Nákvæmni, einbeiting, yfirvegun. Snóker

Það er að mörgu leiti furðulegt að þessi frábæra íþrótt hafi ekki öðlast meiri vinsældir á Íslandi. Við sem getum ekki svo mánuðum skiptir gert nokkurn skapaðan hlut að viti utandyra í íþróttum sökum veðurs.

Snóker hefur í áratugi verið næst vinsælasta sjónvarpsefni Breta á eftir fótboltanum enda er það ekki furða, það er mikil skemmtun að horfa á snillinga spreyta sig við borðið. Okkar færasti spilari var í mörg ár Kristján Helgason og ég held eini Íslendingurinn sem hefur haft íþróttina að  atvinnu.  

Steve Davis er án vafa einn frægasti snóker spilari allra tíma. Hann heimsótti Ísland á sínum tíma og tók nokkra sýningarleiki þegar íþróttin var í hvað mestum blóma hér á landi. Steve Davis var og er sérlega viðfeldinn og skemmtilegur íþróttamaður. 

Á þessu myndbandi sem ég birti með þessari færslu náði hann hæsta skori sem hægt er að ná í íþróttinni og var þetta í fyrsta skipti sem það gerðist í sjónvarpi. Fyrir þá sem ekki þekkja til þá þarf að koma svörtu kúlunni í gat á eftir öllum rauðu til að það hafist og klára svo hina litina í réttri röð þar til borðið klárast. Fyrir það fást 147 stig og hærra er ekki hægt að komast í íþróttinni.

Endilega gefið ykkur 4 mín til að sjá þessa snilld.

 

Athugasemdir

[Þorsteinn Sigvaldason (IP-tala skráð) 10.2.2008 kl. 22:38]

Já rétt Kalli. Þetta er snilld. Minnir mann reyndar dálítið á kjallarann í Kjarna þegar PK voru uppá sitt besta

[Karl Tómasson, 10.2.2008 kl. 23:08]

Heill og sæll Steini, gaman að heyra frá þér.

Að spila tvímenning í snóker er virkilega gaman og svo virðist sem PK liðið hafi markað ákveðin tímamót í íþróttinni í tvímenningi. Sem einstaklingar voru þeir ekkert frammúrskarandi enn í tvímenningi sýndi liðið takta sem enn eru í minnum hafðir og oft vitnað í. Sterkasta hlið liðsinns var tvímælalaust dúbblið og sneiðin. 

Bestu kveðjur frá Kalla Tomm.

[hilmar (IP-tala skráð) 10.2.2008 kl. 23:25]

Karl dúbl og Páll sneið....   sterkt teymi.
Þetta var skemmtilegur tími í kjallaranum í Kjarnanum. Þetta var manns annað heimili...

[Karl Tómasson, 10.2.2008 kl. 23:46]

Ekki má gleyma því að við Mosfellingar eignuðumst tvo íslandsmeistara unglinga í snóker þegar íþróttin blómstraði í Mosfellsbæ. Það voru þeir Loftur Þórunnarson og Hilmar Gunnarsson ritstjóri Mosfellings.

Mikið svakalega voru þeir fljótir að ná tökum á íþróttinni og báðir glæsilegir og skemmtilegir spilarar.

Ég man að taugakerfi mitt var að niðurlotum komið þegar þeir tóku þátt í Íslandsmótinu sitthvort árið og það sem ég var stoltur af þeim. Komu sáu og sigruðu og báðir tveir algerlega óskrifað blað beint úr kjallaranum úr Kjarna og agerlega óþekktir spilarar.

Bestu kveðjur frá Kalla Tomm úr Mosó. 

[Brjánn Guðjónsson, 11.2.2008 kl. 02:57]

hrein snilld og unun á að horfa

[Steinunn Helga Sigurðardóttir, 11.2.2008 kl. 07:26]

þetta er flott !!!

Bless til þín á mánudagsmorgni

steina

[Kristján Hrannar Pálsson, 11.2.2008 kl. 11:55]

Já, ég hef nýlega fengið mikinn áhuga á snóker og öðrum pool leikjum reyndar líka. Verst hvað hún krefst gríðarlegrar nákvæmni, jafnvel þótt maður sé orðinn ágætlega sjóaður í billiard getur maður síðan varla neitt í snóker.

[Hvíti Riddarinn, 11.2.2008 kl. 17:32]

Minni á KallaTomm í kvöld.
Hvíti Riddarinn er með keflið og blæs til leiks stundvíslega kl. 22.22.

[Gunnar Helgi Eysteinsson, 11.2.2008 kl. 20:13]

[Halldór Egill Guðnason, 12.2.2008 kl. 00:38]

Gargandi snilld að horfa á þetta. (Tók reyndar 8 mínútur, en það er nú eins og það er. 4 mínútur hjá pólitíkusum eru 8 hjá okkur hinum) Þetta er frábær íþrótt og er samstíga þér í undrun minni á hve lítið hún hefur fengið að njóta sín hér á landi. Nú styttist í að maður geti líka sagt "Kveðja úr Kvosinni"

[Rannveig Bjarnfinnsdóttir, 13.2.2008 kl. 22:22]

Á ekki að taka þátt í sínum eigin leik?

[steinimagg, 15.2.2008 kl. 17:05]

Þetta minnir mig á gamla takta frá klapparstígnum :-)