Alltaf herðast reglurnar um aukið öryggi

Ég tók á dögunum  þátt í umræðum um öryggismál barna á leiksvæðum við skóla. Ljóst er að þær kröfur sem gerðar eru um öryggi virðast hertar með ári hverju og auðvitað er það gott. Í bæklingi sem ég sá og fjallar m.a. um aukið öryggi barna t.d. á skólalóðinni voru nokkrar myndir af hættum sem kölluðu á úrbætur.

Ég verð að viðurkenna að sumt sem ég las þar og sá sagði mér að einfaldara væri að fá alla til að ganga með hjálma svona dags daglega.

Auðvitað er gott að smiðum með sex - sjö eða átta putta fækkar og auðvitað er því m.a. að þakka að reglur um aukið öryggi eru hertar.