Alltaf skemmtilegur og mikill ljúflingur

Talandi um góða söngvara eins og ég gerði í færslunni hér fyrir neðan.

Það var gaman að horfa á viðtal sjónvarpsmannsins vinsæla, Jóns Ársæls, við Eirík Hauksson söngvara.

Leiðir okkar Gildrufélaga og Eika lágu saman árið 1980, þá var hann í Start og við félagarnir í hljómsveit sem við kölluðum á þeim tíma Pass. Skömmu síðar breyttum við nafninu í Gildran. Hljómsveitirnar tóku sig saman og auglýstu stórdansleik um verslunarmannahelgina í Félagsgarði í Kjós.

Til að gera langa sögu stutta, þá mislukkaðist þetta ævintýri okkar algerlega. Það komu bókstaflega engir til að hlýða á okkur og varð stórtap á þessu ævintýri okkar. Vissulega vorum við allir miður okkar en þetta gerði það að verkum að við félagarnir áttum saman næturlangt spjall. Við spjölluðum um lífið og tilveruna. Þetta var góð og ógleymanleg stund og tengdumst við þá böndum og vináttu, sem allt frá þeirri helgi hefur verið órjúfanleg.

Síðan þá höfum við allir félagarnir í Gildrunni og Start margsinnis ruglað okkar reitum saman og spilað saman við hin ýmsu tækifæri, stór og smá. Dabbi Karls trommari, Sigurgeir Sigmunds gítarleikari, Jonni Ólafs bassaleikari, Nikki Róberts hljómborðsleikari, Eiki Hauks söngvari og Pétur Kristjánsson söngvari, skipuðu hljómsveitina Start á þessum tíma. 

Start og Gildran.

Efri röð frá vinstri: Sigurgeir Sigmunds, Kristján Edelstein, Pétur Kristjáns,  Nikki Róberts,  Dabbi Karls og Eiki Hauks. Neðri röð frá vinstri: Billi Start, Frikki Hall, Kalli Tomm, Biggi Haralds og Jonni Ólafs.

Sigurgeir gekk síðar til liðs við Gildruna og Jonni Ólafs bassaleikari spilaði með okkur Bigga í tæp tvö ár í 66 og inn á eina plötu. Billi Start varð einn af okkur Gildrumönnum og þvældist með okkur um land allt í áraraðir. Pétur, heitinn, Kristjáns og Eiríkur tróðu upp með okkur Gildrufélögum í hálft ár á Hótel Íslandi á mörgum frábærum tónleikum og Eiríkur Spilaði og söng með okkur félögunum í Gildrunni og Gildrumezz nokkra ógleymanlega tónleika. Meðal annars á fjölmennasta dansleik sem haldin hefur verið í Mosfellsbæ. Þá var reyst við Álafoss föt bezt risatjald og haldnir tónleikar og dansleikur sem eru mörgum enn í góðu minni.

Eiríkur, eins og allir vita sem þekkja hann, er mikill öðlings drengur, hann hefur náð hæstu hæðum hérlendis og í Noregi og sá frami stafar ekki einungis af frábærri söngrödd hans heldur örugglega ekki síður af þeirri manneskju sem hann hefur að geima.

Eiríkur gantaðist með það í þættinum hjá Jóni Ársæls að hann syngi í mónó í dag eftir erfiða sjúkdómsbaráttu sína. Ég hafði sérstaklega gaman að því að heyra hann segja þetta því við göntuðumst oft með það ég og Eiki þegar við spiluðum og sungum saman að við værum í stereó þegar við værum saman komnir tveir. Báðir vinirnir búnir að ganga í gegnum sömu baráttu. 

Myndin er tekin rétt áður en við fórum á svið til að spila á stórkostlegum og yfirpökkuðum tónleikum á Akureyri. Gildran ásamt Eiríki Haukssyni.

Athugasemdir

[Gulli litli, 22.9.2008 kl. 08:11]

Eiki er eðall..

[Jenný Anna Baldursdóttir, 22.9.2008 kl. 09:21]

Og þarna eru myndir af vini okkar hjóna honum Jonna Ólafs.  Pétur Kristjánsson ljúflingur líka.  Æi, nostalgían fer með mig á flug.

Eiki er flottur.

