Áskorun til allra bloggara

Kæru bloggarar, ég fékk hugmynd sem ég vona að geti orðið að veruleika. Það er að við stofnum sjóð sem gæti kallast Jólabloggsjóðurinn.

Allir bloggarar sem vilja vera með leggi krónur 1000 inn á reikning sem rennur óskiptur til Mæðrastyrksnefndar.

Í framhaldinu verði opnuð síða hjá Mæðrastyrksnefnd sem gæti orðið árlegur viðburður þar sem allir sem leggi til sitt framlag inn á þeirra reikning séu nafngreindir og fái þar með vissu fyrir því að þeirra framlag hafi farið í réttar hendur. Þar með eru þeir einnig orðnir bloggvinir Mæðrastyrksnefndar árið 2007. 

Hvernig lýst ykkur á þetta?

Athugasemdir

[Óskar Helgi Helgason (IP-tala skráð) 10.12.2007 kl. 00:28]

Heill og sæll, Karl !

Þakka þér; afbragðs hugmynd. Gæti orðið vísir, að öðru og meiru,. í framtíðinni.

Mbk., sem fyrr / Óskar Helgi Helgason

[Theódór Norðkvist, 10.12.2007 kl. 00:59]

Það er alltaf góð hugmynd að styrkja Mæðrastyrksnefnd. Eina sem ég sé er að sumir vilja ekkert láta nafns síns getið er þeir styrkja.

Það er ekkert á ríkið að treysta í hjálparstarfi. Því er mikið betur komið í höndunum á einstaklingum og frjálsum samtökum. Maður á ekki alltaf að treysta á aðra til að framkvæma hlutina. Þú, lesandi góður hefur vald til að hjálpa náunganum og verður að nýta þér það. Engin stofnun gerir það fyrir þig. 

[Jón Steinar Ragnarsson, 10.12.2007 kl. 01:28]

Ekki skal maður gefa ölmusur og láta blása í lúðra fyrir sér eins og Farisearnir. Ætli ég gefi ekki í hljóði, ef ég gef eitthvað.

Mér litist heldur betur á að allir bloggarar tækju sér fátækt barn í fóstur í gegnum SoS barnahjálpina. Gætum haft logo á blogginu um að við séum heimsforeldri, svona til hvatningar öðrum.

[Sigurður Helgi Magnússon (IP-tala skráð) 10.12.2007 kl. 02:00]

Vitlaus hugmynd. Ég mun ekki styrkja mæðrastyrksnefnd eins og staðið er að málum í dag.

[Valdi (IP-tala skráð) 10.12.2007 kl. 03:05]

Vil frekar styrkja sjóð til að efla menntun á Íslandi:   Íslenskukennsla fyrir bloggara.  Við komum illa út úr PISA menntakönnuninni og ég vil styrkja stafsetningarkennslu, mér þykir sérstök ástæða til.  Með öflugri menntun stjórnmálamanna og annarra íslendinga gefur við stórbætt framtíðarhorfur þjóðarinnar.  Ertu ekki sammála?

[valdi (IP-tala skráð) 10.12.2007 kl. 03:12]

Mér veitir ekki af námskeiði sjáflum, þetta átti að vera "getum við" en ekki "gefur við".   Kveðja, Waldo

[Guðrún Vala Elísdóttir, 10.12.2007 kl. 15:00]

Mæðrastyrksnefnd styður bara Reykvískar fjölskyldur, ég þekki eina sem leitaði aðstoðar en var synjað af því að hún bjó hinum megin við lækinn.

[Jenný Anna Baldursdóttir, 10.12.2007 kl. 17:27]

Ég er alfarið á móti því sem ég kalla ölmusupólitík, þ.e. að sjtórnvöld sjái ekki sóma sinn í að útrýma fátækt.  Það er óþolandi og algjör óþarfi í þokkabót að hafa þetta svona.  En ég dáist að óeigingjörnu starfi Fjölskylduhjálparinnar sem ég vona að hafi það að markmiði að leggja sjálfa sig niður og stjórnvöld taki sig á.

Gef gjarnan pening en vil alls ekki að nafn mitt komi fram.

Gefðu upp reikning og ég er game.

[Theódór Norðkvist, 10.12.2007 kl. 20:24]

Reikningsnúmerið

[Quackmore, 11.12.2007 kl. 22:22]

Guðrún: Mæðrastyrksnefnd Reykjavíkur styður bara reykvískar fjölskyldur, en nokkur önnur bæjarfélög eru með sínar mæðrastyrksnefndir líka.

Því miður virðist  Mæðrastyrksnefnd Reykjavíkur hafa einokað markaðinn svolítið (og nánast villt sér á heimildir) með því að taka ekki fram hvaða sveitarfélagi batteríið tilheyri; ég hef heyrt þess dæmi að Mæðrastyrksnefnd Kópavogs hafi lent í því að leita styrkja innan eigin bæjarfélags og fengið þá svarið að fyrirtækið væri búið að styrkja Mæðrastyrksnefnd. Þá hafði M.st.nefnd Reykjavíkur verið fyrri til og fengið styrk sem það fyrirtæki hefur eflaust trúað að væri útdeilt á landsvísu.

[Jens Guð, 13.12.2007 kl. 02:38]

  Gefið upp reikningsnúmer þessara mæðrastyrksnefnda svo að hægt sé að henda inn smá pening til þeirra.