Geðblendill

Einhvernvegin felli ég mig aldrei við nafnið bloggari, afhverju veit ég ekki en tel þó aðal ástæðuna hjá mér vera að nafnið sé fjarri íslenskri tungu. Því tel ég að finna þurfi eitthvað annað heiti yfir þessa áhugasömu og ötulu stétt manna sem hefur svo margt til málanna að leggja.

Öll þekkjum við það, að talað er um að skiptast á skoðunum og öll þekkjum við það að talað er um að blanda geði. Ég kem því hér með tillögu. Í stað nafnsins bloggari, legg ég til að það verði 

Geðblendill 

Er þetta ekki snaggaralegt og þjált orð?. Við erum að skiptast á skoðunum og við erum að blanda geði m.a. í rituðu máli. Hvernig lýst ykkur á þessa hugmynd??? Reyndar tel ég að orðið ritblendill gæti einnig gengið upp. 

Mikið væri gaman að fá ykkar skoðun á þessu.

Bestu kveðjur frá Kalla Tomm.

Athugasemdir

[Halldór Egill Guðnason, 22.11.2007 kl. 00:07]

Hét fyrst að þú værir að greina frá nýjum geðlyfjblandara Kalli minn, en sá síðan hvers kyns var. Ekki svo vitlaust orð. Hvernig líst þér annars á orðið "romsari", þar sem sem við erum jú öll að romsa um okkar hjartans mál.

[HP Foss, 22.11.2007 kl. 00:13]

Sammála, ömurlegt orð. Eins og skammaryrði.

H4 Halogen  55/60W

[alva (IP-tala skráð) 22.11.2007 kl. 00:52]

Mér finnst reyndar bloggari flott orð og alls ekki skammaryrði að mínu mati og held að það mundi alltaf verða notað, þótt breytingar yrðu reyndar.  Annars finnst mér þá ritblendill skárri kosturinn af þessum tveim. Mér finnst eitthvað "crasy" við geðblendill´

Hvað með pikkari..þá í mjög víðri merkingu???

[Herdís Sigurjónsdóttir, 22.11.2007 kl. 10:08]

Hmmmmmmm "ég er gleðblendisvinkona þín" hljómar ekkert rosalega vel Kalli . En góð tilraun, haltu áfram. Þarf að vera stutt, eins og blogg .

[Sigurður Hreiðar, 22.11.2007 kl. 10:55]

Líst dálítið vel á tillögu Halldórs Egils. Romsari. roms.is. Ég ætla að fara að romsa.

Eða annað líkt: Rausari. raus.is. Ég ætla að fara að rausa dálítið.

Geðblendill minnir dálítið á marbendil. Eða eitthvað (geð)bilað.

Já, sem bloggið kannski er?

[alva (IP-tala skráð) 22.11.2007 kl. 11:09]

Bíddu sáuð þið ekki mitt - PIKKARI - mér finnst það ÆÐI!!!

[Sigurður Hreiðar, 22.11.2007 kl. 12:27]

Nei, fyrirgefðu Alva -- þarna hef ég staðið pikkfastur.

Sennilega af því hvað mér verður starsýnt á myndina sem fylgir pikki þínu. Hvað táknar hún? Er þetta það besta sem þú hefur að sýna?

[alva (IP-tala skráð) 22.11.2007 kl. 12:56]

haha, kannski það bara, annars er mynd af mér á blogginu mínu í myndaalbúminu, ég er bara ágæt, held ég...finnst bara ekkert skipta máli að setja mynd af sér þarna og held að það trufli í mörgum tilfellum, bara að þankagangurinn komist þokkalega til skila hjá fólki, skiptir mig mestu. En mér finnst myndin sem ég hef valið bara táknræn fyrir vestrænt samfélag í dag - flestir fullir af sínum eigin skít ( þankaskít ) ...og allt of margir með hausinn bara uppi í sínum eigin rassi og skoða t.d. ekki "skít" annara nógu vel...jákvæð :)

Annars átti þetta ekki að vera nein ritgerð hjá mér..

[alva (IP-tala skráð) 22.11.2007 kl. 13:13]

ég gæti t.d. kallast geðillskublendill stundum...

[Karl Tómasson, 22.11.2007 kl. 18:51]

Kæru geðblendisvinir. Hér eru margar athyglisverðar hugmyndir og þakka ég ykkur þessa skemmtilegu umræðu.

Hvað varðar romsari Halldór þá tel ég það ekki gott, það er ekki eins og við séum að romsa neinu út úr okkur, þetta er allt útpælt minn kæri.

Arnþór sjálfrennireyðin, er hún ekki komin á kortið?

Geðblendisvinkona mín hún Herdís er snillingur. Það eru nokkur ár síðan ég áttaði mig á því.

Sigurður Hreiðar, minn kæri sveitungi allt frá því ég man eftir mér. Ég trúi ekki öðru en þú sért hrifinn af þessu hjá gamla skólastjóra syninum.