[Anna Ólafsdóttir (anno) (IP-tala skráð) 22.9.2008 kl. 11:59]

Segi eins og Jenný vinkona mína. Það hríslast um mann einhver nostalgíutilfinning að lesa upprifjun eins og þessa. Ég kynntist Eika fyrst þegar við stunduðum nám á sama tíma í KHÍ, síðan auðvitað í kringum Gleðibankaævintýrið. Öðlingur, ljúflingur eru orð að sönnu. takk fyrir skemmtilega sögu - og ekki eru myndirnar síðri

[Ásthildur Cesil Þórðardóttir, 23.9.2008 kl. 10:31]

Virkilega gaman að þessari upprifjun Kalli minn.  Ég man vel eftir Start, og sérstaklega sjónvarpsútsendingu með þeim.  Pétur Kristjáns kom svo hér árlega síðustu árin til að vera með geisladiskaútsölu í Félagsheimilinu í Hnífsdal.  Hann heilsaði mér alltaf með nafni og var svo yndislegur maður.  

[Karl Tómasson, 23.9.2008 kl. 22:48]

Sæl verið þið kæru bloggvinir.

Jenný Anna. Ekki vissi ég að þið hjónin væruð vinafólk Jonna Ólafs. Jonni er ekki einungis einn alskemmtilegasti bassaleikari landsins, heldur einnig óborganlegur húmoristi. Pétur heitinn var náttúrulega algerlega einstök manneskja.

Anna, þá hefur þú væntanlega einnig verið í skóla með Steinari bróður mínum.

Ásthildur, það er rétt hjá þér. Pétur Kristjáns var allra, alla tíð og það muna margir eftir viðmóti hans um land allt þegar hann var með geisladiska markaðina sína.

Bestu kveðjur frá Kalla Tomm úr Mosó.

Bestu kveðjur frá Kalla Tomm úr Mosó.

[Hulda Bergrós Stefánsdóttir, 23.9.2008 kl. 23:30]

Flottir strákar

[Gudrún Hauksdótttir, 24.9.2008 kl. 11:25]

Gaman ad lesa tennann pistil og myndirnar eru ædislegar.

Takk takk.

kvedja frá danaveldi.

[Eiríkur Hauksson (IP-tala skráð) 25.9.2008 kl. 14:35]

Sæll Kalli, minn kæri vinur-svo og adrir bloggarar. Mér var bent á thennan pistil thinn og vard forvitinn. Verd ad játa ad ég hef ekki séd tháttinn hans Jóns Ársæls ennthá, en thad fór vel á med okkur og ég er bara nokkud bjartsynn á ad vel hafi tekist til. Annars er allt beautiful hérna hinum megin vid "fjördinn". Ennthá 15-19 stiga hiti og sól núna sídustu daga. Reikna med ad ég verdi eitthvad á fartinni fram og til baka í framtídinni eins og verid hefur hingad til, og alla vega ætla ég ad halda einhverja afmælistónleika 4.júlí á næsta ári, thegar "litli ljúfurinn" verdur fimmtugur. Á thó eftir ad velja stadinn, en blogga mig kannski aftur inn thegar ég veit meir. Ef einhverjir vilja fylgjast med "gamla manninum"  thá er margt ad skoda og sjá á <eirikur.info>

Kossar og knús... Eiki Hauks

[Karl Tómasson, 25.9.2008 kl. 21:31]

Sæll Eiki minn. Mikið var gaman að heyra frá þér. Þátturinn var frábær eins og við var að búast.

Það verður gaman að fylgjast með framvindu mála varðandi afmælistónleika þína þann 4. júlí næstkomandi. Ég held að það bíði fleiri en þig grunar eftir þeim.

Annars er allt gott að frétta héðan kæri vinur. Verðum í sambandi.

Bið að heilsa Helgu.

Bestu kveðjur úr Mosó frá Kalla Tomm. 

[steinimagg, 25.9.2008 kl. 22:04]

Það er ekkert smá, bæði kossar og knús frá Eika, flott.

[Billi Start (IP-tala skráð) 25.9.2008 kl. 22:18]

Ég horfði á þáttinn og var mjög ánægður. Ég hef tvisvar sinnum heimsótt vin minn Eirík til Noregs og því þekkti ég allt umhverfið vel sem sjá mátti í þættinum.

Það var gaman að sjá Eika og Ken Hensley saman í Noregi í  fyrra sumar.

Hvernig væri nú að Gildran og Eiríkur slægju saman í púkk eina ferðina en.

Bestu kveðjur frá Billa Start