Takið'i meyjan hrein

Á fyrstu hljómplötu Gildrunnar var lag sem af mörgum er talið eitt af okkar bestu lögum. Lag sem við komumst aldrei upp með að spila ekki þegar við komum fram.

Mærin er eitt af þessum lögum sem hafa fylgt okkur alla tíð. Textann við lagið samdi hirðskáld okkar á þeim tíma, Þórir Kristinsson og er þessi texti klárlega eitt af hans meistaraverkum.  

Flestir stóðu í þeirri meiningu að við værum að syngja um hreinar meyjar þar sem textinn hefst á orðunum meyjan hrein en við vorum vissulega að syngja og flytja lag um mærina einu og sönnu.

Oft munum við félagarnir eftir því á tónleikum að hafa heyrt öskrað utan úr sal: "Takið'i meyjan hrein". 

Lagið hef ég nú sett í spilarann hjá mér og njótið vel.    

 

 

Mærin 

Meyjan hrein

Sér þú til mín

Alltaf ein

Bænin ein

Ber mig til þín

Meyjan hrein

Faðir vor

Sér þú til mín

Engin orð

Himna storð

Tak mig til þín

Faðir vor

Bregður birtu

Mærin sofnar

Dofnar dagur burtu

Daufri varpar glóð

Kristur kær

Kom þú til mín

Himni nær

Hatri fjær

Tak mig til þín

Kristur kær.

Athugasemdir

[Óskar Þorkelsson, 5.9.2008 kl. 08:53]

Þetta lag er líka bara snilldin ein :)

[Herdís Sigurjónsdóttir, 5.9.2008 kl. 11:29]

Ég var nú búin að fatta þetta með mærina , flott lag. En lagið andvökunætur, er samt eitt af mínum uppáhalds.

[Hrafnhildur (IP-tala skráð) 5.9.2008 kl. 14:32]

Elsku settu fleiri lög í spilarann þinn - sérstaklega fleiri Gildrulög !!

Kv, Hrabba

[Snjólaug A. Sigurfinnsdóttir, 5.9.2008 kl. 15:41]

Gildran er góð hljómsveit og fáir sem hafa fallegri rödd en söngvari hennar. Er hræðilega gleymin og man ekki hvað hann heitir

Þessi texti er fallegur eins og má segja um aðra texta hjá ykkur.

[Kjartan Pálmarsson, 5.9.2008 kl. 20:34]

ÆÐI

[Steinn Skaptason (IP-tala skráð) 6.9.2008 kl. 01:31]

Hvernig er það, er einhver möguleiki eða von til þess að endurútgefa efni eða hljómplötur með Gildrunni ?

Kannski fær maður engin svör við því. 

[Fjarki , 6.9.2008 kl. 11:15]

Sæll Kalli.

Ég sem aðfluttur í Mosó (nú brottfluttur, í bili) þá hafði ég alltaf þá tilfinningu að Mærin væri Þjóðsöngur Mosfellinga.

Frábært lag.

[Guðmundur St. Valdimarsson, 6.9.2008 kl. 19:49]

Skemmtilegur tími. Þórir Kristinsson er bara snillingur. Ekki nóg með að vera skemmtilegur textahöfundur heldur stórskemmtilegur sagnamaður á samtímasögur úr sveitini.

[Laugheiður Gunnarsdóttir, 6.9.2008 kl. 20:30]

góður texti,enda ekki við öðru að búast af ykkur

[Karl Tómasson, 8.9.2008 kl. 20:54]

Takk fyrir komuna kæru vinir og falleg og skemmtileg orð.

Bestu kveðjur frá Kalla Tomm úr Mosó.

[Karl Tómasson, 8.9.2008 kl. 20:58]

Steinn, ég gleymdi að svara spurningu þinni.

Það er allt í skoðun þessa dagana með endurútgáfu á einhverju efni Gildrunnar.

Bestu kveðjur. Kalli Tomm.

[Steinn Skaptason (IP-tala skráð) 9.9.2008 kl. 00:14]

Takk fyrir að muna eftir mér, ég var orðin úrkula vonar um ég fengi einhver svör, en allt tekur sinn tíma, en loksins kom það. Enn og aftur, innilega takk fyrir það !

Já, gott mál en Gildruna og endurútgáfumál, og vona svo að svo verði í tímans rás

Með mjög góðri kveðju. Steinn Skaptason.