Þægileg á Álafoss föt bezt

 

 

 

 

 

 

 

 

 

 

Tíminn líður hratt á gervihnattaöld söng Pálmi Gunnarsson ásamt Mannakornum á ógleymanlegum tónleikum á Álafoss föt bezt fyrir bráðum 10 árum.

Í næsta mánuði eru liðin 10 ár frá því að Álafoss föt bezt opnuðu. Ég fann þetta gamla viðtal sem Mbl tók við mig fljótlega eftir að við opnuðum staðinn.

Myndin af húsinu var tekin í morgun en þar er nú Ásgarður, handverkstæði með sína aðstöðu.

Þægileg á Álafoss föt bezt

Í DESEMBER síðastliðnum var opnað veitingahúsið Álafoss föt bezt sem dregur nafn sitt af auglýsingu á gafli hússins sem til margra ára hýsti fyrirtækið Álafoss í Mosfellsbæ. Það voru bræðurnir Karl og Steinar Tómassynir og eiginkonur þeirra, Líney Ólafsdóttir og Áslaug Katrín Aðalsteinsdóttir, sem ákváðu að gera húsnæðið upp og starfrækja þar skemmtistað. "Við höfðum það að markmiði að breyta staðnum sem minnst og höfðum upprunalegar teikningar til hliðsjónar og fengum eldgamlar ljósmyndir frá ekkju forstjóra Álafoss, mjög merkilega myndir, og létum smíða glugga og annað eftir þeim," sagði Karl Tómasson.

Þegar ljósmyndari blaðsins leit inn á Álafoss föt bezt var Bubbi Morthens að skemmta og stemmningin róleg en með léttu yfirbragði því popparinn reytti af sér brandarana og sagði sögur. Fólk sat með kaffi eða öl og naut tónlistarinnar í hlýlegu og þægilegu umhverfi. "Við höfum lagt mjög mikið upp úr því að hafa góða tónlist á boðstólum og á hverju fimmtudagskvöldi höfum við verið með blús- og rokktónleika nema núna í sumar þá höfum við tekið smá frí frá því. Okkar helstu tónlistarmenn hafa spilað hér og kunnað mjög vel við andrúmsloftið en húsið á litskrúðuga sögu og var áður notað sem leikfimissalur, sníðastofa, skrifstofur Álafoss, bíóhús á sínum tíma og danssalur."

Að sögn Karls eru Mosfellingar duglegir að sækja staðinn heim en það hafi aukist að íbúar nágrannasveitafélaganna kíkji í heimsókn. "Við bjóðum upp á kaffi, öl og léttar veitingar en helsta aðdráttarafl staðarins er í mínum huga tónlistin, því þeir flytjendur sem hafa spilað hjá okkur tala allir um góðan anda og fínan hljómburð. Það er skemmtileg stærð á staðnum, hvorki of stór né of lítill."

Athugasemdir

[Jóna Á. Gísladóttir, 3.11.2007 kl. 17:36]

Gaman að þessu.

En ég er forvitin. Og hvað svo?

[SM, 3.11.2007 kl. 21:47]

Álafoss föt bezt var mjög góður staður.

[Halldór Sigurðsson, 3.11.2007 kl. 21:54]

Gaman að vera þarna þegar Mosfellsbær átti afmælið í ár

[Anna Ólafsdóttir (anno) (IP-tala skráð) 3.11.2007 kl. 22:24]

Voru Álafossúlpurnar búnar til þarna í den? Og ef svo var eitthvað sem minnti á þær á veitingahúsinu? Bara smá forvitni 

[Gunnlaugur B Ólafsson, 4.11.2007 kl. 00:55]

"Ég hvet alla sem sem hafa áhuga á umhverfismálum, mannrækt, auknu flæði í mannlegum samskiptum og síðast en ekki síst, hafa mikinn kærleika að bera að líta við hjá Varmársamtökunum og vippa sér þaðan yfir á Valda, það er á við marga jóga tíma."

