Bjarki Bjarnason gefur kost á sér í stjórn Varmársamtakanna

Bjarki Bjarnason rithöfundur frá Hvirfli í Mosfellsdal hefur ákveðið að gefa kost á sér í stjórn Varmársamtakanna. Bjarka hef ég þekkt allt frá barnæsku og var mikill samgangur á milli okkar fjölskyldna og voru feður okkar miklir vinir.

Fáir ef nokkrir hafa viðlíka þekkingu á umhverfi Mosfellsbæjar og Bjarki. Hann hefur um áratuga skeið verið í fararbroddi þeirra sem hafa staðið fyrir fræðslu- og menningargöngum um bæjarfélagið og hafa ófáir Mosfellingar og fleiri notið hans þekkingar og skemmtilegra frásagna í þeim. Bjarki Bjarnason er m.a. annar höfunda sögu Mosfellsbæjar sem kom út árið 2005.

Það er mikið gleðiefni að Bjarki hafi ákveðið að gefa kost á sér til setu í stjórn Varmársamtakanna.

Ég skora á alla sem vilja umhverfi sínu vel og ekki síst mannlífinu sjálfu að flykkja sér um að tryggja Bjarka Bjarnasyni glæsilega kosningu á komandi aðalfundi Varmársamtakanna sem verður haldinn í Varmárskóla þann 19. nóvember.  

Athugasemdir

[Gunnlaugur B Ólafsson, 12.11.2007 kl. 00:55]

Líst vel á sem mesta virkni, sem flest framboð og sem mest líf í kringum Varmársamtökin. Þannig á það að vera með opna og lýðræðislega fjöldahreyfingu sem ætlar sér stóra hluti.

Hef líka þekkt Bjarka til margra ára og trúi honum til góðra verka. Hinsvegar hefur hann síðustu misserin verið að slá taktin með ykkur Hjörsísi Kvaran í afstöðu til samtakanna. Þar hefur samtökunum ekki verið úthlutað mikið framhaldslíf.

Líst vel á framboð Bjarka, en mátulega vel á það, ef þið Hjördís Kvaran ætlið að vera kosningastjórar. Eru þá ekki komin flokkspólitísk afskipti af starfi samtakanna? Veit ekki hvort þér þætti eðlilegt að ég fengi stuðning bæjarfulltrúa til framboðs.

En það er eins og fyrr -auðveldara að kenna heilræðin en halda þau -

[Sigurður Hreiðar, 12.11.2007 kl. 07:54]

Vonandi vinnst Bjarka brautargengi innan þessara samtaka. Það er mál til komið að þar skipti um tón - ef þau eiga að hafa tón áfram.

[Gunnlaugur B Ólafsson, 12.11.2007 kl. 09:52]

Sigurður - "ef þau eiga að hafa tón áfram" - ert þú í úthlutunarnefnd lífsandans? Fólkið, íbúarnir, félagarnir ákveða á lýðræðislegan og opinn hátt líf og framtíð samtakanna. Það gerir þú ekki einn eða einstaka flokksbrot. Hef ekki séð þig á fundum samtakanna, en þú hefur sennnilega góða tónheyrn og átt auðvelt með að dæma.

Hér virðist um einhverja smölun af hálfu vinstri grænna til að ná breytingum í samtökum sem að þeir haf viljað feig síðustu misserin. Skora á alla Mosfellinga að koma á fundinn og mynda sér sína eigin skoðun um tóngæði í áherslum samtakanna og hverja þeir vilja hafa í stjórn.

                             Með kærleikskveðju

[Sigurður Hreiðar, 12.11.2007 kl. 11:06]

Gunnlaugur -- mér hefur ekki líkað sá tónn sem Varmársamtökin hafa hingað til kveðið við svo heyrinkunnugt hafi verið. Hvað sem líður úthlutun lífsandans, sem mér hefur virst þau telja sig hafa nokkurn rétt á að úthluta. Það er ekki von að þú hafir séð mig á fundum samtakanna -- eins og þau hafa hljómað hef ég ekki viljað láta bendla mig við þau.

Seint mun ég sakaður um að vera vinstri grænn umfram annað. Hins vegar tek ég undir þar sem mér þykir vel hljóma og hef löngum gert. Þar sem tónskrattar hafa verið á ferðinni hef ég annað hvort reynt að reisa við rönd eða víkja mér undan.

