Mikill er hamagangurinn

Ég hef ákveðið að láta þessa færslu mína frá því á dögunum standa fremsta fram yfir tónleika snillingsins.

Nú styttist í heimsókn bandaríska tónlistarmannsins John Fogerty sem frægastur er fyrir stórkostlegan söng sinn og óborganlegar lagasmíðar með CCR.

Mikið hlakka ég til að sjá þennan mikla meistara á sviðinu í Laugardalshöll. Eitt verð ég þó að segja, ég vona að, ef sami trommari kemur með John Fogerty og spilaði með honum á síðustu live plötu  hafi nú róast eitthvað. Ég gat vart hlustað á þessa annars ágætu plötu vegna gengdarlausra barsmíða mannsins á trommurnar. Það er auðvelt að stórskemma fín lög og góða tónlist með ótímabærum ærslagangi.

Ég set hér því inn tvær útgáfur af einu frægasta lagi CCR. Sú fyrri er með trommuleikaranum sem hamrar trommurnar eins og hann eigi lífið að leysa og sú síðari með þeim gamla sem kann öll trixin í bókinni án þess að sýna þau öll í einu.

Sjáumst hress!!!

Athugasemdir

[Jens Guð, 5.5.2008 kl. 01:41]

  Ég keypti nýjasta diskinn,  Revival,  úti í Boston á dögunum.  Ég er ósáttur við uppröðunina á lögunum.  Diskurinn hefst á slatta af rólegum,  mjúkum og poppuðum lögum.  Það er ekki fyrr en líður að miðju disksins sem smá læti byrja og svo kemur dásamlegt rokk sem nær hæstum hæðum í I Can´t Take It No More.  Ég hefði viljað að platan byrjaði á því frábæra lagi.

  Ég hef aldrei pælt sérstaklega í textum Johns Fogertys - þó ég kunni marga þeirra utan að og hafi sungið þá suma með hljómsveitunum mínum í gamla daga.

  Á Revivaleru sumir textarnir svo beittir gegn Brúski og félögum að gaman er á að hlýða.  Fogerty er reiður og pirraður á því glæpagengi og skemmtilega kjaftfor.

[HP Foss, 5.5.2008 kl. 11:40]

Uss, vildi að ég gæti sagt það sama, fer ekki á þessa tónleika heldur tónleika með Jet Black Joe! Hlusta þar á hljómsveit sem ég hef aldrei kunnað að meta,  hvorki band né einstaklingar heilla mig.

Maður tekur þessu bara eins og ælupest, líður hjá.

[Steinunn Helga Sigurðardóttir, 5.5.2008 kl. 14:24]

þetta verður gaman fyrir þá sem hafa gaman af

BlessYou

steina

[Kristján Kristjánsson, 5.5.2008 kl. 14:53]

Ég kolféll ekki fyrir Revival þó það séu nokkur mjög góð lög á henni. En hlakka mikið til tónleikana. Sá lagavalið sem hann flytur á þessu ferðalagi og það er bara æðislegt!

[Gísli Baldvinsson (IP-tala skráð) 5.5.2008 kl. 22:59]

Trommuleikur er áreynslulaus og hávaðalaus. Það er til meira en hlemmar og snerill.

[steinimagg, 5.5.2008 kl. 23:20]

Það er bara svo erfitt að hafa stjórn á þeim

[Ásthildur Cesil Þórðardóttir, 6.5.2008 kl. 23:59]

Oh ég elska þessa hljómsveit, við spiluðum mikið af lögunum þeirra þegar ég var að spila á böllum hér í denn, enda virkileg stuðlög, eins og have you ever seen the rain, Proud Mary og mörg mörg fleiri.

[Gunnar Páll Gunnarsson, 19.5.2008 kl. 21:03]

Steina á afmæli á morgun (þriðjudag) fædd 20. 05. 1960. Láttu það ganga.

Gunni Palli kokkur.