Strákar munum að láta skoða ef eitthvað torkennilegt finnst

Það er makalaus tilviljun að rétt eftir að ég lét mína fyrstu færslu um hjólreiðar hér fyrir neðan skuli ég fáeinum mínútum síðar lesa þessa frétt um Lance Amstrong.

Við "félagarnir", það er ég og Lance eigum sennilega ekkert annað sameiginlegt en að hafa báðir veikst af sama sjúkdómi, krabbameini í eista. Krabbameinslæknir minn benti mér á það þegar ég var í reglulegu eftirliti hjá honum að lesa ævisögu Lance Amstrong og það gerði ég nánast í einum rykk og var það merkileg og fróðleg lesning. Maðurinn er ótrúlegur afreksmaður og kem ég án vafa til með að fylgjast með honum í þeirri miklu þolraun sem Frakklandshjólreiðarnar eru.

Við eigum það reyndar einnig sameiginlegt að hafa læknast að fullu af okkar sjúkdómi. Báðir útskrifaðir ég útskrifaðist fyrir hálfu ári síðan og þakka mikið fyrir það.

Einkenni þessa sjúkdóms byrja oft með eymslum í brjóstum og eista samhliða. Aðal málið er að bregðast fljótt við ef eitthvað slíkt kemur upp á og fara ófeiminn til læknis. Þetta er ekki mjög algengt krabbamein og frekar viðráðanlegt ef brugðist er fljótt við.

Bestu kveðjur frá Kalla Tomm úr Mosó.

Armstrong ætlar að keppa á ný

Athugasemdir

[steinimagg, 9.9.2008 kl. 23:38]

Já Armsrong er magnaður og bókin um hann er frábær, hann er með hjálm

[Eiríkur Sturla (IP-tala skráð) 10.9.2008 kl. 00:09]

Leitt að heyra um þennan sjúkdóm....en það er móðgun við heilbrigða skynsemi að halda því fram að maðurinn hafi ekki verið á húrrandi dópi þegar hann var í bransanum.

Reyndar merkilegt hvað slíkar fréttir skila sér alltaf illa og seint heim. Ekkert að marka þetta dæmi. ...Kv 

[Steinunn Helga Sigurðardóttir, 10.9.2008 kl. 04:29]

ég hef heyrt um baráttu hans við sjúkdóminn. þó svo að sjúkdómar séu oft svo hræðilegir, þá gera öll áföll okkur dýpri og meira lifandi en áður og þú berð þess svo sannarlega merki kæri kalli minn !

Kærleikur og Ljós til þín

steina