Ósanngjörn umræða um Bubba Morthens

Sú umræða sem átt hefur sér stað vegna ummæla Bubba Morthens í Morgunblaðinu um síðastliðna helgi hefur á margan hátt verið með ólíkindum og vakið hjá mér mikla furðu. 

Hún hefur einkennst af heift, afbrýðisemi og misskilningi að ég held.

Í viðtalinu leyfði hann sér að varpa fram þeirri skoðun sinni að jafnvel hefði verið nær hjá Björk og Sigurrós að halda tónleika fyrir bágstadda Íslendinga í stað þess að vekja athygli á umhverfismálum.

Ég álít að Bubbi hafi þar varpað fram af einlægni skoðun sinni á málefnum þeirra sem minna meiga sín í íslensku samfélagi burt séð frá öllum pólitískum þankagangi, hlutabréfaviðskiptum eða viðhorfi sínu til umhverfismála sem ég efa ekki að eru honum hugleikin. Bubbi hefur örugglega einhverntíman spilað á tónleikum til styrktar umhverfinu, rétt eins og Björk til styrktar bágstöddum. 

Bubbi Morthens hefur í áratugi fært okkur tónlist og texta sem eiga eftir að lifa með þjóðinni um ókomna tíð.

Hann hefur farið fleiri hringi í kringum landið en nokkrir aðrir tónlistarmenn og sjaldan sleppt úr fámennustu byggðarlögum.

Gleymum því ekki.    

Athugasemdir

[Óskar Þorkelsson, 22.7.2008 kl. 23:45]

algerlega sammála þér

[Ía Jóhannsdóttir, 23.7.2008 kl. 00:37]

Vel mælt Karl.  Þetta var það sem vantaði í alla þessa umræðu.

Takk fyrir mig. Ía

[Hulda Bergrós Stefánsdóttir, 23.7.2008 kl. 10:01]

Gott hjá þér Kalli, það eru ekki margir íslenskir tónlistarmenn sem hafa verið svona iðnir við að heimsækja "krummaskuðinn"

[Steinunn Helga Sigurðardóttir, 23.7.2008 kl. 10:16]

við vorum að ræða þetta í gær ég og gunni og furða okkur á hversu viðbrögðin eru heiftarleg, en hann blessaður má alveg hafa þá skoðun sem hann vill án þess að vera skotin, drepinn og grafinn, það liggur eitthvað meira undir eins og þú gefur í skin kæri kalli !

knús

steina 

[Guðrún Þóra Hjaltadóttir, 23.7.2008 kl. 13:44]

Sammála þessari færslu þinni Karl. Ég las viðtalið við Bubba og mér finnst með ólíkindun hvernig hægt er að fyllast allri þessari heift við að lesa það.

Hroki er jú vanmáttarkennd.

[Brynja skordal, 23.7.2008 kl. 15:23]

Heyrheyr tek undir þessa færslu hjá þér

[Katrín Ósk Adamsdóttir, 23.7.2008 kl. 18:16]

Ég tek undir þetta,hef velt þessu dálítið fyrir mér og er ekki að skilja þetta fjaðrafok sem ummælinn vöktu.Bubba er auðvita frjálst að hafa sína skoðun,ég er ekki að skilja hvað sumt fólk er að búa til úr þessum orðum.Það er fullkomlega rétt hjá Bubba að það eru líka aðrir málaflokkar sem eru mjög mikilvægir.

[Ásthildur Cesil Þórðardóttir, 23.7.2008 kl. 20:01]

Bubbi á heiður skilinn fyrir mörg góð lög, sem lifa með þjóðinni.  En mér finnst bara að fólk eigi að fá að vera í friði með að vekja athygli á sínum hjartansmálum, án afskipta annara.  Hann getur bara sjálfur vakið athygli á fátækt, ef það er honum svona hugleikið. Mér býður í grun að hér sé einhverskonar athyglissýki í gangi.  En það er bara mín skoðun. 

[Karl Tómasson, 23.7.2008 kl. 21:38]

Sæl kæru vinir og takk fyrir komuna.

Anna mín, ég og mitt fólk er á faraldsfæti um allt land þessa dagana og þessa stundina. Vöfflurnar verða klárar innan skamms. Ég verð í sambandi.

Kæra bloggvinkona, Ásthildur.

Tónlistarmenn fá oft spurningar í viðtölum sem koma á óvart og jafnvel að einhverju leiti slá þá út af laginu.

Ég stend staðfastur í þeirri trú að Bubbi hafi ekki á nokkurn hátt verið að setja út á, eða gagnrýna umhverfistónleika Sigur Rósar eða Bjarkar. Hann hafi miklu frekar einfaldlega bent á og varpað fram þeirri spurningu hvort ekki væri komin tími á, eða nær að halda tónleika fyrir þá sem minna meiga sín í samfélaginu.

Bubbi hefur allt frá upphafi síns tónlistarferils vakið athygli á þeim sem eiga við fátækt að strýða eða verið undir í þjóðfélaginu okkar.

Þrátt fyrir að hann sé vel stæður maður í dag finnst mér hann en eiga fullan rétt á því að halda þeirri baráttu áfram og ég veit að rætur hans og sá þankagangur verður ekki svo auðveldlega frá honum tekinn. Við eigum ekki að efast um það. Þetta snýst engan vegin um athyglissýki. Hann getur fengið hana hvar og hvenær sem hann vill.

Bestu kveðjur frá Kalla Tomm.

[Jóna Á. Gísladóttir, 24.7.2008 kl. 12:01]

Já er ekki með ólíkindum hvað Bubba tekst að rugga bátnum. Líka þegar hann ætlar sér það ekki endilega.

Ég viðurkenni alveg að ég skil hvorki upp né niður i öllu þessu fjaðrafoki. Spurning hvort fólk hefði orðið jafn æst ef ummælin hefðu verið á hinn veginn.. þ.e. Björk sagt eitthvað  um Bubba í þessa átt í viðtali

[Sigurður Hreiðar, 24.7.2008 kl. 12:20]

Burtséð frá því hvernig manni fellur Bubbi persónulega (kynntist honum lítillega á því tímabili sem hann vill sjálfsagt sjálfur helst gleyma, því miður ekki síðan) fannst mér þau orð sem hann lét falla í moggaviðtalinu í tíma töluð og réttmæt.

Það er kannski það sem olli fjaðrafokinu. Hann strauk köttunum öfugt og andhæris við það sem tískan krefst um þessar mundir. Þá má alltaf búast við hvæsi og klóri.

[Halldór Egill Guðnason, 27.7.2008 kl. 03:04]

Vel mælt Karl og gott innslag hjá Sigurði.