Komnir í gæsluvarðhald

Tveir góðkunningjar lögreglunnar voru rétt í þessu staðnir að verki í stórmarkaði á höfuðborgarsvæðinu. Í tösku sem annar þeirra bar, var frosið lambalæri og í jakkavasa hins fundust tvær dósir af niðursoðnum grænum Orabaunum og ein dós af rauðkáli.

Mennirnir hafa nú verið hnepptir í gæsluvarðhald til 14. ágúst en líklegt er einnig talið að þeir hafi millifært greiðslu sem nemur 2.700 krónum til Sviss vegna kaupa á nokkrum Vodkapelum.  

Athugasemdir

[Þórarinn Þ Gíslason (IP-tala skráð) 27.7.2009 kl. 22:31]

Sæll Karl.

Já, réttvísin er óbrigðul í Landi Elds og Ísa.

Kveðja

[Predikarinn - Cacoethes scribendi , 27.7.2009 kl. 23:14]

Já hvers vegna skyldu útrásarböðlarnir fá að ganga lausir ?

Það tók ekki langan tíma að setja járn á ungu mennina sem náðu heilum kr. 50.000.000, af Íbúðalánasjóði.

Hvað náðu Bjöggarnir miklu ? ? ? Kr. 5.000.000.000.000,- ? ? ? OG GANGA ENN LAUSIR VITASKULD.

Sama á við um geislaBAUGSfeðgana, þeir náðu þúsundum milljarða einnig - OG GANGA ENN LAUSIR VITASKULD.

Ekki nóg með það, almenningur kaupir enn af þeim nýlenduvörurnar þ

[Predikarinn - Cacoethes scribendi , 27.7.2009 kl. 23:17]

Einhverra hluta vegna datt hluti pistilsins míns út áðan. Hér kemur það sem á vantaði :

Ekki nóg með það, almenningur kaupir enn af þeim nýlenduvörurnar þar sem þeir hafa verið að mjólka almenning með álögum þó hluti þeirra eigi að kallast lávöruverðsbúðir. Baugsmiðlarnir hafa tamið liðið vel. Muna menn það ekki að þeir geislaBAUGSfeðgar sögðu breskum bankastjórum sínum að íslensku verslanirnar væru reiðufjármjólkurkýrin þeirra (cashcow)

[Jenný Anna Baldursdóttir, 28.7.2009 kl. 00:14]

Haldið þið að það sé.  Frussssssssss

[Óskar Þorkelsson, 28.7.2009 kl. 00:24]

he he nú skil ég svar þitt hjá Láru H áðan

[Hildur Helga Sigurðardóttir, 28.7.2009 kl. 01:22]

Sef mun betur, vitandi af lambalærisþjófunum bak við lás og slá...

[Hildur Helga Sigurðardóttir, 28.7.2009 kl. 01:24]

Meina; landinu borgið...

[Ásthildur Cesil Þórðardóttir, 28.7.2009 kl. 08:35]

ÉG las líka heilsíðu auglýsingu í DV um að það verði hart tekið á brotum af því tagi að svindla vegna atvinnuleysisbóta. Yfirvöld hafa svo sannarlega forgangsröðina rétta. 

[TARA ÓLA/GUÐMUNDSD., 28.7.2009 kl. 15:45]

Vona að þeir fái viðeigandi græjur í klefann svo þeir geti nú eldað þennan mat sem þeir höfðu svo mikið fyrir að nálgast, já og staup til að skála í veigum sínum. Verði þeim að góðu

[Sigurður Hreiðar, 28.7.2009 kl. 19:36]

Ódýr vodkinn í Sviss, maður!

[steinimagg, 31.7.2009 kl. 22:56]

mmmm, lambalæri