Alva, það er ekkert að því að vera geðillskublendill svona öðru hvoru.

[Sigurður Hreiðar, 22.11.2007 kl. 19:14]

Það er svo langur í mér leiðarinn, Kalli minn, að ég þarf lengri tíma til að hrífast af geðblendli. Þó vel sé hann ættaður frá skólastjórasyninum -- og þó fremur skólastjóradóttursyninum því afi þinn skákaði föður þínum að því leyti að vera lærifaðir minn, sem ég minnist með hlýju.

Væri ekki voðalegt ef geðblendill yrði styttur í gebill -- sem þá er ansi líkt gepill…

Og Alva -- þetta er sosum ágætur rass, en einhverra hluta vegna er ég ekki hrifinn af svona tunglun (tilraun til þýðingar á mooning)

Kv.

[Karl Tómasson, 22.11.2007 kl. 19:41]

Sigurðu minn, ég er mjög sáttur við þessa styttingu hjá þér, gembill, gæti ekki einnig komið til greina blendill?.

Tel nú samt rétt að geðblendil eigi að nota við hátýðlegri tækifæri.

Takk fyrir hlý orð í garð míns fólks minn kæri.

Tunglun!!!!! ekki er það nú sýðra. Ég á eftir að nota það óspart hér eftir.

[steinimagg, 22.11.2007 kl. 21:06]

Mér finns einhvernveginn annsi margir sem eru að geðblen....... nei þetta orð gengur varla það felskir málið.

[HP Foss, 22.11.2007 kl. 22:30]

Mikið er ég sammála þeim ritstíflaða. Hrein og klár hörmung sem með réttu ætti að fara í umhverfismat, ef ekki hundamat.

Þáliðin nútíð þessa orðs getur aldrei gengið en ég tel að orðið
Puttalingarnir eru á hverfanda hveli og tilvalið að við tökum það nafn til okkar, við verðum puttalingar og í stað bloggvina verða til puttarar og í stað bloggdólga verða til hnúar.

Svona gæti þetta verið:
"Einn  puttalingur hefur óskað eftir að gerast puttari þinn"
Ýttu á löngutöng til að hafna eða þumalinn til að samþykkja.

"Heyrðu elskan, ég er alveg að koma, ég þarf að puttast aðeins"

Og það held ég.

[steinimagg, 23.11.2007 kl. 13:49]

Mikið er ég sammála þeim seinlesna, senda þetta beint í umhverfismat, hundamat og fuglafóður. 

Að puttast hentar mér ágætlega enda í mesta lagi einn putti notaður á lyklaborðið.

[Jens Guð, 24.11.2007 kl. 00:09]

  Geðblendill er ekki vont orð.  Reyndar dáldið sniðugt.  Gallinn er hinsvegar sá að það hefur þrjú atkvæði á meðan blogg er eitt atkvæði.  Íslensk heiti eiga auðveldara með að sigra erlend heiti ef íslenska heitið hefur færri atkvæði.

  Af því að orðið sjálfrennireið var nefnt til sögu þá tapaði það fyrir orðinu bifreið.  Sem síðan tapaði fyrir orðinu bíl. 

  Tölva átti auðvelt með að slátra orðinu computer og ritvél að slátra typewriter.

  Í útvarpsþætti um daginn voru ýmsar hugmyndir ræddar um íslenskun á bloggi.  Þar heyrðist mér þátttakendur vera hrifnastir af orðinu skraf og færðu fyrir því mörg rök. 

[HP Foss, 24.11.2007 kl. 10:04]

Ég er farinn að halda að hún Hjössa sé að leggja aðra merkingu í orðið puttalingur en ég var með í huga í upphafi. það virðist vera háttur sumra að snúa öllu á versta veg.

En maður hefur að vísu ekki verið sjómanskona og þekkir því einveruna sem því fylgir.

[steinimagg, 24.11.2007 kl. 10:48]

Hjördís ég botna bara ekkert í þessu, Sigga samþykkja hvað? á góðum degi næ ég að nota tvo putta en Sigga notar allavega tíu enda er mikill hraða og gæða munur.

[HP Foss, 24.11.2007 kl. 12:58]

Þú nærð aldrei langt ef þú kynnir þér ekki málin, Hjössa mín. Ég nefdi það í upphafi að þar sem puttalingar, þ.e ferðamenn sem ferðast á puttanum, væru að hverfa, þá væri upplagt að bloggarar tækju upp það nafn, yrðu sem sagt puttalingar. Síðan leiðir eitt af öðru.

þú getur þetta ef þú vilt, verður bara að vera róleg og yfirveguð.

Stefnuljós á flæðiskeri.

[steinimagg, 24.11.2007 kl. 18:36]

Nú er ég alveg hættur að botna í þessu.