Aðalfundur Vinstri grænna í Mosfellsbæ

Næstkomandi miðvikudag, 26. nóvember kl. 20:00 verður aðalfundur Vinstri grænna í Mosfellsbæ haldinn í Hlégarði. Sérstakir gestir verða, Ögmundur Jónasson og Guðfríður Lilja Grétarsdóttir.

Ég hvet sem flesta félagsmenn okkar að mæta og um leið leggja okkur lið, nú, að rétt rúmlega hálfnuðu kjörtímabili okkar í meirihluta bæjarstjórnar Mosfellsbæjar og með því hafa áhrif á okkar samfélag.

Félagsmenn Vinstri grænna eru nú fleiri en nokkru sinni fyrr í Mosfellsbæ og það er okkur vissulega mikið ánægjuefni ef þeir blanda sér í starfið með okkur og hafa með því áhrif á allt okkar starf.

Við höfum á okkar fyrsta kjörtímabili í bæjarstjórn Mosfellsbæjar komið mörgum af okkar áherslum í framkvæmd og öll sem eitt, lagt okkur fram um að gera gott samfélag betra.

Mosfellsbær er fallegt bæjarfélag sem státar af frábæru skólastarfi, einstakri útivistarparadís allt um kring, fyrsta flokks íþróttaaðstöðu og mjög fjölbreyttu menningarlífi. Það er án vafa öllum Mosfellingum kappsmál að ekkert verði slakað á svo bærinn geti státað af þessu öllu um ókomna tíð.    

Athugasemdir

[HP Foss, 23.11.2008 kl. 22:18]

Og fer Ömmi með gamanmál. Ha, ha, ha, ha,hahaaa,,æjæjæjjj..... ehemmmm.... Já, þetta verður án efa hinn besti fundur.

[Karl Tómasson, 23.11.2008 kl. 22:24]

Helgi minn.

Það verður tekið vel á móti þér og þínum þegar þið flytjið í Mosfellsbæinn. Það veist þú.

Bestu kveðjur frá Kalla Tomm úr Mosó.

[Hvíti Riddarinn, 25.11.2008 kl. 21:21]

Eru þið í meirihluta?

[Karl Tómasson, 26.11.2008 kl. 13:56]

Gamli vinur, Hvíti Riddari.

Stuðningur þinn hefur verið ómetanlegur. Sjáumst í kvöld.

Bestu kveðjur frá Kalla Tomm.

[Úrsúla Jünemann, 26.11.2008 kl. 14:35]

Ég kemst ekki en sendi betra helminginn. Ég er orðin svo ferlega pólitísk en hef ekki hug á að festa mig í einhverjum flokki. Ég vona að meirihlutur í Mos. ber gæfu til þess að skera ekki niður í skólamálunum, heldur frekar í t.d umferðamannvirkjum.  Þetta má bíða betri tíma en börnin okkar eiga ekki að gjalda hvernig ástandið er.

[Hörður Björgvinsson (IP-tala skráð) 26.11.2008 kl. 16:46]

Þið ræðið kannski húsnæðismál kóra, sem eru fleiri í Mosfellsbæ en öðrum bæjum.  Stefnir æfir trúlega í Reykjavík, a.m.k. í vetur.

[Halldór Egill Guðnason, 26.11.2008 kl. 21:33]

Hér kemur leirburður úr Brekkulandinu, já eða öllu heldur langleiðina frá Suðurskautinu:

Vinstri Grænir, Hægri Bleikir - Í Mosó vinna saman - Ef saman í kreppu stæðu keikir - Væri það ekki gaman?

[steinimagg, 27.11.2008 kl. 10:01]

Varst þú að setja upp jólaseríur ?

[HP Foss, 27.11.2008 kl. 10:35]

Fáir standast forsetanum snúning þegar kemur að seríum.