Ekkert pláss fyrir persónulega muni

Fyrir nokkrum mánuðum síðan var elskulegur tengdafaðir minn orðin það lasburða að hann þurfti að fara á hjúkrunarheimili. Það voru þung skref að fara með hann frá heimili sínu, fullkomlega andlega hressan og meðvitaðan um nýja heimilið frá eldhressri eiginkonu og kveðja hann nokkru síðar í litlu herbergi sem hann deilir nú með öðrum gömlum og góðum manni. Ekki var það auðveldara fyrir tengdamömmu.

Ekkert pláss fyrir persónulega muni, ekkert skrifborð, ekkert einkalíf. Mann sem hefur eins og hundruðir annarra einstaklinga í sömu sporum skilað sínu starfi, nánast án þess að dagur félli úr vinnu fyrir samfélagið okkar. Manneskju sem hefur aldrei farið fram á neitt, eingöngu skilað sínu og það ríflega.

Það er óþolandi að við skulum ekki hafa gert betur fyrir eldriborgara okkar samfélags í svokölluðu góðæri. Fátt stefnir í að breyting verði á, nú á næstu árum, allt vegna gengdarlausrar græðgi fólks sem hefur hagnast á innantómum viðskiptum, plotti og svikum.

Vonandi munum við nota næstu, svokölluð góðæri, sem vonandi eiga eftir að koma, til að hlúa að þeim sem í raun unnu til þeirra.

Óli tengdó komin með Bítlahár.

 

Athugasemdir

[Steinunn Helga Sigurðardóttir, 15.1.2009 kl. 05:58]

já, þetta er mjög sorglegt !

Kærleiksknús

steina

[Dunni, 15.1.2009 kl. 06:12]

Það er sklefilegt að sjá upp á fólkið sitt fá slíka meðferð frá samfélagi sem, þar til í lok september, taldi umheiminum trú um að það væri ríkasta þjóð í heimi.

En það hefur ekki klikkað áratugum saman að kosningaloforð allra flokka ganga meira og minna út á að byggja fyrir hina öldruðu.  Gallinn er bara sá að við finnum aldrei þessar nýju byggingar. Vitum ekki hvar þær eru.  Það hefur kannski farið fyrir þeim eins og milljörðunum 25, frá sjeikinum, sem hurfu úr Kauþingi. 

[Úrsúla Jünemann, 15.1.2009 kl. 12:22]

Mjög sorglegt og skömm fyrir okkar velferðakerfið sem er í raun og veru í molum.

[Hulda Bergrós Stefánsdóttir, 15.1.2009 kl. 17:46]

en sorglegra er þegar það þarf að færa þetta fólk mörg hundruð kílómetrum frá sinni heimabyggð !!!!!

[Jóhanna Magnúsar- og Völudóttir , 15.1.2009 kl. 20:54]

Mikið er þetta sorglegt að heyra. Þetta er misjafnt, ég vann á sambýli aldraðra,  fyrir fólk með byrjunareinkenni Alzheimer, sem er hluti af Eir og þar var fólk með rúmgóð einkaherbergi með sína persónulegu muni. Að vísu ekki rúm, en skrifborð og kommóður - lampa, skraut  og fl. Held þetta sé "lúxusdeildin" ...

[Ásthildur Cesil Þórðardóttir, 16.1.2009 kl. 09:45]

Ég verð öskureið þegar ég les um svona.  Það ætti að taka þetta lið, ráðamenn og koma þeim sjálfum fyrir á svona "stofnun" og vita hvort þeim þyki þetta boðlegt.  Þú átt aldrei að ætla öðrum sem þú vilt ekki fá sjálfur.   Þetta kenndi faðir minn mér þegar ég var lítil stúlka.  Komdu fram við aðra eins og þú vilt láta koma fram við þig. 

Bestu kveðjur til þín Kalli minn. 

[Þórir kristinsson (IP-tala skráð) 17.1.2009 kl. 17:36]

Sæll Kalli minn. Hörmulegt að lesa hversu illa er komið fyrir blessuðum karlinum honum Óla.

Mýtan um velferðarstjórn þar sem Samfylkingin er við stjórn er eins og annað úr þeim ranni þvættingur frá a-ö.  Alþjóða gjaldeyrissjóðurinn krefst niðurskurðar og Guðlaugur þór er tilneyddur á sama tíma þykist Samfylkingin geta hneykslast en það var einmitt sá flokkur sem kallaði þessa hörmung yfir okkur með að leggja ofuráherslu á að samþykkja þetta hroðalega IMF lán svo þeir yrðu ekki útilokaðir frá ESB-paradísinni sinni þar sem allt er að hruni komið og ástandið engu skárra en hér sbr. Írland. Þessi ríkisstjórn er ekki beint að gera góða hluti en Sjálfstæðismenn sjá a.m.k. sóma sinn í að þykjast ekki saklausir eins og hræsnararnir í Samfylkingunni. Manni bókstaflega verður óglatt.

[Linda Samsonar Gísladóttir, 17.1.2009 kl. 19:45]

Sæll Kalli, mikið er ég sammála þér. Ömurlegt að vita af því fólki sem ól okkur og verndaði í óviðunandi aðstæðum.Setji maður sig í þeirra spor, get ég fullyrt fyrir sjálfa mig að mér þætti þetta óbærilegt. Eitt er að þurfa að fara að heiman frá þeim sem maður elskar og síðan í ofánálag að verða að hýrast í þröngri skonsu með ókunnri manneskju, alveg sama hve aðlaðandi hún er. Þetta er ekki neimum bjóðandi. Ég verðsár hrygg að hugsa um þetta..... og það fer hrollur um mig að hugsa um að þetta gæti orðið hlutskipti móður minnar og mitt, þegar aldurinn færist yfir.

Verst er að þetta hefur verið í umræðunni af og til síðustu ár og ég hef enn ekki hitt einn eionasta mann sem ekki er þessu sammála. 

Er þá von að maður spyrji: Ef flestir eru sammála að búa eigi svo að eldra fólkinu í landinu, að hæfi virðingu þeirra, hverjir ráða þá hvað raunverulega er gert? Hvers vegna virðist eitt vera sagt en annað gert? Leiðast þykir mér ef ég sé að fjármunir, sem eiga að fara í þetta, lenda í vösum spilltra og sérgóðra ráðamanna, sem benda svo hver á annan sé þeim stillt upp við vegg.

Og nú, þegar kreppan skellur á okkur, þá virðast ráðamenn helst sjá glufu til sparnaðar í heilbrigðis og félagsmálum, sem stóðu þegar höllum fæti.  Gæluverkefnin sleppa sum í gegn...... 

Hvað sagði nú gamla fólkið hér í eina tíð þegar því var öllu lokið: " Sussu svei, þetta er nú meiri vitleysan!"

Kveðja 

Linda Gísla

[Jenný Anna Baldursdóttir, 18.1.2009 kl. 22:57]

Ótrúlega nöturlegur raunveruleiki sem blasir við þeim sem skiluðu þjóðinni inn í þægindi og velmegun.

Skömm að þessu.