Er Mosó draumastaðurinn?

Undanfarið hef ég verið með spurningu á minni síðu þar sem spurt er um draumastaðinn. Það er engum blöðum um það að fletta að Mosfellsbær er með sterka stöðu í skoðanakönnunninni enn sem komið er.

Nú stefnir allt í að fjölgun í Mosfellsbæ eigi eftir að verða örari á næstu árum en í nokkru öðru bæjarfélagi. Sem gamall og "Mosavaxinn" eru tilfinningarnar blendnar en samt, er ekki rétt að fagna því að gamla sveitin heilli og er ekki rétt að samgleðjast með þeim sem vilja njóta hennar.

Það þýðir ekki að vera eins og heimaríkur hundur alla tíð, þannig er það nú bara.

Það er gott að búa í Mosfellsbæ. 

Athugasemdir

[HP Foss, 7.11.2007 kl. 10:24]

Hverjum þykir sinn Foss fagur, þótt hann sé bæði vatnslítill og fjúki upp.

Ég ætla að setja svona könnu hjá mér og sjá hvort það skiptir máli hver spyr.

[Benedikt Halldórsson, 7.11.2007 kl. 13:10]

Ég hef víða búið. Best þykir mér að búa þar sem stutt er í kaffi og kleinu (bakarí) og stutt í vinnunna. Þess vegna bý ég á draumastaðnum núna. Mikið rosalega var ég orðin leiður að eyða meira en klukkutíma á dag til að koma mér í og úr vinnu.

[Alma Lísa Jóhannsdóttir, 7.11.2007 kl. 13:43]

Ég vona að Mosfellsbær sé draumastaðurinn, ætla amk að gera bæinn að mínum draumi, er á leiðinni til ykkar og hlakka mikið til  Kv alma

[Jóhanna Magnúsar- og Völudóttir , 7.11.2007 kl. 15:22]

"Home is where your heart is"..

[Hulda Bergrós Stefánsdóttir, 7.11.2007 kl. 17:59]

Er Mosó draumastaður fyrir aldraða bæjarbúa sem þurfa á hjúkrunarrými að halda?

Er það draumastaður fyrir þá sem eiga fötluð börn ?

Það er gott að búa í Mosfellsbæ það verður ekki tekið frá ykkur en þið verðið að þjónusta ALLA

Mikið hefur þetta verið rætt í mínum vinahópi (þar sem við eigum orðið aldraða foreldra) og það vill ansi oft koma fram að Mosó sé fyrir "efnaða hestamenn" 

[Bergur Thorberg, 7.11.2007 kl. 18:39]

Ég er með smá kveðju til þín á blogginu mínu.

[Karl Tómasson, 8.11.2007 kl. 19:28]

Takk fyrir komuna öll sömul.

Hulda, það er rétt hjá þér að skortur hefur verið á hjúkrunarrýmum í bæjarfélaginu og er það sannarlega afleitt að til þess hafi komið að senda þurfi þá sem á þeirri þjónust þurfa á að halda úr bæjarfélaginu.

Í fjárlögum alþingis er nú gert ráð fyrir að úr þessu verði bætt hér í bæjarfélaginu og stendur því þetta nú allt til bóta.

Bestu kveðjur frá Kalla Tomm úr Mosó.