Besta útvarpsstöð í heimi

Eftir margra ára rannsóknir hef ég komist að niðurstöðu. Besta útvarpsstöð í heimi er gamla góða gufan ( Rás 1 )

Nei, nei. Ég hef ekki gert nokkrar rannsóknir á þessu, ég einfaldlega er á þessari skoðun og vafalítið eru þetta ellimerki. Það er notalegt að eldast með gufunni. Hlusta á morgunleikfimina, veðurfréttirnar, messuna, Kristján Sigurjónsson í morgunþættinum, jólakveðjurnar, dánarfregnirnar, litlu fluguna, kvöldgestina hjá Jónasi svo eitthvað sé nefnt.

Allt er þáttargerðarfólkið og þulirnir einnig vel máli farið. Það vantar því miður, oft mikið uppá það, hjá öðrum ljósvakamiðlum.

Gamla gufan, stendur upp úr.

 

 

Athugasemdir

[HP Foss, 19.7.2009 kl. 21:05]

Sammála.

[Hörður Halldórsson, 19.7.2009 kl. 21:45]

Útvarpsaga  ásamt Rás 1 er  oftast í tækinu mínu.

[Jens Guð, 20.7.2009 kl. 01:07]

  Rás 1 er góð og fjölbreytt útvarpsstöð.  Hún er besta íslenska útvarpsstöðin.  En hvort hún er best í heimi er annað mál.  Ég hef kynnst nokkrum erlendum útvarpsstöðvum sem eru um margt á líku róli.  Til að mynda útvarpsrás færeyska Kringvarpsins: www.uf.fo. 

[þórir Kristinsson (IP-tala skráð) 20.7.2009 kl. 07:33]

Þarna erum við svo sannarlega sammála þú, ég og Helgi! Ég hlusta langmest á gömlu Gufuna þó freistast ég einstöku sinnum í rokkið og endrum og sinnum á Sögu en Gufan er best eiginlega langbest. Konan hlustar líka langoftast á Gufuna en er alltaf með Lindina í bílnum sem er reyndar mjög notalegt.

[Tryggvi Marteinsson (IP-tala skráð) 20.7.2009 kl. 18:24]

Sammála Karl og hef verið þessarar skoðunar nokkuð lengi en farið leynt með! Svo fíla ég Bítlana og Bob Dylan líka svo sennilega er manni ekki viðbjargandi:)

[Halldór Egill Guðnason, 23.7.2009 kl. 02:07]

Gufan er ansi góð, nema þegar hún af einhverjum óútskýranlegum ástæðum heldur að lög eftir Atla Heimi Sveinsson eða Þorkel Sigurbjörnsson sé það sem fólk vill hlusta á, á leið í, í, eða á leið úr fríinu innanlands.