Grímubúningarnir geta verið skemmtilegir

Við, gamla settið fórum um daginn í flotta matarveislu með góðum kunningjum. Þar mættu allir í grímubúningum. Það var mikið hlegið og kvöldið var sérlega skemmtilegt.

Í morgun var Birna vitanlega mjög spennt fyrir deginum. Sjálfum öskudeginum. Það tók drjúgan tíma að undirbúa Kínaprinsessuna. Dagurinn var góður og skemmtilegur.

Ég held að við fullorðna fólkið mættum oftar taka börnin okkar til fyrirmyndar. Það er að vera við sjálf öllu jafna og skella okkur við góð tækifæri í grímubúninginn og eiga glaðan dag.

Það er leiðigjarnt að vera í grímubúning allt árið um kring.

Rétt í þessu voru mér að berast myndir frá Íbí vinkonu minni frá okkar ellismella grímuballi.

Ég má til með að skella þeim hér inn.

 

Athugasemdir

[HP Foss, 25.2.2009 kl. 21:14]

Frábær dagur barnanna. Birna er glæsileg í Kínaprinsessubúningnum.

[Hulda Bergrós Stefánsdóttir, 25.2.2009 kl. 21:19]

glæsileg

[Guðmundur St. Valdimarsson, 25.2.2009 kl. 23:41]

Glæsileg er prinsessan eins og hún á kyn til. Enda af góðu fólki komin. Það geislar af henni gleðin langar leiðir, enda æskan til þess að njóta hennar eins lengi og hægt er. Það eru forréttindi að fá að alast upp við þær aðstæður sem við búum við hérna í þessu bæarfélagi. Það hef ég reynt á eigin skinni, sjálfur og eigandi þrjú börn hérna. Vonandi var dagurinn skemmtilegur. Einn góðan veðurdag kemur að því að prinsessan vex upp og verður drottning í ríki sínu.

[Ásthildur Cesil Þórðardóttir, 26.2.2009 kl. 10:06]

Þið eruð öll flott, en kínaprinsessan ber samt af.  Takk fyrir myndirnar.

[Hulda Bergrós Stefánsdóttir, 26.2.2009 kl. 14:39]

kannast nú við nokkra af ellismellunum, þrátt fyrir grímubúningin

[Þórir Kristinsson (IP-tala skráð) 26.2.2009 kl. 17:18]

Drakúla frá Ekru virkar frekar blóðþyrstur og Jónki ansi blómlegur.

Annars áberandi hvað eiginkonurnar eldast betur en karlarnir,ættu kannski að minnka aðeins bjórþambið Teigaklíkan.

[Karl Tómasson, 26.2.2009 kl. 19:46]

Aðeins var gefið upp hverjir höfnuðu í efsta og neðsta sæti fyrir flottasta búninginn þetta kvöldið.

Í fyrsta sæti með talsverðum yfirburðum hafnaði maður með blá grímu. Í umsögn dómnefndar viktaði þar þyngst sá undirbúningur sem hún taldi hafa legið að baki gervisins. 

Í neðsta sæti hafnaði maður í Dracula gerfi.

Í umsögn dómnefndar þótt heimatilbúinn, handunnin stafur ekki nægilega vel úr garði gerður og eins virtist sem eitthvert svindl hafi verið viðhaft hvað varðaði notkun hárlakks. Talið var að notast hafi verið við sterkustu sort af epoxi gólflakki í hárið.

Bestu kveðjur frá K. Tomm.