Guðný Halldórsdóttir bæjarlistamaður

Í gær var Guðný Halldórsdóttir kvikmyndagerðakona útnefnd bæjarlistamaður Mosfellsbæjar.

Eftir að Duna, eins og hún er oftast kölluð í sveitinni, hafði veitt viðurkenningunni viðtöku sagði hún m.a. í ræðu sinni oft hafa leitað til sveitunga sinna til að fara með hlutverk í myndum sínum.

Það eru orð að sönnu og vart er til sá Mosfellingur sem hefur eitthvað komið nálægt Leikfélagi Mosfellssveitar sem hefur ekki farið með hlutverk í einhverri mynd hjá Dunu. Þetta hefur verið sérstaklega skemmtileg hefð hjá Dunu og án vafa einnig sérstök upplifun fyrir þá leikara sem hafa fengið að taka þátt. Það er nefnilega heilmikið ævintýri að vera á tökustað þegar búin er til alvöru kvikmynd.

Guðný Halldórsdóttir er sérlega vel af þessum heiðri komin og óska ég henni innilega til hamingju.

Athugasemdir

[Úrsúla Jünemann, 30.8.2008 kl. 13:15]

Til hamingju, Duna.

[Jenný Anna Baldursdóttir, 30.8.2008 kl. 15:46]

Konan er frábær listamaður.

[Guðjón H Finnbogason, 30.8.2008 kl. 16:14]

Frábær listamaður í frábæru bæjarfélagi.

[Ásdís Sigurðardóttir, 30.8.2008 kl. 23:33]

Til hamingju með konuna hún er eldklár.