Frumkvöðlastarf í Mosfellsbæ

Haraldur Sverrisson, bæjarstjóri, Karl Tómasson, forseti bæjarstjórnar og Herdís Sigurjónsdóttir, formaður fræðslunefndar að lokinni fyrstu skóflustungu væntanlegs Krikaskóla.

Börn og væntanlegir nemendur í Krikaskóla tóku einnig skóflustungur og á þessari mynd má sjá Björn Þráinn Þórðarson framkvæmdastjóra fræðslu- og menningarsviðs aðstoða unga stúlku.

Fyrsta skóflustungan að nýjum og byltingakenndum skóla, Krikaskóla í Mosfellsbæ, var tekin í dag, fimmtudag. Stefnt er að því að hann hefji göngu sína í nýju húsnæði haustið 2009. Skólinn tók til starfa í tímabundnu húsnæði í sumar og tóku börnin sjálf, sem ganga í Krikaskóla, fyrstu skóflustunguna ásamt Haraldi Sverrissyni bæjarstjóra, Karli Tómassyni forseta bæjarstjórnar og Herdísi Sigurjónsdóttur formanni fræðslunefndar.

Þrúður Hjelm, skólastjóri Krikaskóla í sjónvarpsviðtali.

Krikaskóli er frábrugðinn öllum öðrum skólum á Íslandi að því leyti að í honum verður boðið upp á nám fyrir eins til níu ára gömul börn. Skóladagurinn verður miðað við það sem þekkist í leikskólum því boðið verður upp á samfelldan skóladag frá hálf átta til rúmlega fimm.  Stefnt er að því að hægt verði að veita slíka þjónustu allt árið um kring fyrir öll börnin. Nánar má lesa um Krikaskóla á mos.is

Sigríður Dögg, kynningarfulltrúi Mosfellsbæjar, Ragnheiður Ríkharðsdóttir fyrrverandi bæjarstjóri Mosfellsbæjar, Haraldur Sverrisson bæjarstjóri Mosfellsbæjar, Jóhanna B. Hansen bæjarverkfræðingur Mosfellsbæjar og Herdís Sigurjónsdóttir, formaður bæjarráðs- og fræðslunefndar Mosfellsbæjar að lokinni fyrstu skóflusungu væntanlegs Krikaskóla.

Athugasemdir

[Gudrún Hauksdótttir, 26.9.2008 kl. 10:09]

Tad er aldeilis framför í skólamálum á íslandi tykjir mér.

Er med teirri  skólastefnu  ad blanda saman leik og grunnskóla frá ungaaldri .Tá er stökkid ekki svo mikid frá leikskóla upp í grunnskólann og börni meira tilbúin ad takast á vid félagstáttinn, og námid allt.

Til hamingju med tetta Mosfellingar gódir.

[HP Foss, 26.9.2008 kl. 14:19]

Suss, ekki fannst þóttu mér rök bæjarstjórans gáfuleg og það kom ekki á óvart að þessi vitleysa kæmi frá Andra Snæ Magnasyni. Magnað hvað hlaupið er á eftir því sem honum dettur í hug. Það var talað um að stórt skref væri fyrir 6 ára börn að fara úr leikskóla í grunnskóla! Já, ég er sammála því , það er stórt skref og þarna verður sú gleði, það stolt, sá stóri dagur, fyrsti skóladagurinn, tekinn frá krakkagreyjunum. Í þessum skóla taka þau ekki eftir því að ´þau eru farinn í grunnskólanám, ef ég skil þetta rétt.

Nei, ég held að þetta sé ekki gott skref.

[Steinunn Helga Sigurðardóttir, 26.9.2008 kl. 14:58]

til hamingju með skólann ! er ég að misskilja eitthvað, eins til 9 ára ! þýðir það að börn frá eins árs til 9 ára séu í þessum skóla ?

Kærleikshelgi til þín sendi ég

steina

[Ásdís Sigurðardóttir, 26.9.2008 kl. 15:17]

Innilega til hamingu með þetta allt. Það verður gaman að fylgjast með þessum skóla.  Kær kveðja í Mosó