Viti menn, hann er að koma.

Fyrir nú um tíu árum síðan vorum við félagarnir í Gildrunni að spila á Álafoss föt bezt. Í pásunni ræddum við um það hvað það væri gaman að láta á það reyna að halda eina CCR helgi á Álafoss föt bezt. Þar sem við kunnum mörg lög með snillingunum og höfðum spilað þau í áraraðir þurftum við ekki að bæta svo miklu við til að geta haldið úti heila tónleika eingöngu með CCR lögum.  Á staðnum varð þetta ákveðið og skömmu síðar hófust æfingar.

Það var mikill spenningur í okkur fyrir fyrsta kvöldið og viti menn þegar við mættum á svæðið um kl 22 var húsið orðið troðfullt og röð fyrir utan. Það var ákveðið að halda auka tónleika skömmu síðar.

Til að gera langa sögu örstutta þá spiluðum við fyrir fullu húsi á  Álafoss Föt Bezt 60 sinnum og oftar en ekki komust færri að en vildu. Við spiluðum prógrammið okkar á Hótel Íslandi í fjóra mánuði ásamt öðrum Gildrulögum, þá voru einnig sérstakir gestir okkar Pétur Kristjánsson og Eiríkur Hauksson. Við spiluðum í hálft ár á Kaffi Reykjavík og við fórum þrjá hringi í kringum Ísland með CCR lögin einungis í farteskinu. Þetta var sannkallað ævintýri.

Við kölluðum okkur Gildrumezz á meðan við vorum með þessa dagskrá, því á meðal okkar Gildrumanna var einnig Mezzoforte bassaleikarinn Jóhann Ásmundsson. Við gáfum út eina plötu með okkar útsetningum á lögunum sem gekk einnig vel og varð vinsæl. 

Á þessum tíma töluðum við um hvað það væri nú gaman að fá John Fogerty til Íslands þar sem hann væri nú en að. Nú er sá draumur að verða að veruleika og mikið verður gaman að sjá þann snilling.

Hér er ein gömul mynd af Gildrumezz ásamt Eika Hauks á blómatímabilinu og þar fyrir neðan lagahöfundurinn og forsprakki Creedence Clearwater Revival, John Fogerty með eitt af meistaraverkunum.

 

 

Athugasemdir

[Herdís Sigurjónsdóttir, 22.3.2008 kl. 00:20]

Náttúrulega bara flottastir  ..... og boy ó boy hvað það var gaman á böllunum.

CCR kveðja frá Sigló

[Eyþór Árnason, 22.3.2008 kl. 00:31]

Geirmundur var líka ansi góður að synga CCR- lögin fyrir norðan í den. Kveðja og góða skemmtun hjá Fogerty. Gleðilega páska.

[Gunnar Th. Gunnarsson, 22.3.2008 kl. 00:53]

Hvenær byrjaði Þórhallur að spila á bassann hjá ykkur?

[Karl Tómasson, 22.3.2008 kl. 01:14]

Takk fyrir komuna kæra Herdís og hafðu það gott ásamt þínum í páskafríinu á þínum heimaslóðum.

Takk fyrir gamla og góða tíma kæri Eyþór með 66 og Bylgjunni. Já Geirmundur klikkar ekki, ég þekki það.

Heill og sæll Gunnar.Þórhallur er einn af stofnefndum Gildrunnar og félagi minn úr tónlistinni einnig talsvert fyrir þann tíma. Hann tók hinsvegar ekki þátt í CCR fævintýrinu með okkur.

Bestu kveðjur frá Kalla Tomm

[Jenný Anna Baldursdóttir, 22.3.2008 kl. 10:32]

Gildran góð. 

John Fogerty; I don´t think so

En svona er smekkurinn misjafn  Kalli minn.

Gleðilega páska til þín og þinna

[Ásthildur Cesil Þórðardóttir, 22.3.2008 kl. 15:11]

Gaman að þessari upprifjun Kalli minn ég man vel eftir þessum tíma.