Stóru málin hjá Össuri og Samfylkingunni

Þessa færslu sem lesa má hér að neðan skrifað Össur Skarphéðinsson á heimasíðu sína undir nafninu Hernaður gegn landinu þá voru þrír mánuðir til alþingiskosninga. Það skal ég viðurkenna að ég grét úr hlátri þegar ég las þessa færslu Össurar á sínum tíma enda er hann skemmtilegur penni og örugglega skemmtilegur karl líka.

Hér koma skrif Össurar 

Á meðan hinir iðjagrænu vinir okkar í VG að taka á sig til skiptis hami Dr. Jekylls og Mr. Hyde í verndarmálum. Meðan  Dr. Jekyll með glampandi skalla ættaðan af Gunnarsstöðum norður berst einsog vitlaus maður fyrir náttúruvernd á Alþingi er hann með Mr. Hyde með umhverfistagl lafandi úr hnakkagrófinni í stóli forseta bæjarstjórnar í Mosfellssveit. Þar hamast Mr. Hyde Vinstri hreyfingarinnar - græns framboðs einsog laminn þræll íhaldsins sem hann situr með í meirihluta í Mosfellsbæ og hafnar á báðar hendur sanngjörnum óskum um umhverfismat á veglagningu um viðkvæmustu svæði sveitarinnar á bökkum Varmár.

Oddviti VG í sveitinni er semsagt orðinn umskiptingur og virðist sérstakt kappsmála að eyðileggja umhverfisperluna sem Varmárbakkar eru og ég flutti um innblásna ræðu í Hlégarði 1994 hjá náttúruverndarsamtökum í sveitinni. Nöturlega var að lesa um að oddviti VG hefði hímt bak við gluggatjöld meðan fólkið mótmælti og þorði ekki að láta sjá sig. Er semsagt nóg að rífa kjaft á Alþingi - en leyfa flokknum í meirihlutanum í Mosfellsbæ að fremja hernað gegn landinu?

Eru hervirki VG gegn náttúrunni í Mosfellssveit dæmi um hamskipti flokksins þegar - og ef - hann kemst í samstarf við Sjálfstæðisflokkinn?

 

Við þetta bætti ég eftirfarandi texta á sínum tíma

 

"Já þetta er skemmtileg færsla hjá Össuri og nú er bara að vona og treysta því að undir hans stjórn og Samfylkingarinnar verði ekki unnin önnur eins hervirki gegn náttúru landsins og gert hefur verið í Mosfellsbæ ef hún kemst til valda og ég vona einnig satt að segja að 500 metra vegakaflinn í Mosfellsbæ verði viðmið Össurar og Samfylkingarinnar í umhverfismálum næstu fjögur árin".

Nú segi ég, hvað kom á daginn?

Össur ekki á móti álveri

Athugasemdir

[Gísli Baldvinsson (IP-tala skráð) 9.1.2008 kl. 09:17]

Sæll minn kæri. Þetta er alveg "paralelt" við skoðanir Baldvins Halldórs Vg bæjarfulltrúa á Akureyri. Inntakið er þannig að ef ekki sé annar kostur í atvinnumálum svæðisins þá sé 250 þús. tonna álver illskárski kosturinn. Ég hef þá von að orkuna frá Þeystareykjum sé notuð í annað. En í augsýn er ekkert annað - því miður.

[Karl Tómasson, 9.1.2008 kl. 10:27]

Heill og sæll Gísli og gleðilegt ár.

Ég er ekki að tala álver og ég er ekki að tala um atvinnu, ég er að tala um það sem kallað var hernaður gegn landinu í Mosfellsbæ hjá Vinstri grænum í Mosfellsbæ af Össuri og samfylkingunni. Ég er hræddur um að nú þurfi frændi þinn og Bryndís Scram að gera sér ferð til Húsavíkur því það verða einhverjar hríslur að láta í minni pokann þar ef þetta verður raunin. Svo þarf jú að leggja veg að álverinu.

Bestu kveðjur frá Kalla Tomm úr Mosó. 

[Laugheiður Gunnarsdóttir, 9.1.2008 kl. 11:29]

bara að kvitta

[Gísli Baldvinsson (IP-tala skráð) 9.1.2008 kl. 12:59]

Já vegurinn... meinar..ég greinilega verið með annað í huga. Sammála þér þetta með árásina á landið. Samstarfsflokkur (okkar) í Kópavogi og Gunnar I Birgisson eru sérfræðingar í landárásum. Jafnvel í öðru sveitarfélagi. Sendum Nonna og Bryndísi þangað. Bakkaspottinn á Húsavík er hríslulaus og tóm mýri.

kv  gb

[Gunnar Helgi Eysteinsson, 9.1.2008 kl. 14:07]

[Gunnar Helgi Eysteinsson, 9.1.2008 kl. 14:09]

... Velkomin til baka  

Það væri gaman að heyra þína skoðun á tillögun minni um betra blog.is.