Einelti, við verðum að koma í veg fyrir það. Ábyrgð okkar bloggara er ótvíræð

Umræða um einelti hefur sem betur fer orðið meiri með ári hverju. Fólk er í dag, orðið mun upplýstara um þann ljóta leik og þær hörmungar sem það getur haft í för með sér.

Við fullorðna fólkið, gerum okkur grein fyrir því að eitthvað sem kalla átti stríðni á okkar yngri árum og við í raun trúðum að svo væri, var í raun ekkert annað en einelti. Flest þekkjum við eflaust dæmi um það. 

Undanfarið hefur átt sér stað stórmerkileg umræða um einelti. Einelti sem hefur tekið á sig nýja mynd. Rafrænt einelti. Fjöldinn allur af huglausum bloggurum halda úti síðum undir leyninöfnum, til þess eins að herja úr launsátri að persónum. Flest þekkjum við eflaust einnig dæmi um það.

Það er í okkar höndum ágætu bloggarar að hunsa slík skrif. Skrif sem kunna að virka grín á okkar síðum en eru jafnvel mjög meiðandi og særandi fyrir einhverja án þess að við gerum okkur grein fyrir því.

Hver sá sem treystir sér ekki að koma fram undir eigin persónu en um leið leggjast svo lágt að gera lítið úr nafngreindum manneskjum stendur í einelti.

Ágætu bloggarar, komum í veg fyrir slíkt.

Það gerum við m.a. með því að eyða slíkum skrifum út rakleiðis.

Bestu kveðjur frá Kalla Tomm úr Mosó.   

Athugasemdir

[Steinunn Helga Sigurðardóttir, 12.2.2009 kl. 15:30]

Ég er með !! Gott að setja fókus á það, því það oft blöskrar manni það sem fólk lætur frá sér fara.

KærleiksLjós frá mér til þín kæri kalli

Steina

[Haraldur G Magnússon, 12.2.2009 kl. 19:55]

Af ljótasta einelti Íslandssögunnar

SÍÐAR í þessum mánuði eru sex ár liðin frá því pólitík og bisness gengu í vanheilagt bandalag í því sem hefur orðið grimmasta og ljótasta einelti Íslandssögunnar. Allar götur síðan hefur eineltið og svívirðingin stigmagnast.

Þetta er í mbl eftir Hall Halls hvað finnst fólki um þetta?