson, (Óli Palli) frumflutti í dag í þætti sínum Rokklandi á Rás 2 þrjú lög af tónleikum Gildrunnar Í Hlégarði.

 

Hér fyrir neðan er slóðin á þáttinn. Lög okkar Gildrufélaga flutti hann að lokinni kynningu á Stranglers svona um það bil um miðbik þáttarins.

Semsagt hér kemur splúnkunýtt efni frá tónleikunum í Mosó.

http://dagskra.ruv.is/ras2/4519255/2010/05/16/

Mosfellingur.is

Allt um okkur Vinstri græn í Mosfellsbæ

er í bæjarblaðinu Mosfellingi.

Þar eru bæði greinar okkar og auglýsingar.

Í glæsilegu bæjarblaði

sem kemur út allan ársins hring í Mosfellsbæ 

og flytur skemmtilegar fréttir af lífinu úr sveitinni.

mosfellingur.is 

Kosningavor

Að loknu farsælu kjörtímabili

 

Það eru orð að sönnu að tíminn flýgur hratt, einkum þegar vel gengur í lífi og starfi. Nú eru sveitarstjórnarkosningar framundan og rétti tíminn til að líta um öxl yfir liðið kjörtímabil og jafnframt fram á veginn.

Eftir góðan sigur í síðustu kosningum komst Vinstri hreyfingin-grænt framboð til áhrifa í Mosfellsbæ og hefur verið í meirihluta allt kjörtímabilið. Þetta var jafnframt í fyrsta skipti á landsvísu sem Vinstri græn mynduðu meirihluta undir eigin merki. Samstarfið hefur gengið afar vel hér í Mosfellsbæ og byggir á trausti og jafnræði flokkanna.

Hinsvegar hefur allvíða um land slitnað upp úr meirihlutasamstarfi á kjörtímabilinu og stundum óheilinum kennt um.

 

Erfiðir tímar í samfélaginu hafa ekki komið í veg fyrir að mörgum mikilvægum verkum hefur verið hrint í framkvæmd í Mosfellsbæ og stafar það ekki síst af mikilli ráðdeild bæjaryfirvalda.

Að loknu farsælu kjörtímabili kemur fyrst upp í hugann þakklæti til allra bæjarbúa, starfsmanna Mosfellsbæjar og samstarfsfólks míns í bæjarstjórn.

   

Meðal þess sem sem hefur áunnist

 

 

Gjaldfrjáls leikskólagjöld fyrir fimm ára börn komu til sögunnar.  

Nýtt, glæsilegt miðbæjartorg með útilistaverki vígt.  

Mosfellsbær varð fyrst sveitarfélaga til að samþykkja Evrópusáttmála um jafna stöðu kvenna og karla og árlegur dagur jafnréttis í Mosfellsbæ var festur í sessi.  

Nýtt og vandað miðbæjarskipulag samþykkt.  

Framhaldsskóli Mosfellsbæjar tók til starfa. 

Gengið frá samningum um byggingu nýs hjúkrunarheimilis.  

Krikaskóli tók til starfa og skólaþing haldin.  

Frístundaávísanir gefnar út til að styðja við tómstundastarf barna og unglinga. 

Gengið frá stefnumótun um sjálfbæra þróun.  

Umhverfisvæn innkaupastefna og grænt bókhald samþykkt.  

Ævintýragarður og hugmyndir um hönnun hans kynntar.  

Íbúagátt tekin í notkun hjá Mosfellsbæ.  

Nýtt skipurit fyrir Mosfellsbæ tekið í notkun.  

 

Hér er vissulega aðeins stiklað á okkar stærstu framkvæmdum, þær minni skipta ekki síður máli en of langt mál yrð að telja þær upp hér.

    

Að lokum

 

Við vinstri-græn í Mosfellsbæ höfum sannarlega lagt okkar að mörkum við að gera fallegan og góðan bæ enn betri. Við göngum með ánægju til komandi bæjarstjórnarkosninga að loknu farsælu kjörtímabili sem við erum stolt af.  

Ágæti kjósandi, ég skora á þig að íhuga vel hverjum þú greiðir atkvæði þitt í vor. Vinstrihreyfingin grænt framboð er heilsteypt og heiðarlegt stjórnmálaafl sem hefur haft mikil áhrif á íslenskt samfélag hin síðustu ár.

 

Karl Tómasson forseti bæjarstjórnar Mosfellsbæjar og efsti maður á lista VG í Mosfellsbæ.

Greinin byrtist í bæjarblaðinu Mosfellingi 12. maí. 

Þá var hlegið

Þegar Ögmundur Jónasson spurði úr ræðupúlti alþingis fyrir nokkrum árum síðan hvort eðlilegt gæti talist að menn hefðu milljónatugi í mánaðarlaun á Íslandi, var mörgum hlátur í huga.

Jú  þetta voru allt snillingar, útrásarsnillingar, margverðlaunaðir menn sem áttu allt gott sitt skilið.

Tónleikar sem við gleymum aldrei

Tónleikar okkar félaganna í Gildrunni í gær munu aldrei nokkru sinni renna okkur úr minni. Andrúmsloftið og stemningin í Hlégarði var hreint stórkostleg. Við félagarnir erum innilega þakklátir og bókstaflega hrærðir.

