Framsóknarbragur

Það var ekki einungis skondið að lesa frétt sem birt var á heimasíðu Framsóknarmanna í Mosfellsbæ í gær, heldur væri nær að segja sorglegt. Þvílíkur tvískinnungur og pólitísk smeðja sem lá þarna að baki og hvaða hvatir? Mér er spurn.

Á heimasíðu Framsóknarmanna í Mosfellsbæ sáu menn ástæðu til að gera að frétt, bloggskrif Varmársamtakanna og þeirra fylgifiska. Nú detta af mér allar dauðar lýs, Framsóknarmenn sem hafa alltaf greitt atkvæði sitt þvert á vilja Varmársamtakanna í einu og öllu. Einnig vakti athygli mína í fréttinni furðu mikill samhljómur við skrif Valda bloggdólgs og Gunnlaugs B. Þokkalegur pakki þar á ferð.

Það voru mér einnig mikil vonbrigði að engin skuli hafa gengist við slíkri frétt í Framsóknarfréttum. Í raun skal samt engan undra svo makalaus hörmung sem þessi skrif voru. Þar voru sett innan gæsalappa ummæli höfð eftir Varmársamtökunum rétt eins og það hafi verið mín eigin. Einnig var sagt orðrétt:

“Í viðtalinu gerir Karl sjálfan sig að píslarvotti og segist persónulega hafa verið tekinn fyrir. Ljóst er Karl gerir hér engan greinarmun á starfi sínu sem stjórnmálamaður og persónulegum málum.

Um hvaða persónulegu mál mín er þarna rætt og hvaðan eru þau ummæli höfð? Þau komu ekki fram í viðtalinu við mig. Þetta hefur ritstjóri Framsóknarfrétta lesið einhversstaðar annarsstaðar. Gæti hugsast á einhverri bloggdólgssíðunni?

Umræða mín "fræga" um skurðgröfur eins og haft er á orði í fréttinni hjá Framsóknarfréttum vakti vissulega athygli, það er rétt en bent skal á að þessi ummæli lét ég fyrst falla á flokksráðsþingi Vinstri grænna nú á dögunum og þá sagði ég orðrétt:

"Við megum ekki fara á taugum þótt við sjáum Bryndísi Scram og Sigurrós og heldur ekki alltaf þótt við sjáum skurðgröfu"

Þetta var það sem ég sagði og ég veit að þessi ummæli mín vöktu athygli. Eitt mega þó Framsóknarfréttir vita, rétt eins og allir aðrir að þessi orð mín og ræða féll í góðan jarðveg hjá félögum mínum í Vinstri grænum. Þau tóku gagnrýni minni með reisn.

Marteinn Magnússon ritstjóri Framsóknarfrétta. Þetta var hressilegt skot undir beltisstað hjá ykkur. Þetta fannst ykkur réttmætt og fréttnæmt.

Aldrei datt ykkur í hug að skrifa t.d. um stórkostlega vel heppnaða bæjarhátíð okkar á dögunum, Í túninu heima. Hvorki fyrir hana né eftir.

Með þessu áframhaldi undirstrikið þið tilgerðalega og tvískinnungslega pólitík ykkar og fréttamennsku. Það er ekki bæði sleppt og haldið í pólitíkinni, ekki frekar en í lífinu sjálfu. Þetta snýst um að vera samkvæmur sjálfum sér. 

Ég lýsi vanþóknun minni á svona lágkúrulegum og ófagmannlegum fréttaflutningi.

  

Athugasemdir

[steinimagg, 16.9.2008 kl. 11:31]

Nú misti ég endanlega það pínu litla álit sem ég hafði á framsókn. ENDIR.

[Ásthildur Cesil Þórðardóttir, 16.9.2008 kl. 12:36]

Ótrúlegur andskoti Kalli minn.  Þetta angar af einhverskonar öfund.  Þú er greinilega meira en þeir geta höndlað.  En manni getur nú sárnað, þegar öllu er snúið á hvolf.  Knús á þig  Þú ert flottastur.

[Snjólaug A. Sigurfinnsdóttir, 16.9.2008 kl. 16:58]

Kæri minn, mikið almáttugur hvað pólitík getur verið hörð. Eitt sem ég hef lært á þessu brölti mínu er að það særir mig enginn framar Góðu punktarnir eru alltaf miklu fleiri sem maður fær út úr þessu.  Ég hugsa bara, aumingja þeir sem finna sig knúna til að bulla eitthvað um mann og snúa út úr.

Hafðu það gott ég veit þú gerir eins vel og þú getur.   

[Spörri Spékúlant (IP-tala skráð) 16.9.2008 kl. 22:46]

Er þessi frammari ekk bara yngri og ögn áferðarfallegri útgáfa af Marteini Mosdal? Mér finnst það einhvernvegin liggja í augum uppi og því er frétta- og rotstjórnarmennska hans öllu skiljanlegri ... !

[Guðmundur St. Valdimarsson, 17.9.2008 kl. 00:03]

Framsókn hefur nú aldrei verið minn tepoki, munið þið þetta með LITASJÓNVÖRPIN. Hvaða ár var þetta 1980, halló er verið að grínast hérna. Það þótti ekki þörf á litasjónvarpi vegna þess hversu litskrúðugir búningar KR þóttu vera. Framsókn hefur ekki verið, hvorki fugl né fiskur eftir að Ólafur Jóhannesson var og hét í þessum flokki fyrir um mannsaldri síðan. Síðan þá hefur flokurinn unnið markvist að því að eyða sjálfumsér og tekist vel upp í því.

[Spörri Spékúlant (IP-tala skráð) 17.9.2008 kl. 02:00]

Að ofan átti að sjálfsögðu að standa ritstjórnarmennsku en ekki rotstjórnar, þó vefengja megi bæði stjórn og trúverðugleika þessa Framsóknarfréttamiðils þar sem að honum tókst bæði að flýta hátíðardagskrá þjóðhátíðardags okkar Íslendinga um tvo daga og fagnar síðan velheppnuðum hátíðarhöldum þjóðhátíðardagsins degi áður en hann rann upp í raun. Undravert!

Það eitt og sér hringir viðvörunarbjöllum hjá mér en kannski er þetta bara svona hjá Framsókn og þykir alveg eðlilegt? Hvað veit ég svosem. Ég kem a.m.k. til með að taka fréttum þeirra með fyrirvara héðan í frá.