Góður dagur

Óli Gunn, vinur minn og formaður Vinstri grænna í Mosfellsbæ bauð mér óvænt í reiðtúr í dag. Ég lét slag standa og sé ekki eftir því. Ég veit reyndar að harðsperrurnar verða svakalegar á morgun, þar sem ég er algerlega óvanur. 

Ég mætti í hesthúsið hans um klukkan 14:30. Þegar ég kom var verið að járna einn klár í fyrsta skipti. Hann var ódæll og engan vegin sáttur við hlutskipti sitt. Mér, algerlega ókunnugum manni, var fullljóst að þarna voru vanir menn að verki. Engin handvömm og allt gert með ákveðni en um leið stóískri ró.

Ég og Óli riðum upp í Laxnes og fengum okkur smá hressingu. Þar hittum við nokkra góða sveitunga og hestamenn.

Þetta var góður dagur og skemmtilegur. 

Að loknum járningum

Óli formaður og Kalli Tomm að leggja í hann

Athugasemdir

[steinimagg, 5.4.2009 kl. 00:01]

Ég mæli með hjólhestum, það þarf ekki að gefa þeim og svo eru þeir ekki skítandi út um allt.

[HP Foss, 5.4.2009 kl. 20:59]

Varst þú ekki í sokkabuxum eins og vinur þinn?

[steinimagg, 7.4.2009 kl. 21:11]

Ég á nú fínar sokkabuxur sem má alveg nota á þessi landbúnaðartæki.