Hins vegar hefur mér alltaf þótt fallegt það sem haft var eftir Finnboga heitnum á Lágafelli, sem þar bjó e-n tíma snemma á öldinni sem leið. Hann var á hreppsfundi og talaði þar sínum tóni sem féll ekki einhverjum sveitunga hans sem steig í pontu og tilkynnti að Finnbogi væri „endemis græningi!“ Finnbogi mun hafa komið upp á eftir honum og hóf mál sitt svona, með sínum sérstaka framburði: „Éð játa það að éð eð gðæningi.“

[Gunnlaugur B Ólafsson, 12.11.2007 kl. 12:42]

aftur - auðveldara að kenna heilræðin en halda þau -

[HP Foss, 12.11.2007 kl. 17:15]

Er Gunnlaugur eins og vegpresturinn?
Vísar veginn en fer hann ekki sjálfur?

[Gunnlaugur B Ólafsson, 12.11.2007 kl. 17:38]

Eða er það öfugt - varað við stóru umhverfisslysi fyrir kosningar, gleymt eftir kosningar, 30 bloggdólgar virkjaðir af forseta bæjarstjórnar og fylgifiskum, en fordæma síðan einhvern náunga sem kýs að skrifa undir nafnleynd, segjast hafa orðið fyrir einelti en beita því síðan linnulítið sjálf, hamast gegn einstaklingum vegna meintra flokkstengsla en síðan ákveða sömu flokksfulltrúar að fara út í flokkspólitíska aðför að samtökunum - það er nú þetta og fleira sem ég á við með að það sé auðveldara að kenna heilræðin en halda þau.

[Gamall nemandi (IP-tala skráð) 12.11.2007 kl. 22:42]

Varmásamtökin hafa ekki virkað eins og þau eru.

Ég vona að gamli kennarinn minn hann Bjarki fái brautargengi.

Gamall nemandi.

[steinimagg, 12.11.2007 kl. 22:52]

Já ég er líka gamall nemandi Bjarka úr Varmárskóla, Bjarki er einn af þessum snillingum sem gera lífið dásamlegt og óska ég honum alls hinns besta.

Hér er smá hressing.

http://www.youtube.com/watch?v=M4mfVJCKA5E 

[Karl Tómasson, 12.11.2007 kl. 23:18]

Það er gaman að verða þess svo sterkt áskynja hjá þeim sem una umhverfi sínu á allan hátt vel hversu framboð Bjarka Bjarnasonar til setu í stjórn Varmársamtakanna fær góðann hljómgrunn.

Verra er ef að fólk sem lýsir yfir stuðningi við hann fái ekki að gera það án þess að þurfa að sæta lágkúrulegra athugasemda eins og dæmin sýna hér og annarsstaðar.

Að að tengja áhuga hans á setu í stjórn samtakanna við pólitík og um leið reyna að gera framboð hans ótrúverðugt er engum sæmandi. 

[Linda Björk Ólafsdóttir (IP-tala skráð) 12.11.2007 kl. 23:25]

Lýsi yfir einlægum stuðningi við Bjarka Bjarnason til kosningar í stjórn Varmársamtakanna. Þá yrði loksins réttur maður á réttum stað í samtökunum.

Linda Björk Ólafsdóttir, Kjalarnesi

[Gunnlaugur B Ólafsson, 12.11.2007 kl. 23:35]

"Að að tengja áhuga hans á setu í stjórn samtakanna við pólitík og um leið reyna að gera framboð hans ótrúverðugt er engum sæmandi. "

Þú hefur reynt að gera starf mitt ótrúverðugt í heilt ár út frá flokkspólitískum forsendum, en ég hef ekki verið mjög virkur í flokkspólitísku starfi, en Bjarki er fyrrverndi formaður VG og þú ert bæjarfulltrúi VG.

Það er ekki sæmandi að þú sérst að skipta þér af innra starfi opinna félagasamtaka í bæjarfélaginu. Hefðir átt að lofa Bjarka að spila þetta sóló.

Aftur - það er auðveldara að kenna heilræðin en halda þau -

Ég hef fagnað framboði Bjarka;

http://www.gbo.blog.is/blog/gbo/entry/360467/ 

Satt best að segja var ég að hugsa um að styðja hann, en varð svo efins þegar ég sá samhengið hjá ykkur Hjördísi. Svona flokkspólitísk smölun er ekki góðs viti.

[Áhugamaður um umhverfismál (IP-tala skráð) 13.11.2007 kl. 00:01]

Hér koma nokkur orð sem Gunnlaugur B. hefur látið falla um Bjarka Bjarnason.

