Mikill er munurinn

Eftir langvarandi sambandsleysi við umheiminn er ég nú loks tengdur. Tölvutengdur. Mikill er munurinn og léttirinn og tengingin í Tungunni er sko ekkert frat, það er ljósleiðari. Ég þakka góðar heimsóknir og kveðjur sem ég og mín fjölskylda höfum fengið undanfarna daga, við erum alsæl í Leirvogstungu.

Árshátíð Mosfellings

Um síðustu Helgi var árshátíð Mosfellings haldin og eins og við var að búast lukkaðist hún stórkostlega. Þar var saman kominn hópur vina og kunningja og velunnara blaðsins. Sérstakir gestir voru Geirmundur Valtýsson og Bjartmar Guðlaugsson, á meðan þeir sungu og léku öll sín þekktustu lög var undir tekið af miklum krafti og var stemningin óborganleg.

Á árshátíðinni voru að venju heiðraðir tveir einstaklingar og að þessu sinni voru það Einar Páll Kjærnested fasteignasali og Hjördís Kvaran Einarsdóttir. Þau hafa hvort á sinn hátt lagt Mosfellingi ómetanlegan stuðning í gegnum árin og allt frá upphafi. Þessi viðurkenning blaðsins var tekin upp á síðasta ári og þá hlutu hana Gylfi Guðjónsson ökukennari og fyrrverandi blaðamaður í Mosfellsbæ og Haraldur Sverrisson þá verðandi bæjarstjóri og núverandi bæjarstjóri Mosfellsbæjar. Mosfellingur lét hanna sérstakt gullbarmmerki (gull M) sem þessum einstaklingum var fært við tilefnið. Gull M- ið er stórriddarakross Mosfellings.

Að lokum vil ég nota tækifærið og óska tveimur mönnum sem eru mér báðir mjög kærir innilega til hamingju með stórafmæli sín. Helga Pálssyni, 40 ára (HP FOSS) og Steinari bróður mínum 50 ára.

Hér koma nokkrar myndir frá árshátíðinni og að gamni set ég einnig inn eina gamla af okkur bræðrum sem tekin var á Álafoss föt bezt.    

    

Athugasemdir

[Ásthildur Cesil Þórðardóttir, 16.3.2008 kl. 18:54]

Skemmtilegar myndir, það hefur greinilega verið gaman Kalli minn og gott að þú ert loksins komin í samaband, tengdur.   Er ekki komin tími til að tengja ??? hehehe

[Óskar Helgi Helgason (IP-tala skráð) 16.3.2008 kl. 21:27]

Heill og sæll, Karl og aðrir skrifarar !

Hvar í andskotanum; hefir þú haldið þig, drengur ?

Tók eftir, fyrir nokkru, að ekkert hafðir þú látið, á þrykk út ganga; rafrænt, hér á síðum, um hríð.

Með beztu kveðjum, sem jafnan / Óskar Helgi Helgason

[Hulda Bergrós Stefánsdóttir, 16.3.2008 kl. 22:13]

Velkomin í netheima á ný

[HP Foss, 17.3.2008 kl. 08:28]

Takk, gamli kæri vinur fyrir kveðjuna, það var slæmt að þessir stórviðburðir þyrftu að skarast, árshátíðin og fertugsafmælið. Giljagaur var aðalmaðurinn hjá okkur þar sem við gerðum okkur glaðan dag í Miklafelli, fjallaskálanum ofan Síðufjalla.

Til hamingju með 50 ára afmæli sundlaugarvarðarins.

[Halldór Egill Guðnason, 17.3.2008 kl. 15:05]

Velkominn í netsamband á ný...Ljósleiðari!... Það munar ekki um það. Við hér í Kvosinni megum láta okkur analog, monolog, dialog eða bara eitthvað log duga. Þar sem ég er kominn ansi nálægt Kvosinni, kveð ég með kveðju þaðan. Kannski þú gætir annars frætt mig á því Karl, hvort ég og mitt fólk teljumst til Kvosarbúa, eða hvort við erum bara svona "on the side to the Kvos because we are to close to the Westlandhighway"?

[Laugheiður Gunnarsdóttir, 17.3.2008 kl. 18:22]

flotta myndir úr mosó,gleðilega páska

[Ólafur í Hvarfi Ragnarsson (IP-tala skráð) 18.3.2008 kl. 00:38]

Sæll Kalli minn og takk fyrir síðast.  Hreinlega magnað partý sem Helluhjónin héldu  í Hveragerði þegar Steini bró breyttist í 50kall :)

Hljómsveitin 66 brást ekki og var gaman að sjá þig lemja húðirnar af krafti einu sinni enn.... ég verð að segja það að bandið rokkaði bara feitt... reynslurokk :)

Við Guðbjörg óskum ykkur Línu og börnunum hjartanlega til hamingju með nýja fallega húsið ykkar og og megi það verða ykkur gæfuríkt heimili.

Gaman að fá þig aftur í slaginn !

Kveðja,

Óli í Hvarfi

[Karl Tómasson, 18.3.2008 kl. 23:52]

Kæru vinir, takk fyrir innlitin ykkar.

Maður er ekki fyrr kominn með ofur ljósleiðaratengingu en maður er svo undirlagður af öllum gerðum af flensum að bloggskrif og þátttaka því tengdu er í lágmarki.

Nú er bara eitt takmark og það er að reyna að hressast.

Ásthildur, fáir bloggarar eru jafn duglegir og þú að birta fallegar myndir af öllu mögulegu.

Halldór, í alla staði þá ert þú og þínir á miðju átakasvæði og hefur mikla og góða yfirsýn yfir það.

Anna, já ég hef heyrt að það sé mikið líf í Tungunni. Það var verst að vera ekki við þegar þú gerðir þér ferð.

Bestu kveðjur frá Kalla Tomm.

[Herdís Sigurjónsdóttir, 20.3.2008 kl. 22:07]

Sæll félagi skemmtilegar myndir vildi að ég hefði vitað að ég væri boðin....eða varstu bara að grínast með tölvupóstinn frá Hilmari . Bara næst, ég gefst ekki upp og trúlega verð bara að standa mig betur í skrifum í Mosfelling .....