Konur kunna ekki að spila á bassa og trommusett

Fyrir tveimur árum síðan sat ég í mestu makindum með konu minni við kvöldmatarborðið og tók upp á þeirri umræðu að ég furðaði mig á því að konur gætu ekki spilað á bassa og trommusett. Ég gerði mér fullkomlega grein fyrir því að ég væri farinn á hálann ís en lét þessi ummæli flakka og virkilega var að meina það sem ég sagði. Viti menn auðvitað fékk ég allar þær gusur yfir mig sem ég átti von á og ekki ætla ég að hafa þær eftir hér.

Viku síðar, já athugið aðeins viku síðar var heimildarmynd í ríkissjónvarpinu um bandarísku konuna og bassaleikarann Carol Kaye. Við hjónin horfðum á myndina og hafi ég einhverntíman þurft að éta ofan í mig heimskuleg og vanhugsuð ummæli þá var það eftir áhorf á þeim þætti.

Já, karlremban er en til staðar en hún minnkaði mikið þetta kvöld og ég held að þetta sé allt á réttri leið.

Carol Kaye er einn besti og skemmtilegasti bassaleikari sem ég hlusta á og hefur hún einnig verið mörgum frægustu bassaleikurum heims mikil fyrirmynd.

Nú er bara spurning um trommuleikarann.

 

Athugasemdir

[Þórhildur (IP-tala skráð) 2.8.2008 kl. 23:08]

Farðu bara inn á YouTube og sláðu inn "best female drummer" eða eitthvað slíkt og þú færð upp fullt af fínum trommuleikurum. Þessi er t.d. mjög góð:

http://www.youtube.com/watch?v=jKGcrrhNvD0

[Jens Guð, 2.8.2008 kl. 23:08]

  Það eru kannski ekki margir merkilegir kventrommuleikarar í umferð.  En góðir kvenbassaleikarar eru margir.  Nægir að nefna Herdísi í Grýlunum og Suzy Quatro.  Líka kvenbassaleikara í Talking Heads og Talk Talk,  Gang of Four,  PIL,  Feminist Improvising Group og svo framvegis. 

  Í vor skrapp ég til Boston.  Þar voru þá hljómleikar með New York hljómsveit sem kallar sig Les Zeppelin.  Krákuband (=cover) stelpna sem spilar bara lög eftir Led Zeppelin.  Það var uppselt á hljómleikana þannig að ég var fjarri góðu gamni.  En samkvæmt blaðadómum nær trommuleikarinn að afgreiða sjálfa Bonham með glæsibrag. 

[Ingvar (IP-tala skráð) 3.8.2008 kl. 00:21]

Mér dettur í hug bassa- og Chapmanstick-leikarinn Carrie Melbourne

http://www.globalbass.com/archives/may2001/carrie_melbourne.htm

http://www.youtube.com/watch?v=IRnYZLEpRDU

http://www.youtube.com/watch?v=UdTtwvWLy2g

[Herdís Sigurjónsdóttir, 3.8.2008 kl. 14:29]

Ég spilaði einu sinni á trommur í einu lagi Kalli minn í hljómsveitakeppni í Reykjaskóla... man reyndar ekki hvað hljómsveitin hét, en man samt að við unnum ekki  ......

[Júlíus Valsson, 3.8.2008 kl. 15:32]

Þær gefa sér bara ekki nægan tíma til æfinga þessar elskur og við karlarnir erum ekki nógu duglegir við hafa þær með.
Bílskúrinn er svona "strákahellir".