Sérstakir skúringadagar heyra sögunni til

Heimasætan á bænum, hún Birna Karls, kom í kvöld með góða hugmynd sem hún með leikrænum tilburðum kynnti fyrir foreldrum sínum.

Hér eftir eiga allir fjölskyldumeðlimir að nota moppur sem inniskó. Ballerínur eins og hún geta klæðst einni moppu, því þá þarf fólk að geta farið í fyrstu "porsesjón" Aðrir, t.d. stirðbusar eins og ég klæðast tveim eins og um hefðbundna inniskó sé að ræða.

Á þriggja daga fresti eru moppurnar settar í þvott og þá er gott að eiga tvo umganga af þeim. Einnig getur reynst vel, að eiga sérstakar gestamoppur.

Þessi er fyrir ballerínur sem geta farið í fyrstu porsesjón.

Þessar eru fyrir stirðbusa.

 

 

 

 

Athugasemdir

[Ásthildur Cesil Þórðardóttir, 22.6.2009 kl. 22:31]

Mikið rosalega er þetta frábær hugmynd.  Ég er viss um að lífið yrði mikið auðveldara á mörgum heimilum ef þessi siður yrði tekinn upp.  Ég myndi taka hatt minn ofan fyrir heimasætunni ef ég ætti einn. 

[Hulda Bergrós Stefánsdóttir, 22.6.2009 kl. 23:59]

þetta líkar mér, kannski ég ræstingarstjórinn taki þetta upp eftir henni dóttlu þinni

[Jenný Anna Baldursdóttir, 23.6.2009 kl. 11:23]

Hahahaha.

[steinimagg, 23.6.2009 kl. 13:22]

Þetta er frábært, það væri fínt að þið kæmuð í heimsókn á þriðjudögum og föstudögum  

[HP Foss, 23.6.2009 kl. 16:20]