Glæsitorg og útilistaverk

Um næstu helgi þ.e.a.s. á laugardaginn kl. 13 verður vígt nýtt glæsilegt torg, útilistaverk og fræðsluskilti í Mosfellsbæ. Eins og flestir bæjarbúar hafa eflaust orðið varir við hefur hópur manna lagt nótt við dag að fullklára torgið sem er sannkölluð bæjarprýði og mun án vafa eiga eftir að nýtast vel við hin ýmsu tækifæri um ókomin ár.

Um árabil hefur þetta svæði í miðbæ Mosfellsbæjar verið frekar óhrjálegt og jafnvel til vansa ef eitthvað er. Eins og áður segir hefst dagskráin kl. 13 og að henni lokinni verður boðið upp á göngu á vegum Sögufélags Kjalarnesþings og Umhverfis- og náttúrufræðifélags Mosfellsbæjar undir leiðsögn Bjarka Bjarnasonar og Guðjóns Jenssonar. Gengið verður frá Kjarna, upp með Varmá og að Reykjum. Í bakaleiðinni verður komið við í Dælustöðinni.

Vonandi sjá sem flestir Mosfellingar og aðrir gestir sér fært að fagna okkar fyrsta eiginlega miðbæjartorgi.

Athugasemdir

[Sigga Hjólína, 28.5.2008 kl. 20:51]

Nei sko, ég er fyrst .

Mikið hlakka ég til vígslunnar. Mæti í hana og fer án efa í gönguna með þeim sem það vilja á mínu heimili.