Sættir

Fyrir nákvæmlega 20 árum, samdi einn minn besti vinur og samstarfsfélagi í 30 ár, Birgir Haraldsson, undur fagurt lag sem kom út á Hugarfóstri Gildrunnar. Þetta var okkar fyrsta lag sem við hljóðrituðum án söngs.

Á lagið þurfti auðvitað að finna nafn og ég heyrði í því svo mikla sátt við allt og alla. Ég kom með þá hugmynd að lagið ætti að heita Sættir, félagar mínir voru sáttir við það.

Ég var að smella laginu okkar í spilarann minn, endilega hlustið og vonandi verðið þið sátt.

Það er einstaklega góð tilfinning að geta verið sáttur. Sáttur við sjálfan sig, umhverfi sitt, sem og þá sem maður umgengst.

Í þeirri tilfinningu að upplifa mann vera hvorki, meiri né minni, betri eða verri en samferðafólk sitt felst mikill friður, ótrúlegur friður.  

Virðing, umburðarlyndi og samhyggð er gott leiðarljós í lífinu, við menn og málleysingja.

 

Með góðri kveðju úr Tungunni.

Athugasemdir

[sandkassi (IP-tala skráð) 26.10.2008 kl. 23:36]

Gaman að lesa þessa jákvæðu og andlega upplyftandi pistla þína Kalli. Það er fyndið að í hvert skipti sem ég rekst á bloggið þitt þá sé ég fyrir mér appelsínugula söngkerfið sem þið strákarnir úr moso voruð að bera út úr Rín.

Líklegast verið 1978-9 eða eitthvað um það bil. Þessi mynd er ein af þeim sem festast í minningunni.

kær kveðja

[sandkassi (IP-tala skráð) 26.10.2008 kl. 23:38]

Í þá daga var spjallað um Cobham, Tama og DBS-:)

[Karl Tómasson, 26.10.2008 kl. 23:48]

Mikið er gaman að sjá þig og heyra frá þér Gunnar. Appelsínugula orange söngkerfið var okkar fyrsta alvöru söngkerfi og það kostaði 500.000- gamlar og pabbi minn heitinn skrifaði undir víxilinn.

Oft var hann hissa á örverpi sínu en alltaf var hann til í allt með örverpinu sínu minn elskulegi faðir.

Frábært og einstaklega gaman að lesa þetta frá þér.

Bestu kveðjur frá Kalla Tomm úr Mosó

[sandkassi (IP-tala skráð) 27.10.2008 kl. 00:09]

já 500.000 gamlar-pældí því-:) Pabbi þinn hefur verið góður við þig. Það var pabbi minn líka. Hann skrifaði m.a. upp á víxlana fyrir krómaða Slingerland settinu sem ég keypti af strák í moso-:) (Steini minnir mig).

Þá fór hann með mér á jamsessionin í Klúbbnum því ég var of ungur til að komast inn. guð blessi hann fyrir þetta allt saman.

[Steinunn Helga Sigurðardóttir, 27.10.2008 kl. 05:42]

frábært lag !

Kærleikskveðjur og Ljós til þín kæri kalli !

s

[Hanna Símonar (IP-tala skráð) 27.10.2008 kl. 12:16]

Mikið er ég sátt við þessa færslu :-)

bestu kveðjur yfir til ykkar

Hanna

[Herdís Sigurjónsdóttir, 27.10.2008 kl. 19:13]

Yndislegt lag Kalli, takk.

Kveðja úr Rituhöfðanum.

[Laugheiður Gunnarsdóttir, 28.10.2008 kl. 17:17]