Þetta er allt rétt hjá Hreiðari Má, hann skuldar þjóðinni ekki neitt, ekki einu sinni afsökunarbeiðni

Eins og fram kom í viðtalinu í kvöld við Hreiðar Má Sigurðsson í Kastljósinu, þá greip hann sannarlega til margra rótækra ráðstafanna, þegar allt stefndi í óefni.

Fyrst í þeirri atburðarrás allri, nefndi hann uppsögn starfsmanna hjá Kaupþingi.

Gefum okkur t.d. að þar hefi verið um að ræða 20 leikskólakennara sem hafi verið ráðnir til að kenna börnum yfirmanna Kaupþings. Þá hefur sparnaðurinn numið c.a. 5 - 6 milljónum á mánuði.

Ef Hreiðar hefði einn tekið þann skell á sig þá hefðu laun hans lækkað um hvorki meira né minna en úr 100 milljónum á mánuði í 95 milljónir á mánuði.  

Eins og hann kom einnig inná í viðtalinu, þá er hann með talsverða skattaálagningu á árinu en sagðist sennilega getað staðist skil á henni.

Hættið nú þessu væli.

Athugasemdir

[Steinunn Helga Sigurðardóttir, 20.8.2009 kl. 05:51]

ótrúlegt !

Kærleiksknús

s

[HP Foss, 20.8.2009 kl. 09:17]

Hreiðar Már er heiðarlegur maður og var að segja satt og rétt frá. Hann á ekki að þurfa að biðjast afsökunar á mistökum annara?? Þó ekki. Maður á nú fullt í fangi með eigin mistök.