Hljómsveitarmeðlimir heimsóttu okkur Línu í dag ásamt eiginkonum og að sjálfsögðu var gærdagurinn og tónleikarnir okkur efst í huga. 

Við getum seint þakkað öllum okkar góðu vinum sem hafa staðið svo þétt við bak okkar um áratuga skeið. Við þökkum einnig öllu því góða fólki sem troðfyllti Hlégarð með einstaka strauma í okkar garð.

Takk fyrir okkur.

Hér koma nokkrar myndir af síðustu æfingunni fyrir tónleika.

 

 

3. maí 2010

Hér koma myndir af tónleikunum.

Alsælir í pásu í góðum félagsskap.

Eftir tónleikana

 

 

 

Kærar þakkir

Nú styttist í tónleika okkar Gildrufélaga og hefur allt gengið eins og í sögu hjá okkur fram að þessu. Æfingarnar hafa verið sérlega skemmtilegar og erum við allir klárir í slaginn. 

Við erum mjög þakklátir fyrir þá stemningu og þann meðbyr sem við höfum fundið fyrir úr öllum áttum undanfarna daga.

Lagið okkar nýja, Blátt blátt, hefur fallið í góðan jarðveg og heyrum við ekki betur á gömlum Gildrurboltum en að gamla Gildrusándið leyni sér ekki í því.

Kærar þakkir fyrir góðan stuðning og sjáumst eldhress í löngu troðfullum Hlégarði á morgun. 

Hér fyrir neðan getið þið heyrt nýja lagið okkar og séð slóðina á facebook síðu Gildrunnar.

  

Nýtt lag með Gildrunni

Nú höfum við félagarnir í Gildrunni lagt lokahönd á upptökur af nýju lagi. Þetta er okkar fyrsta hljóðritun í langan tíma.

Lagið er eftir, Birgi Haraldsson, söngvara og textinn eftir, Vigdísi Grímsdóttur, rithöfund. Þetta lag hljóðrituðum við í tilefni 30 ára samstarfsafmælis okkar.

Einnig munum við, eins og ég hef áður skrifað um,  halda tónleika í Mosfellsbæ (í Hlégarði) þann 1. maí.

Vonandi fellur ykkur við okkar nýjasta lag.

Einnig bendi ég hér á slóðina á Facebook síðu Gildrunnar:

http://www.facebook.com/pages/Gildran/117874914893638?v=wall&ref=ts

Engar skotgrafir núna, plís, plís, plís

Reynum að halda þessu á málefnanlegu nótunum. Ekki tala um það sem er liðið, þetta var ekki neitt og í raun við engan hægt að sakast.

Ekki fara í þessar skotgrafir. Þetta er ekkert til að tala um svona eftir á, snúum nú frekar bökum saman og lítum á björtu hliðarnar.

Öllum getur orðið á. Nokkur þúsund milljónir að láni úr íslenskum bönkum til æðstu embættismanna þjóðarinnar og fleirri snillinga er ekkert sem þarfnast umræðu. Höldum þessu á málefnanlegu nótunum endilega. 

Forsala aðgöngumiða

Öflugur listi, gott fólk

Ég er afskaplega sáttur með þann lista sem við Vinstri græn í Mosfellsbæ bjóðum fram fyrir komandi bæjar- og sveitarstjórnakosningar, í honum er mikil breidd.

Listinn er skipaður, bæði reyndu fólki og einstaklingum sem koma nýir og fullir orku og hugmynda inn í starfið okkar.

Ég er vissulega þakklátur fyrir það traust sem mér er sýnt að leiða nú listann öðru sinni og vil nota tækifærið og þakka fyrir það.

Ég er fullur eftirvæntingar yfir að hefja störf með öflugu og góðu fólki.

Það hefur verið bæði lærdómsríkt og skemmtileg reynsla að vinna að bæjarmálum í Mosfellsbæ og ég er ekki í vafa um að með okkur Vinstri grænum kom mikill og ferskur blær inn í okkar samfélag.

Við erum til reiðu búin að halda því starfi áfram.

 

Bestu kveðjur frá Kalla Tomm úr Mosó.

Hér að neðan kemur listinn í heild sinni.

 

Karl Tómasson. Forseti bæjarstjórnar Mosfellsbæjar.

Bryndís Brynjarsdóttir. Formaður menningamálanefndar Mosfellsbæjar.

Sigurlaug Ragnarsdóttir. Listfræðingur.

Högni Snær Hauksson. Varaformaður Íþrótta- og tómstundanefndar.

Ólafur Gunnarsson. Varaformaður Skipulags- og bygginganefndar.

Ingibjörg Bryndís Ingólfsdóttir. Lesblindukennari.

Bjarki Bjarnason. Rithöfundur og framhaldsskólakennari.

Íris Hólm Jónsdóttir. Söngkona.

Höskuldur Þráinsson. Prófersor við Háskóla Íslands.

Jóhanna B. Magnúsdóttir. Formaður fjölskyldunefndar Mosfellsbæjar.

Jón Davíð Ragnarsson. Rafvirki.

Elísabet Kristjánsdóttir. Formaður umhverfisnefndar Mosfellsbæjar.

Birgir Haraldsson. Verkstjóri og söngvari.

Gísli Ársæll Snorrason. Verkstjóri áhaldahúss Mosfellsbæjar.