Lærir svo lengi sem lifir

Árið 2008 var mjög skemmtilegt og lukkulegt ár hjá mér og mínum og þakka ég fyrir það. Það var einnig fyrir margar sakir lærdómsríkt.

Við fluttum úr Álafosskvosinni í nýtt, fallegt og gott hús í Leirvogstungu. Fórum í bráðskemmtilega Spánarferð með ömmu Millý.

Amma, Birna og Lína á Spáni.

Ættin hittist nánast öll á einstaklega skemmtilegu ættarmóti á Hvammstanga á árinu.

Á ættarmótinu skemmtilega.

Fórum með Birnu í frábært ferðalag með nýja tjaldvagninn í Stykkishólm og á Þingvelli, þar vorum við m.a. þegar hitametið var slegið og upplifðum þá hreint ævintýri.

Ég og Hallsteinn, minn elskulegi frændi að gera kóteletturnar klárar á grillið.

Sigga og Lína að gera Birnu fína á tjaldstæðinu á Stykkishólmi. Okkar góðu vinir, Hallsteinn og Sigga komu í heimsókn til okkar á tjaldstæðin í Stykkishólmi og áttum við saman einstaklega skemmtilegar stundir.

Þetta er ein af mínum uppáhalds myndum af Birnu og auðvitað tók Hallsteinn frændi hana.

Amma Gerður og Bæringur komu til okkar á heitasta degi sumarsins á Þingvöllum og áttum við saman einstaklega góða stund.

 

Sigrún systir, uppáhalds frænka Birnu kom mjög óvænt í heimsókn til okkar á Þingvelli þegar degi var farið að halla og að venju var Birna alsæl að sjá frænku.

Ég var útskrifaður eftir mín veikindi í september af Sigurði Björnssyni. Birna er að klára fjórða árið í ballett hjá Brynju, í Ballettskóla Eddu Scheving og gengur vel og nú er hún einnig komin með hestadellu. Óli er að venju á kafi í fótboltanum, hann hefur æft með Aftureldingu frá fimm ára aldri. Óli er allur að koma til eftir þrálát meiðsl í ökkla frá því í haust og er farinn að æfa að kappi að nýju.

Þetta er nýleg mynd af  Óla og Erlu, þau eru einstaklega náin og góð hvort við annað.

Afi Óli fór á Skjól, hjúkrunarheimili og vissulega var það erfitt en hann fær góða ummönun og hjálp við sitt hæfi og við heimsækjum hann öll reglulega. Á myndinni er hann með Birnu, Línu og Millý konu sinni.

Lína mín langsokkur, nei ég meina leikskólakennari, er alltaf á Reykjakoti og líður vel þar. Þetta var nú svo eitthvað sé nefnt úr fjölskyldulífinu á nokkuð hraðri yfirreyð.

Bæjarmálin í Mosó gengu vel á árinu og samstarf meirihlutans er traust og öflugt. Stóru málin á þeim vettvangi eru vissulega, bygging væntanlegs Krikaskóla, nýtt og glæsilegt miðbæjartorg með einstaklega frumlegu listaverki, vinna við ævintýragarð er hafin, brátt rís menningarhús, kirkja og framhaldsskóli verður stofnsettur í gamla Brúarlandshúsinu svo eitthvað sé nefnt.

Starf okkar Vinstri grænna í Mosfellsbæ er blómlegra en nokkru sinni fyrr og hefur félögum fjölgað meira en nokkru sinni fyrr á árinu sem senn er liðið.

Vinirnir Hilmar og Kalli.

Hilmar Gunnarsson, vinur minn, keypti Mosfelling, bæjarblað sem ég stofnsetti og gaf út í tæp sjö ár. Vart gat ég hugsað mér betri arftaka. Hilmar er samviskusamur fagmaður fram í fingurgóma, listrænn og skemmtilegur.  

Að lokum. Það er einstakt að upplifa sanna vináttu, það gerði ég meir en nokkru sinni fyrr á þessu ári. Það er notaleg tilfinning. Vinátta er og verður aldrei, hvorki keypt né seld. Annaðhvort er hún eða ekki.

Ég upplifði einnig tilfinningu sem ég á erfitt með að  útskýra, það er löngun til að hitta fólk sem ég hef einungis átt samskipti við í bloggheimum, fólk sem ég hef aldrei hitt en hefur með skrifum sínum og þankagangi, fallegum texta og einlægni unnið hug minn allan..

Góð vinátta og samstarf byggist alltaf fyrst og síðast á gagnkvæmri virðingu.

Gleðilegt ár óska ég ykkur öllum kæru vinir, hafið það alltaf sem best.  

Athugasemdir

[Gudrún Hauksdótttir, 31.12.2008 kl. 06:11]

Tetta hefur verid vidburdaríkt og skemmtilegt ár hjá tér og fjölskyldunni.

Sendi ykkur bestu óskir um gledilegt ár.Megi tad ár færa ykkur farsæld og gledi í hjarta.

Kvedja frá Jyderup

[steinimagg, 31.12.2008 kl. 08:01]

Gleðilegt ár.

[HP Foss, 31.12.2008 kl. 12:18]

Já, til hamigju með árið, megi Það næsta vera þér og þínum enn betra.

kv-Helgi

[Guðbjörg Erlingsdóttir (IP-tala skráð) 1.1.2009 kl. 12:14]

Gleðilegt ár !

[Einar Áskelsson (IP-tala skráð) 1.1.2009 kl. 14:29]

Skemmtilegur pistill Kalli.  Gleðilegt ár til þín og þinna.  Vona að það verði ykkur jafn farsælt og það síðasta. Var gaman að fá að kynnast þér fyrir nokkrum vikum.  Verður skemmtilegt að hittast aftur á góðri stund.  Áramótakveðja úr Teigunum. 

[Laugheiður Gunnarsdóttir, 1.1.2009 kl. 14:50]

alltaf góður andi í mosfellingum,gleðilegt ár og þakka góðar færslur á því gamla, kveðja að norðan

[steinimagg, 1.1.2009 kl. 16:34]

Gleðilegt ár aftur :-)

Ættarmótinu og útilegunni á Stykkishólmi mun ég aldrei gleyma, hlakka til næsta ættarmóts og vonandi förum við aftur í útilegu næsta sumar, það er bara gaman.

Já og manastu hvað kóteletturnar voru góðar, enda með réttu græjurnar  :-)

[Guðmundur St. Valdimarsson, 2.1.2009 kl. 04:50]

Óska þér og þínum gleðilegs árs og þakkir fyrir það liðna. Voruð þið frændurnir að grilla á kolagrilli saman með Álafossískum aðferðum ala bál og brand? Það smakkaðist líka ansi vel, Ef ég man rétt, sem er ekkert víst, vegna óhófslegrar notkunar á grillvökva alla þá nótt.

[steinimagg, 2.1.2009 kl. 14:25]

He he, já það kvöld var frábært, helgrillaður kjúlli að hætti hússins :-)