Allt í standi

Hann fagnar fimmtugsafmæli á næsta ári og karlinn nítíu. Karlinn keypti hann nýjan í mars árið 1958. Karlinn segist ekki reikna með að skipta um bíl úr þessu. Hann segir bílinn hafa reynst nokkuð vel, hann hafi reyndar þurft að skipta um bremsuborða, þurrkublöð og kerti.

Aðspurður sagðist hann aldrei hafa geymt hann í bílskúr eða dekrað hann eitthvað sérstaklega. Hann er ekinn 2.312.625km.

Ég var að les þessa fróðlegu grein um einhvern þýskan karl og bílinn hans. 

Athugasemdir

[Sigurður Hreiðar, 11.12.2007 kl. 10:25]

Sumir elska ákveðnar tegundir. Einhvern veginn finnst mér karlinn hljóti að vera farinn að gleyma dálítið, sem kannski er fyrirgefanlegt miðað við aldur.

[Guðjón Sigþór Jensson, 11.12.2007 kl. 14:47]

Ja hérna, yfir 2 milljónir km sem þessi gamla drossía á að baki - og gengur enn! Og gamli maðurinn vill ógjarnan kaupa sér nýrri bíl! Það er skiljanlegt.

Einu sinni frétti Mosi af gömlum bónda úr Skorradal sem bjó síðustu árin á elliheimili á Akranesi. Hann spilaði gjarnan á mjög fornfálega harmónikku með tökkum og varð Mosi oft þeirrar ánægju aðnjótandi að fylgjast með þessu síunga öldung spila af mikilli kunnáttu þó engar þekkti hann nóturnar. Þar voru lög sem voru frá þeim dögum sem Norðmenn voru á Siglufirði á síldarárunum kringum fyrra stríð. Þessi gömlu lög spilaði gamli maðurinn eftir frábæru minni á gamla dragspilið sitt og var hann með því mjög mikill gleðigjafi þeirra sem vildu hlusta.

Þegar Eiríkur í Bakkakoti en svo hét þessi öðlingur varð níræður hafði hann á orði að tími væri kominn að fá sér nýja harmónikku! Það varð úr, hann pantaði nýja harmónikku að sunnan og varð nú meira fjör meðal áheyrenda enda var enginn tími að láta sér leiðast.  

Svona getur það nú verið. Því miður er þessi gamli maður látinn fyrir nokkru, fyrir réttum 15 árum og ritaði Sveinn Skorri Höskuldsson einhverja fegurstu æviminningu sem rituð hefur verið á íslenska tungu um þennan gamla mann, Eirík Þorsteinsson í Bakkakoti. Birtist hún í einu af síðasta riti Sveins Skorra: Svipþing (1998). Mæli eindregið með þeirri lesningu enda var Sveinn afburðagóður penni og fræðimaður á sínu sviði, íslenskri bókmenntasögu.

Mosi

[Halldór Sigurðsson, 12.12.2007 kl. 21:57]

Var þetta ekki Skoti ? Virðist ekki tíma að endurnýja bílinn

[Karl Tómasson, 12.12.2007 kl. 22:07]

Nei Halldór minn, þetta er ekki skóti, þetta er M. Benz.

Bestu kveðjur frá Kalla Tomm úr Mosó.