Hinn eini sanni vorboði

Ég fékk nokkuð skondna hringingu í dag frá blaðamanni á Fréttablaðinu sem lék forvitni á því að vita hvernig mér litist á að hefja ætti að nýju framleiðslu á Trabant bifreiðum. Blaðamaðurinn sagðist hafa lesið um aðdáun mína á þessari þekktu bifreið á blogginu mínu fyrir nokkrum mánuðum síðan.

Mín fyrsta nýja bifreið var Trabant og var aðdáun mín á Trabbanum ótvíræð á sínum tíma og ef eitthvað er hefur hún stóraukist með árunum. Trabbinn er ein merkilegasta og magnaðast bifreiðategund sem hönnuð hefur verið að mínu mati. 

Ekki geri ég mér grein fyrir því hvort að Trabbinn sem að gamall maður í götunni minni, sem ég ólst upp í frá barnæsku (Markholti) og öll börn elskuðu hafi haft á mig þessi miklu áhrif mörgum árum síðar. Trabbinn sem hann átti fékk viðurnefnið vorboðinn og var lengi vel hinn eini sanni vorboði í mínum huga. Seinna komst ég að því að þetta viðurnefni væri í raun  löngu frátekið. Söngur þess vorboða á ekkert skilt við Trabba. Það er eins og munurinn á................... 

Athugasemdir

[HP Foss, 27.3.2008 kl. 23:48]

.... eins og munurinn á ungu lambi og gömlum afnáms  hrút?

[Ásthildur Cesil Þórðardóttir, 28.3.2008 kl. 00:48]

Ég átti einu sinni Trabant, hann er eini bíllinn sem ég veit um að framdi sjálfsmorð, eða reyndi það, þó það tækist ekki alveg hehehehe..

[Hlynur Hallsson, 28.3.2008 kl. 09:17]

Þetta eru flottir bílar. Trabbinn er líka tákn fyrir sameiningu Þýskalands. Flott að sjá hann rúlla yfir til vestursins þegar múrinn var rifinn niður. Og Trabbinn hefur fengið endurnýjun lífdaga í Berlín. Mér finnst að nýi Trabbinn ætti að vera rafmagnsbíll. Þessi blái reykur var nefnilega stærsti gallinn á honum. (Það hefði ekki verið skárra ef hann hefði verið rauður!)

Bestu kveðjur að norðan og austan,

[Jenný Anna Baldursdóttir, 28.3.2008 kl. 10:17]

Sko ég heyrði frá Trabbaeiganda í denn að kæmi dæld væri nóg að strjúka yfir hana með volgu straujárni.  Mér fannst það töff og finnst enn.

Hvað með Wartburger?  Iss þið kommar () alltaf í einhverjum patentlausnum.

Njóttu dagsins.

[Steinunn Helga Sigurðardóttir, 28.3.2008 kl. 10:55]

sammála þér hlynur minn !

knús á þig kalli og

Bless í bili

steina sveitastelpa

[Ólafur í Hvarfi Ragnarsson (IP-tala skráð) 28.3.2008 kl. 12:03]

Blessaður Karl Tómasson, ég yrði með fyrstu mönnum til áð fá mér einn svona trabba, tala nú ekki um ef að hann væri rafdrifinn.

Flott lúkk á nýju (gömlu) myndinni með pípuna og skeggið, minnir örlítið á tímann þegar við vorum í stúdíó Hvarfi... gefur von um að menn séu farnir að hugsa svona "back to basics"....... þessi mynd sem var þarna áður en beljumyndin kom, þar sem þú ert með krosslagðar hendur og horfir ströngum augum í myndavélina, hún var ekki alveg að gera sig :)

Kveðja,

Ólafur Ragnarsson

[Hulda Bergrós Stefánsdóttir, 28.3.2008 kl. 16:17]

Ég man líka eftir Markholtstrabbanum þótti hann æði, en var ekki eins hrifin þegar Magný á Áshamri fékk sér einn, og við vinkonurnar á viðkvæmum aldri, við lágum í aftursætinu ef við þurftum nauðsynlega að fara með henni  

[Gunnar Helgi Eysteinsson, 28.3.2008 kl. 16:23]

Þessi mynd sem þú ert með á færslunni... FLOTT