Ótrúlegur snillingur

Fyrir nokkru síðan héldu gömlu félagarnir í Led Zeppelin ógleymanlega tónleika þar sem þeir komu öllum viðstöddum á óvart með frábærum flutningi og spilagleði. Viðstaddir hafa vart haldið vatni yfir þessari uppákomu gömlu meistaranna og sannalega er gaman þegar kombekk tekst svo vel til eins og þarna var raunin.

Rytmasveit Zeppelin sem á sér fáa líka var ekki eins skipuð á þessum tónleikum og á árum áður, að þessu sinni sat við trommurnar Jason Bonham sonur Johns Bonham og þótti honum takast sérlega vel til. Sjaldan fellur eplið langt frá eikinni.

Nú eru þeir félagar að hugleiða frekara tónleikahald, ætli þeir bregði undir sig betri fætinum og komi aftur til Íslands?

Ég læt hér fylgja með myndband af John Bonham sem lést langt fyrir aldur fram og er af mörgum talinn besti trommari allra tíma. 

Undiraldan og tónlistin í trommuleik Bonhams á sér engan líkan. Hann var sannkallaður snillingur og hefur ásláttur hans verið mörgum hugleikinn og mikill áhrifavaldur.

Ég stend á þeirri meiningu að Gunnar Jökull sé sá íslenski trommari sem komist næst þessum snillingi, ef ekki jafnfætis. 

Athugasemdir

[steinimagg, 21.1.2008 kl. 09:29]

Þessi slær þeim öllum við.

http://www.youtube.com/watch?v=6Sf_pogZ8jE 

[Gísli Baldvinsson (IP-tala skráð) 21.1.2008 kl. 09:38]

Östlund var ansi nærri líka.

[Stefán (IP-tala skráð) 21.1.2008 kl. 11:17]

Það er mín skoðun að The Beatles sé merkasta pop/rokk hljómsveit sem uppi hefur verið og þeir höfðu innanborðs bestu tónsmiði rokksins, en tæknilega er Led Zeppelin tvímælalaust besta rokkhljómsveit sem uppi hefur verið. Þeir eru það raunar enn, því að tímaritið frábæra Q gefur þeim fullt hús stiga 5* fyrir comeback hljómleikana. 

[Bergur Árnason (IP-tala skráð) 21.1.2008 kl. 12:08]

En Alli Pungur??

[Anna Benkovic Mikaelsdóttir, 21.1.2008 kl. 15:10]

Led Zeppelin á sér engan líka...takk fyrir mig

[Gunnar Helgi Eysteinsson, 21.1.2008 kl. 16:31]

Ég vildi ekki að þetta myndi taka enda... þvílíkir meistarar og frábært trommusóló.

[Júlíus Valsson, 21.1.2008 kl. 22:05]

Hef heyrt upptökur frá kombekknum. Þeir eru ótrúlega góðir enn í dag og merkilegt hvað Plantan getu enn þanið röddina í gömlu lögunum. Það verður gaman að sjá þá hér í Höllinni. 

[Brynjar Jóhannsson, 21.1.2008 kl. 23:02]

Sammála þér varðandi Gunnar Jökul.. hann vara engum líkur..

[Herdís Sigurjónsdóttir, 21.1.2008 kl. 23:23]

Takk fyrir þetta félagi.

Gangi ykkur Línu vel í Tungunni í vikunni . Það var gaman hjá okkur Jóhönnu á fundinum hjá FAMOS í kvöld.

[Helga Guðrún Eiríksdóttir, 22.1.2008 kl. 04:02]

Það vill nú svo skemmtilega til að ég passaði krakkana vinkonu fyrir viku eða svo, meðan hún fór út að borða með gömlum vini sínum. Svo kom í ljós að hann er trommuleikari í Led Zeppelin. Kannski maður ætti að stinga því að henni að stinga því að honum að stinga því að restinni af bandinu að það gæti nú verið gaman að fara til Íslands...

[Halldór Egill Guðnason, 22.1.2008 kl. 17:03]

Það væri nú ekki ónýtt að fá þá í Höllina aftur. Vonandi að einhver sjái til þess, ef þeir fara á ferð og flug aftur.

[Karl Tómasson, 22.1.2008 kl. 21:11]

Kærar þakkir fyrir komuna öll sömul.

Hallsteinn, ég hef sjaldan hlegið jafn mikið og af Mr Bean, ég veit ekki með trommukunnáttu hans, hún var ekki full marktæk að þessu sinni.

Gísli Östlund var mikill snillingur og goðsögn, verst hvað hann dvaldi mikið erlendis.

Stefán, ég er hjartanlega sammála þér með Bítlana, snilli þeirra ekki einungis á hljóðfærin heldur sem lagahöfunda er eitthvað sem á sér ekkert fordæmi.

Takk fyrir góðar kveðjur eins og svo oft áður Herdís mín.

Helga, þetta var skemmtileg saga, já heimurinn er lítill.

Halldór, hver er besti trommarinn í Kína? Hjartanlega velkominn heim minn kæri.

Bestu kveðjur frá Kalla Tomm.

[Steinunn Helga Sigurðardóttir, 23.1.2008 kl. 17:35]

takk fyrir þetta kæri kalli !

Bless

steina 

[Halldór Sigurðsson, 24.1.2008 kl. 21:38]

Tel nú samt að Ron Bushy hafi verið sá besti eins og sjá má hér.

Ron Bushy 

[Karl Tómasson, 25.1.2008 kl. 23:36]

Kæri Halldór, ljósmyndari góði.

Ég á þeirri skoðun að  Ron Bushy hefði frekar átt að einbeita sér að einhverju öðru.

Bestu kveðjur frá Kalla Tomm úr Mosó.

[Ásthildur Cesil Þórðardóttir, 29.1.2008 kl. 12:19]

Já ég mæli með Dýra  Á hann ekki annars bróður í Botnleðju ?

[Gísli Baldvinsson (IP-tala skráð) 29.1.2008 kl. 21:03]

Kalli í kvöld