Bjarki Bjarnason virðist tilheyra þeim hópi vinstri grænna sem ekki treystir sér í opna umræðu um skipulagsmál, en kýs frekar að eyða púðri í mína persónu, dóma og dylgjur um menn og málefni. Honum og fleirum sem hafa farið fram með slíkum skrifum er vorkunn. Því að í raun er þetta ekki annað en sjálfseyðingarhvöt. Það er auðvelt að sitja til hlés í umræðunni og koma svo fram sem dómari undir neikvæðum formerkjum. Nú, skora ég á Bjarka og aðra af sama sauðahúsi að skrifa um sína framtíðarsýn og hugsjónir í þessum málaflokkum í stað þess að næra sál sína á því sem að þeir segja að aðrir séu að gera vitlaust.   Þetta sama fólk hefur ekki lagt neitt uppbyggilegt til þeirrar viðamiklu skipulagsumræðu sem Varmársamtökin hafa staðið fyrir. Því virðist þessi hópur bæði haldin sjálfseyðingarhvört, sem felst í því að ráðast á félagsstarf sem að vinnur að þeirra eigin áherslum og þar að auki virðist þetta fólk algjörlega  

Sama gerir Bjarki Bjarnason sem á haustdögum skrifaði grein sem að hann sendi bæði í Mosfelling og Morgunblað. Aðalinntak greinarinnar var aðför að minni persónu Þau (m.a. Bjarki Bjarnason) virðast vera í hlutverkum húskarls og kerlingar í fjósverkunum á forsetasetrinu. 

Áhugamaður um umhverfismál búsettur í Mosfellsbæ. 

[Gunnlaugur B Ólafsson, 13.11.2007 kl. 00:31]

Sumum eru öll skrif samboðin - og því er þeim ekki svarað - varðandi skrif hins nafnlausa umhverfissinna þá eru tilvitnuð skrif af blogginu mínu sett þar í framhaldi af grein Bjarka "Um Varmársamtökin" sem að hann birti í haust svona þegar allt var frekar rólegt í umræðunni og satt best að segja átti ég ekki von á þessu frá Bjarka. Hann efnir til ófriðar með þessu innleggi sínu og ég svara því. Ég hef beðið hann afsökunar á því ef eitthvað sem ég sagði þarna særði hann. En mér var ekki vel við að vera í einhverri neikvæðri úttekt nafngreindur í þrígang á síðum Mosfellings og Morgunblaðs. Að því er mér fannst þá undir einhverju fölsku flaggi fræðimennsku, en sem var í reynd bara flokkstengd hagsmunagæsla með frekar litið gildi. Hinsvegar er allt annar og jákvæðari tónn hjá honum í framboðsgreininni í síðasta Mosfellingi. En samhengið gerir mann efins .....

[Gunnar Helgi Eysteinsson, 13.11.2007 kl. 09:35]

[HP Foss, 13.11.2007 kl. 10:44]

Já, Gunnlaugur, það var sniðugt hjá þér að setja tengil á þetta hefti Mosfellings. Ég fæ ekki þetta blað og hafði ekki séð þetta. Þetta er mikil grein hjá Bjarka.
En ég er nú ekki viss um að það sé að hjálpa þér að benda á hana.

Er ekki bara gott að fá mann eins og Bjarka í forystusveit samtakanna, mann sem er Mosfellingur og virðist afar vel liðinn í bæjarfélaginu?

[HP Foss, 13.11.2007 kl. 14:55]

Skrítið Gunnlaugur! Ég var að kommenta hjá "Valda Sturlaugs", vesalingi sem þorir ekki að skrifa undir nafni, og hann  varar mig við þér! Segir að það sé ekki mér til framdráttar að vera á móti þér og með Kalla vini mínum.

Eitthvað kannast ég við tóninn.

[Guðmundur St. Valdimarsson, 14.11.2007 kl. 00:23]

Ég sem gamall nemandi Bjarka og félagi í seinni tíð hika ekki við að lýsa yfir stuðningi mínum við hann og það sem hann stendur fyrir. Þar fer mikill mannvinur og umhverfissinni sem tekst að sameina þetta tvent án allra öfgva. Hann er trúr sannfæringu sinni og þess verður að verða í forustu fyrir þessi samtök. Eins og ALLIR vita þurfa KENNARAR og LEIÐBEINENDUR að koma boðskap sínum til þeirra sem hann eiga að meðtaka án þvingana og hótana, einnig án þess að allt gangi af göflunum, já eða (Kvosunum, eða SAMTÖKUM. Ég mundi svo sannanlega greiða honum athvæði mitt með því sem til þarf, ef ég væri bara ekki að velta um í ólgusjó um þessr mundir. Ég hvet ALLA til þess að ganga í samtökin og tryggja að Bjarki Bjarnason verði næsti formaður þeirra

Skráð um borð í M/S Rugguhesti

Virðingarfyllst

Guðmundur St. Valdimarsson