Eiríkur Hauksson 50 ára 4. júlí

Nú er ljóst að söngvarinn góðkunni, Eiríkur Hauksson mun halda upp á 50 ára afmæli sitt með stórtónleikum á Íslandi þann 4. júlí.

Eins og flestum er kunnugt, hefur hann um árabil búið í Noregi og getið sér þar góðs orðs, rétt eins og á Íslandi.

Eiríkur er frábær söngvari það vitum við öll. Upp úr stendur þó, sá einstaki ljúflingur og góða manneskja sem hann er.

Leiðir okkar lágu saman þegar hann, ásamt Pétri heitnum Kristjánssyni, voru í hljómsveitinni Start árið 1981. Þá tókum við okkur saman, hljómsveitirnar Start og Pass úr Mosfellsbæ eins og við kölluðum okkur þá og spiluðum um verslunarmannahelgina í Félagsgarði Kjós. 

Gildran og Start á góðri stundu

Kapparnir úr Start, sem naut mikilla vinsælda um þær mundir, tóku okkur sveitamönnunum úr Mosó opnum örmum. Sú vinátta hefur varað alla tíð síðan, einlæg og góð. 

Seinna gekk Sigurgeir, gítarleikari Start, til liðs við Gildruna eftir að Startararnir lögðu upp laupana.

Mikið verður gaman að fagna með Eika og öllum vinum hans á flottum tónleikum í Austurbæ þann 4. júlí og að þeim loknum í skemmtilegri veislu.

Eiki Hauks, Kalli Tomm og Pétur Kristjáns. Þarna heldur Pétur á uppáhalds plötualbúmi sínu, saumaða albúmi Gildrunnar.

Gildrumezz ásamt Eika. Myndin er tekin fyrir tónleika á Akureyri.

Billi Start og Kalli Tomm á Álafoss föt bezt í Mosó. Billi var um árabil helsti aðstoðarmaður og vinur félaganna í Start og seinna okkar félaganna í Gildrunni.

Athugasemdir

[Brynjar Klemensson (IP-tala skráð) 8.6.2009 kl. 05:48]

Tetta verða stor tonleikar engin spurning.Eg skora a alla að mæta.KV               BILLI START

[Kristján Kristjánsson, 8.6.2009 kl. 21:19]

Ég veit hvar ég verð 4 júlí :-)

[Ásthildur Cesil Þórðardóttir, 9.6.2009 kl. 13:46]

FLottar myndir Kalli minn.  Ég verð í Eistlandi 4. júlí, svo ég kem örugglega ekki.  En þetta verður örugglega tekið upp ekki satt?

[Þórir kristinsson (IP-tala skráð) 11.6.2009 kl. 21:23]

það er stórmerkur áfangi að rokksöngvari íslands, Eiríkur Hauksson sé fimmtugur orðinn. Þeir stóru í bransanum eldast vel. Fyrsta ballið sem ég fór á var með Start í Hlégarði. Pétur, Eiríkur,Jonni og Sigurgeir. Þvílíkar stjörnur!! Ég sá þá seinna bókstaflega sprengja Félagsgarð í Kjós á yndislegri sumarnóttu þar sem Íslenskt brennivín fór nánast óþynnt út um svitaholurnar í troðfullu húsi og yngismeyjarnar öskruðu eins og bítlarnir væru á sviðinu. Eiríkur og Pétur þöndu raddböndin. Seinna meir og sekur! Ég fæ gæsahúð af tilhugsuninni einni saman.

Þungarokkið.  Við vinirnir söfnuðum hári,drukkum landa og rúntuðum um á amerískum bensínhákum og brutum örfá landslög hér og þar. Birgir Haraldsson, Karl Tómasson og þórhallur Árnason þrumuðu svartri tónlist með Drýslinum hans Eiríks í Safarí svo snjóhvítar nasirnar á ónefndum poppurum titruðu. Þvílíkir snillingar!! og þvílíkir stórsöngvarar Eiki og Biggi. Handónýtir poppsnobbarar sem þykjast vera að velja bestu hljómplötu íslandssögunnar. Hvar voru Þeir? Þegar alvöru tónlist var spiluð af alvöru snillingum? Ekkert Bjarkargaul og Sigurrósaróhljóð eða rammfalskur Dr. Gunni heldur alvöru Rokk og ról. Til hamingju með afmælið Eiríkur! Þú ert alvöru.

[Karl Tómasson, 11.6.2009 kl. 21:50]

Takk fyrir heimsóknina kæru vinir.

Billi, já minn kæri vinur þetta verða stórtónleikar.

Sveinn, við verðum að heira í Eika með þessa hugmynd þína með Age Aleksandersen. Ég verð að viðurkenna að ég hef ekki nefnt hana við hann.

Kristján, ég vissi alltaf hvar þú verður þann 4. júlí 2009.

Ásthildur mín kæra, þú færð þetta allt á Dvd þegar þú kemur úr fríinu.

Þórir, minn kæri vinur og hirðskáld Gildrunnar. Það er seint hægt að saka þig um að segja ekki þínar skoðanir umbúðalaust. Alltaf hreinn og beinn og það er alltaf gott að vita hvar maður hefur menn, svo ekki sé talað um vini sína.

Ég er hjartanlega sammála þér að böllin í Félagsgarði voru engu lík og sitja sem steinn í minningunni. Það hefði mátt skúra gólfið í Félagsgarði á svitadropunum öllum einum og saman að loknu balli.

Vonandi eiga Björk, Rósin og Gunni eftir að reyna þann pakka að fá svitadropanna alla beint af skepnunni á alvöru íslensku sveitaballi. Það er reynsla útaf fyrir sig sem er engu lík og ekki hverjum gefið að geta.

Bestu kveðjur frá Kalla Tomm úr Mosó.

[Hjördís Kvaran (IP-tala skráð) 12.6.2009 kl. 00:27]

Ái!!!

Það liggur við ég hætti við að fara út til Danmerkur svo ég geti verið heima á þessum tónleikum, ansans vesen er þetta að verða ekki heima.

Ég treysti því að þið félagarnir Billi, Þórir, Kalli og kó haldið uppi okkar merkjum ;o)

Knús og kram ...