KK er einstaklega skemmtilegur og fróðlegur í morgunútvarpinu

Undanfarnar vikur hef ég hlustað á Kristján Kristjánsson (KK) í morgunútvarpinu á rás 1.  Það er einstaklega gaman að heyra hversu vel hann undir býr sig fyrir hvern þátt og er mikil fróðleiksnáma að hlýða á hann.

Kristján kynnir hvert lag og alla tónlistarmenn sem hann flytur lög eftir í þættinum af mikilli samviskusemi og stóískri ró. Þetta er sérstaklega gaman og án vafa fyrir alla tónlistaráhugamenn. Kristján fer um víðan völl og er algerlega óútreiknanlegur í þætti sínum. Ég hlakka alltaf jafn mikið til að hlýða á hann í útvarpinu.

Athugasemdir

[Dunni, 11.1.2009 kl. 23:17]

KK er sankallaður listamaður og á fáa sína jafningja á Íslandi.

Þau systkinin, KK & Ellen, tróðu upp á aðventukvöldi hjá okkur í Ósló fyrir 2 árum.  Það var virkilega ánægjuleg stund. Og ekki var það til að skemma að þau lengdu dagsskrána verulega auk þess sem þau héldu uppi miklu fjöri í kirkjukaffinu eftir athöfnina í kirkjunni.

PS.  "Slappaðu Af," gamli Flowers slagarinn, er magnaður í flutningi KK-bandsins. Helt klart en fav. hjá mér.

[Ásthildur Cesil Þórðardóttir, 12.1.2009 kl. 11:01]

Algjörlega sammála þér ég set rás eitt á meðan ég ek frá Suðureyri eftir að hafa ekið þeim litlu á leikskólann, hann er voða notalegur.  Og ég fíla alveg músikina sem hann spilar, bara eitt sem fór illa í mig það var diskur sem spilað var á sög.  Smaug gegnum merg og bein  En hann er frábær og gaman hvernig hann kynnir hljómsveitir og söngvara einnig höfunda laganna. 

[Jenný Anna Baldursdóttir, 12.1.2009 kl. 14:43]

Tékka á karlinum.  Vissi ekki að hann væri í útvarpinu.

[Jóna Á. Gísladóttir, 14.1.2009 kl. 23:33]

Ég þarf að tékka á KK. Ég er alveg sérstaklega lélegur útvarpshlustandi heima við. Enda krakkarnir alltaf með sjónvarpið á blasti á morgnana um helgar...