Atvinnurekendur blésu okkur byr undir báða vængi

Bæjaryfirvöld Mosfellsbæjar stóðu fyrir hádegisfundi í Hlégarði í dag þar sem atvinnurekendum og fyrirtækjaeigendum í bæjarfélaginu var boðið að koma til skrafs og ráðagerða.

Óhætt er að segja að bæði mæting og hugur þess góða fólks sem að fyrirtækja- og atvinnurekstri stendur í bæjarfélaginu hafi blásið okkur bæjaryfirvöldum byr undir báða vængi. Ekki var á nokkurri manneskju að heyra  uppgjafartón, heldur miklu frekar jákvæðni og að nú skildi blásið til sóknar.

Í ljósi þeirra aðstæðna sem nú ríkja og voru vissulega m.a. ástæða þess að fundurinn var haldinn, var það ómetanlegt að ganga út af honum með þá bjartsýni og einurð sem ríkti meðal allra fundargesta.

Hugurinn ber okkur hálfa leið.

Athugasemdir

[Einar Áskelsson (IP-tala skráð) 10.12.2008 kl. 19:40]

Þetta er flott að heyra Kalli.  En getur þú upplýst um að einhverjar aðgerðir eða tillögur sem voru gerðar á fundinum, eða voru menn að ræða almennt málin.  Kær kveðja úr Teigunum.

[Karl Tómasson, 11.12.2008 kl. 16:27]

Sæll Einar.

Eins og ég segi var þetta líflegur og skemmtilegur fundur og þrátt fyrir allt hugur í fólki.

Þessi fyrst fundur var almennt spjall og hugleiðingar.

Það sem nú stendur til að gera er að búa til einskonar vinnuhópa og frá þeim komi svo tilllögur um úrræði sem vonandi verða sumar að veruleika.

Bestu kveðjur úr Tungunni.