Mosfellingar skemmtu sér hressilega

Það er óhætt að segja að það hafi verið gaman á árshátíð Mosfellsbæjar í gær. Árshátíðin var sú fjölmennasta frá upphafi og vafa lítið ein sú glæsilegasta. Að venju voru tveir starfsmenn heiðraðir fyrir vel unnin störf í þágu bæjarins. Að þessu sinni voru það heiðurskonurnar, Guðrún Ester fyrrum skólaritari og Sigrún Sigurðardóttir starfsmaður á bæjarskrifstofum Mosfellsbæjar til fjölda ára.

Stórskemmtilegur veislustjóri var Jóhann Örn og eins og góðum veislustjórum ber fékk hann gesti í ýmsa leiki og uppákomur sem vöktu kátínu allra viðstaddra. Nýstofnaður kór Leikskólakennara tók nokkur lög og Sniglabandið bráðskemmtilega sá um dansleikinn ásamt sérstökum gesti, söngvaranum frábæra Stefáni Hilmarssyni.

Ég vil nota tækifærið og þakka fyrir mig og mína. Það er sérstaklega gaman og gefandi að fá tækifæri til að starfa með öllu þessu góða fólki. 

Hér eru nokkrar myndir frá stuðinu. Auðvitað gat gamli rokkarinn ekki staðist freistinguna og tók nokkur lög með Sniglunum frábæru.

 

 

 

 

 

 

Athugasemdir

[Gunnar Helgi Eysteinsson, 13.4.2008 kl. 19:20]

Flottar myndir - þú flottur!

[Hulda Bergrós Stefánsdóttir, 13.4.2008 kl. 19:53]

Þú ert flottur, systir mín skemmti sér jafnvel og þú en henni láðist að segja mér hvað þú varst flottur

Takk fyrir myndirnar

[HP Foss, 13.4.2008 kl. 22:47]

Og hvað tók svo kallinn?