Lagt er til að Varmársamtökin kosti málshöfðun

Það er greinilega í nógu að sýslast hjá forkólfum Varmársamtakanna þessa dagana, svona rétt fyrir jól, og allt er þetta jafn uppbyggjandi, jákvætt og skemmtilegt eins og vanalega. Ólafur gjaldkeri Varmársamtakanna virðist tvístígandi þessa dagana hvort hann á að kæra eða ekki. Hvað samtökin ætla að kæra, er svo annað mál og flóknara að átta sig á. Það verður tíminn að leiða í ljós.

Þetta sagði gjaldkeri samtakanna þann  4. des kl. 19:39

"Varmársamtökin geta lögsótt Karl vegna framgöngu sinnar en ég legg til að samtökin leggi frekar áherslu á að gerð verði hvítbók í Mosfellsbæ, þar sem farið verður yfir gerðir Karls og annarra bæjarstjórnarmanna og hvort að þeirra persónulegu hagsmunir hafi haft áhrif á  ákvarðanir í tengslum við almannahagsmuni.  Í ljósi þeirra atburða sem hafa riðið yfir samfélagið og sú spilling sem er allsráðandi í meðhöndlun fjármuna væri athugandi að fara fram á það að bæjarstjórnamenn geri grein fyrir eigna og fjárhagsstöðu sinni, að þeir geri grein fyrir því hvort að þeir hafi átt viðskipti persónulega með jarðir og lóðir, hvort að þeir hafi hagnast persónulega á síðustu misserum beint eða óbeint á þeim ákvörðunum sem teknar hafa verið í bæjarstjórn.  Ef menn hafa ekkert að fela hafa þeir ekkert að óttast".

Þetta sagði svo gjaldkerinn sama dag kl. 22:07

"Ég styð þig heilshugar Gunnlaugur og legg til að Varmársamtökin leiti leiða til að fjármagna málsóknina þar sem aðförin að þér hefur verið í tengslum við málflutning þinn og störf fyrir hönd samtakanna". 

Í hverju málshöfðunin mun felast, er mér reyndar hulin ráðgáta. Það verður tíminn einn að leiða í ljós eins og áður segir.

Athugasemdir

[HP Foss, 5.12.2008 kl. 23:37]

Þetta er nú meiri endaleysan. Er þetta ekki í 3. eða 5. skiptið sem þessi samtök hóta þér málsókn. Ja það er aldeilis kærleikurinn þarna.

Annars er rætt um málefnalega umræðu. Ég lagði nokkur orð í belg til varnar vini mínum, fékk þá þessa málefnalegu sendingu frá Gunnlaugi B Ólafssyni á þessa leið: Hvernig er það HP Foss, vatnar fjósamann að Fossi á Siðu? Er þar allt í skít og drullu? Nei, það er of viðkvæmt til að ræða  hér á blogginu.

Ekki þótt mér þetta sérstaklega málefnalegt,  ætlaði maðurinn að fara að sverta mínar æskustöðvar fyrir það eitt að standa við bak vinar míns?, Ætlaði hann að fara í einhverskonar fegurðarsamkeppni eða keppni í umhirðu og umgengni á milli Foss á Síðu og "hinnar landmiklu jarðar,Stafafells í Lóni?" Veit ég vel að margt má betur fara heima.

Svarið fékk ég í sumar, ég ók nefnilega fram hjá Stafafelli í Lóni.

En eftir stendur spurningin um manninn, hjá mér og foreldrum mínum sem furða sig á slíku innræti.

Kveðja- Helgi

[Steinunn Helga Sigurðardóttir, 6.12.2008 kl. 18:31]

þetta er alveg ótrúle endaleysa hjá þessu blessaða fólki. vonandi opnanst augu þeirra fyrir því um hvað lífið er.

að elska náunga sinn eins og sjálfan sig eða elska sig eins og náunga sinn ! Það er mikill pirringur hjá þeim, til þeirra, þau ættu að gera eitthvað í því.

Kærleiksknús frá Lejre

s