Frábærir tónleikar

Nú rétt í þessu voru að enda frábærir tónleikar á heimili okkar í Leirvogstungu. Þannig er að Birna okkar er mikill aðdáandi Páls Óskars og fékk Silfursafn hans í jólagjöf.

Þar sem að senn líður nú að þorrablóti okkar Mosfellinga og ég ásamt Hilmari vini mínum, ritstjóra Mosfellings, sjáum um söng og spil á því, þurfti ég að ná í tækjabúnað til að undirbúa mig og æfa fyrir þorrablótið.

Ég var ekki fyrr búinn að tengja söngkerfið og taka smá æfingu en Birna vildi fá míkrófóninn og bað um að Páll Óskar yrði settur á fóninn.

Allt var sett í botn og Birna hélt tónleika fyrir mömmu og pabba sem stóðu yfir í c.a. klukkustund. Hún söng nánast alla plötuna og ýmist stóð eða sat í stiganum á meðan þeir fóru fram, það fór eftir lögunum sem hún flutti.

Þetta var í fyrsta skipti sem við heyrðum Birnu syngja í míkrófón og mikið höfðum við gaman af því.

Þú komst við hjartað í mér elsku Birna.

Athugasemdir

[S. Lúther Gestsson, 10.1.2009 kl. 22:56]

Flott stelpa. Ég hefði nú bara hringt í Palla og sagt honum að koma í hvelli og fá eiginhandáritun frá henni.

[Jenný Anna Baldursdóttir, 10.1.2009 kl. 23:19]

[Hulda Bergrós Stefánsdóttir, 10.1.2009 kl. 23:32]

þetta skilja allar stúlkur  knús í hús

[Steinunn Helga Sigurðardóttir, 11.1.2009 kl. 07:44]

yndislegt, falleg stúlka.

takk fyrir fallega kveðju til mín kæri kalli minn. ég kem 30 jan og verð í nokkra dag.

eigum við að finna tíma til að hittast. gætum eins og þú hefur áður stungið uppá fengið guðna minn með, þið þekkist jú ?

knús inn í daginn

steina

[Gulli litli, 11.1.2009 kl. 09:42]

Þetta gefur lífinu gildi........stjarna.

[Guðbjörg Erlingsdóttir (IP-tala skráð) 11.1.2009 kl. 13:14]

Dásamlegt

kær kveðja,

[HP Foss, 11.1.2009 kl. 20:12]