Billi Start og Gildran

Vinur minn Brynjar Klemensson, betur þekktur sem (Billi Start) fagnar um næstu helgi fimmtugs afmæli sínu. Leiðir okkar Billa lágu saman fyrir rúmum tuttugu árum og höfum við brallað ýmislegt saman síðan. Billi er mikill tónlistaráhugamaður og var hann um árabil samferðamaður hljómsveitarinnar Start og þaðan er að sjálfsögu viðurnefni hans fengið. Hann er liðtækur með gítarinn og treður upp við ýmis tækifæri.

 

Árið 1981 fengum við félagarnir í Gildrunni sem þá hét Pass að hita upp fyrir Start í Félagsgarði í Kjós. Það var mikil upplifun fyrir okkur ungu mennina úr Mosfellsbæ að fá að spila með þessum frábæru tónlistarmönnum og góðu drengjum sem að við áttum svo eftir að kynnast miklu betur síðar. Alla tíð síðan hefur verið mikill samgangur og vinátta á meðal okkar félaganna og höfum við marg oft troðið upp saman eftir það við ýmis tækifæri. Eftir að Start lagði upp laupana gekk Sigurgeir Sigmundsson gítarleikari Start til liðs við Gildruna.

Á efstu myndinni erum við félagarnir allir saman í efri röð: Sigurgeir, Krtistján, Pétur, Nikulás, Davíð og Eiríkur í neðri röð: Billi, Friðrik, Kalli, Biggi og Jón. Á þeirri næstu ég og Billi á Álafoss föt bezt og á þeirri neðstu ég og Pétur heitinn Kristjánsson, Pétur heldur á bróderaða albúmi Gildrunnar sem hann gerði á sinn einstaka hátt alltaf jafn mikið grín af og er vitnað í þá sögu í bókinni um Pétur.

  

Athugasemdir

[Kristján Kristjánsson, 3.12.2007 kl. 22:42]

Billi er flottur. Ég ætla ekki að missa af afmælinu næstu helgi :-)

[Hvíti Riddarinn, 4.12.2007 kl. 00:54]

Ógleymanleg kvöldin sem Billi tróð upp á Fötunum beztu...

Allir eru að kalla, úti um allt á alla, og bráðum verður hún horfin mér fráhorfin út á sjóinn, eitthvað út í bláinnhorfin inn í annan heim.
Seinna meir, segi ég þér, 

[Gunnar Helgi Eysteinsson, 4.12.2007 kl. 20:15]

Flottar myndir...

[Hulda Bergrós Stefánsdóttir, 5.12.2007 kl. 23:01]

Við vorum svo heppin þegar ég var í Gaggó þá spilaði START á árshátíðinni þeir voru æði (í minningunni allavega)

[S. Þ. (IP-tala skráð) 6.12.2007 kl. 18:45]

Einu sinni man ég eftir skemmtilegu balli þar sem Billi start söng nokkur lög það var gaman. Hvar verður afmælið mega allir koma. S. Þ.