Moli flugustrákur

Frændi minn og móðurbróðir Ragnar Lár, teiknari og blaðamaður sem lést nýlega eftir erfið veikindi var óborganlegur lífskúnstner og húmoristi. Hann skapaði m.a. nokkrar skemmtilegar teiknimyndafígúrur. Ein þeirra var Moli flugustrákur.

Um Mola komu út nokkrar bráðskemmtilegar bækur sem ég las spjaldanna á milli og hef gert fyrir börnin mín. Myndirnar í bókunum eru frábærar, í einfaldleika sínum segja þær svo miklu meira en mörg orð eins og auðvitað góðum barnabókum sæmir. Á myndirnar gat maður horft tímunum saman og bókstaflega dottið inn í atburðarásina.

Moli átti góðan vin sem hét Jói járnsmiður. Jói passaði alltaf vel upp á Mola litla flugustrák og þá sérstaklega fyrir Köngul kónguló sem vildi óspart ná Mola í vefinn sinn.

Ég held að þessar bækur séu ekki fáanlegar í dag en eflaust eru þær til á bókasöfnum.

Ég mæli með Mola flugustrák hann er skemmtilegur og góður. 

Athugasemdir

[Lísa Margrét Kristjánsdóttir (IP-tala skráð) 26.4.2008 kl. 21:54]

Já þetta eru frábærar sögur, og mjög skemmtilegar teikningar. Ég las þetta sem krakki og hef alltar tekið reglulega á bókasafninu til að lesa fyrir börnin mín. Hvernig væri að þær yrðu lesnar í Stundinni okkar í sjónvarpinu, held að bæði börnin og foreldrarnir myndu hafa gaman af því

[Elín Sigríður Grétarsdóttir, 27.4.2008 kl. 00:24]

ég á einmitt eina, sem er orðin frekar lausgirt og snjáð ... fer um mig hlýr straumur minninga þegar ég tek hana upp og snusa af henni geymslulyktina

[steinimagg, 27.4.2008 kl. 00:37]

Já sammála bækurnar um Mola eru frábærar, mínar eru orðnar annsi lúnar og ættu skilið að fara í smá lagfæringu, það væri réttast að finna góðan bókbindara og biðja hann um að laga þær.

[Hildur (IP-tala skráð) 27.4.2008 kl. 00:40]

Sæll, ég man vel eftir þessari mynd þó ég muni ekki eftir sögunni..En einhverra hluta vegna teiknaði frændi þinn andlitsmynd af mér sem barni. Ofboðslega flott og nú er ég alveg að panikka því ég man ekki hvar hún er ;o)

P.s bið að heilsa Liney bekkjarsystur minni úr Fósturskólanum..

[Óskar Þorkelsson, 27.4.2008 kl. 01:05]

takk fyrir að minna á Mola.. hann er eiginlega gleymdur greyið..

[Steinunn Helga Sigurðardóttir, 27.4.2008 kl. 05:25]

hann er frábær !!!

hafðu fallegan dag í dag kæri kalli

steina 

[HP Foss, 27.4.2008 kl. 09:52]

Sá aldrei Mola. Var ekki seldur í kaupfélaginu en Óskar var eitt sinn með hana á sér þegar hann fór í söluferð með Magnúsi í Vesturbotni. Hann vildi ekki sýna mér hana.

[HP Foss, 28.4.2008 kl. 07:09]

Til hamingju með daginn, litla fjölskylda.

[Gyða frænka (IP-tala skráð) 28.4.2008 kl. 13:09]

Hæhæ, elsku Kalli og gleðilegt sumar!

Til hamingju með strákinn þinn                                                 Skilaðu afmæliskveðju til "litla frænda" míns...

Knús, Gyða frænka