Tvísýnt um oddvitasætið hjá Samfylkingunni í Mosfellsbæ

Nú eru flokkarnir hver af öðrum farnir að undirbúa næstkomandi bæjar- og sveitarstjórnarkosningar. Nú þegar hafa þrír frambjóðendur gefið kost á sér til að leiða lista Samfylkingarinnar í Mosfellsbæ. Í nýjasta tbl Mosfellings mátti sjá yfirlýsingu frá tveimur þeirra.

Jónas Sigurðsson, núverandi oddviti og bæjarfulltrúi Samfylkingarinnar í Mosfellsbæ s.l sextán ár gefur kost á sér að nýju. Nú þegar hafa tveir menn ákveðið að gefa kost á sér í sæti hans.

 

Valdimar Leó Friðriksson, gefur nú kost á sér til að leiða lista Samfylkingarinnar í Mosfellsbæ. Hann sat um tíma fyrir Samfylkinguna á alþingi en gerðist síðar þingmaður Frjálslyndra. Hann sagði síðar af sér sem þingmaður Frjálslyndra og gerðist þingmaður utan flokka. Nú gefur hann kost á sér sem leiðtogi Samfylkingarinnar í Mosfellsbæ.

Gunnlaugur B. Ólafsson var um tíma formaður Varmársamtakanna, hinna óháðu og ópólitísku umhverfissamtaka sem um tíma létu nokkuð að sér kveða í Mosfellsbæ.

Athugasemdir

[Ólafur í Hvarfi (IP-tala skráð) 21.12.2009 kl. 00:02]

Alveg hreint öndvegis drengir hér á ferð... gangi þeim allt í haginn í slagnum, og þér líka Kalli minn í prófkjöri VG í Mosó.

[Gunnlaugur B Ólafsson, 21.12.2009 kl. 00:42]

Mikið er ég stoltur af þessari vörpulegu framgöngu minni á neðstu myndinni. Þarna var merkur gjörningur til að hleypa fólkinu framhjá táknmyndum vektakalýðræðis og græðgisvæðingar í Mosfellsbæ. Ef til vill forsmekkur að búsáhaldabyltingunni sem varð nokkrum mánuðum síðar.

Fólkið vill einfaldlega hafa áhrif á umhverfi sitt, bæði ákvarðanir og mannaval. Til að raða frambjóðendum á lista þá er eitt form lýðræðis að bjóða upp á prófkjör. Það er helsti galli á VG að þar skortir lýðræðisvitund. Það flokkast undir óþægilega óvissu að það séu félagsmenn sem velji menn á lista.

Þar sem að mitt nafn er hér nefnt þá get ég staðfest að ég sækist eftir forystusæti á lista Samfylkingarinnar í Mosfellsbæ. Þar nefni ég ekkert tiltekið númer en legg mín heilindi undir í kosningu og virði niðurstöðu félagsmanna hvort það ber til mín traust, hvort það styður þau málefni sem ég mun setja á oddinn.

Hvernig verður aðkoma félagsmanna, stuðningsmanna, bæjarbúa að uppröðun á lista VG í Mosfellsbæ? Hvernig verður það mögulegt fyrir VG að leggja verk sín í dóm kjósenda og að þeir geti aðgreint þau frá stefnu og gjörðum Sjálfstæðisflokksins? Er eitthvað mál þar sem að VG hefur verið með séráherslur?

Persónulega finnst mér að þú eigir að gefa kost á þér í prófkjöri Sjálfstæðisflokksins. Það er sagt af fullri velvild. Helsta gildi Þjóðfundar var áherslan á heiðarleika og á skipi þeirra hefur þú kunnað vel við þig og átt að stefna að því að tryggja þér fast pláss á dallinum.

                             Gangi þér vel, G

[Karl Tómasson, 21.12.2009 kl. 01:04]

Gunnlaugur. Vegni þér vel í öllum þeim baráttum sem þú kýst að taka þátt í.

Þolinmæðin þrautir vinnur allar segir gott máltæki.

Ákvarðanataka í pólitík snýst ekki einungis um það að koma verkum í framkvæmd, heldur jafnvel einnig um það að koma í veg fyrir þær.

Þetta hélt ég að þú værir algerlega með á hreinu!!!

[Ásthildur Cesil Þórðardóttir, 21.12.2009 kl. 09:24]

Jólin nálgast drengir mínir.  Slagurinn byrjar eftir að nýja árið gengur í garð ekki satt.   Ég spái því að árið 2010 verði ár uppgjöra og umskipta frá spillingu til heiðarleika og betra samfélags á Íslandi, megi það verða raunin.  Til að svo megi verða, þurfum við að kalla til alla þá til sem vilja vinna með heiðarleika og kærleika að vopni. 

[HP Foss, 21.12.2009 kl. 23:52]

Ha,ha,ha....tvísýnt....ég held að Jónas þurfi nú ekki að skjálfa úr hræðslu, Jónas er maður sem kann sitt fag, traustur, heiðarlegur og laus við allan óþveraskap.  Jónas getur horft stoltur um öxl án útúrsnúninga.

[Hjördís Kvaran Einarsdóttir (IP-tala skráð) 26.12.2009 kl. 06:52]

Jahá - greyið mitt Gunnlaugur ertu orðinn endanlega veruleikafirrtur? Það er ekki nóg með að þú sért að verða hálfgerður Ástþór wannabee Magnússon Mosfellsbæjar heldur eignarðu þér líka Búsáhaldabyltinguna eins og hún leggur sig. Get real maður!

Það trúir enginn bullinu í þér nema þú - og ég jafnvel efast um að þú gerir það sjálfur!!! 

[Þórir Kristinsson (IP-tala skráð) 26.12.2009 kl. 12:49]

Ha Ha Ha Valdimar flottur með merki Frjálslyndra í barmi og Gunnlaugur að rífa niður girðinguna. Frábærir kandidatar til forystu. Jónas hlýtur að vera ánægður með þessa færslu, Kalli því hann lítur út eins og túlípani í arfabeði.