Veit einhver hvern forseti bæjarstjórnar er að reyna að hafa að háði og spotti með þessum skrifum? Getur einhver ráðlagt mér hvort að það er skynsamlegt að auglýsa starfsemi í blaði hans, þar sem hann og félagar fara síðan um og reyna að lítillækka? Á ég að beita sömu aðferðum og fara að ráðast opinberlega að starfsemi hans, rekstur Mosfellings?

Hann vísar í sinni innlögn í "þá frægu aðferð að tala undir rós". Beitir henni síðan sjálfur með því að dylgja á þeim nótum að ég sé Valdi Sturlaugz sem ég hef ekki hugmynd, ekki hugmynd um hver hann er. Ekki frekar en þau þrjátíu nöfn sem reyndust uppskálduð á síðum Karls og Mosfellings í vor.

Margur heldur viðhlæjendur vini. Ráðlagði honum heilt nýlega að fara að tala á uppbyggilegan og málefnalegan hátt um bæjarmálin. Þá kom hugmynd hans að háhýsinu í framhaldi. En hún fékk vægast dræmar viðtökur og því virðist Karl ætla að halda sér við sprell í bland við dylgjur um íllgjarna og ímyndaða andstæðinga.

[steinimagg, 4.11.2007 kl. 01:05]

Álafoss föt bezt var frábær staður, það eru nokkur kvöld sem ég var þarna sem ég gleymi líklega aldrei, td þegar Robert Nolan trio kom og fl.

[Rúnar Birgir Gíslason, 4.11.2007 kl. 14:02]

Aldrei gerðist ég svo frægur að koma á þennan stað, en frúin talar oft um staðinn.

Ég er hins vegar að velta fyrir mér, er ekki tilvitnunin úr lagi sem þú ert með, "tíminn líður hratt á gervihnattaöld" úr Gleðibankanum? Í mínum huga er það ekki Mannakornalag, þó Magnús Eiríksson hafi samið það og Pálmi sungið einn til að byrja með en svo í samfloti við aðra.

Kannski er ég bara svona ungur.

[HP Foss, 4.11.2007 kl. 15:30]

Já, þetta var afar notaegur staður, ég var einmitt á þessum dansleik sem Kalli vitnar til,  stórkostlegir tónlistamenn, Magnús og Pálmi olg Magnús mikill karakter.

Gott að ylja sér við gamlar og góðar minningar.

[Karl Tómasson, 4.11.2007 kl. 18:04]

Hvað svo spyr Jóna. Álafoss föt bezt voru til í tæp sex ár. Nú er Ásgarður, hanverkstæði með sína aðstöðu þar.

Anna, eflaust hafa Álafoss úlpurnar frægu haft viðdvöl í þessu húsi á einhverjum tímapunkti. Eins og ég sagði í þessu gamla MBL viðtali fengum við fjöldan allan af gömlum stórmerkilegum myndum hjá ekkju fyrrverandi forstjóra Álafoss sem prýddu m.a. staðinn okkar.

Hjördís eins og þú veist þá varð Gildrumezz til á Álafoss föt bezt. Hugmyndin var að prufa að spila eina helgi lög CCR á Fötunum en það ævintýri endaði með þryggja ára keyrslu okkar félaganna um land allt með það prógram.

Það er rétt hjá þér Rúnar Gleðibankinn var ekki lag Mannakorna en Mannakorn fluttu það m.a. á þessum mjög svo eftirminnilegu tónleikum sem voru í einu orði sagt frábærir. Eiríkur Hauksson flutti það einnig með Gildrunni á stórum tónleikum og balli sem við vorum með á staðnum. Þá tengdum við risatjald við staðinn.

Helgi minn. Þú áttir nú aldeilis mörg handtökin við að endurreisa húsið og það var alltaf jafn gaman hjá okkur. Við bræðurnir og þú náðum einatt vel saman. 

[Karl Tómasson, 4.11.2007 kl. 18:47]

Sæll frændi. Tónleikar Robin Nolan voru sannarlega flottir, þeir komu tvisvar til okkar og töluðu einmitt um hversu góður hljómburðu var í húsinu.

Til gamans má rifja upp nokkra aðra tónlistarviðburði sem allir voru ógleymanlegir.

Megas, Bubbi, Simon Kuran, Milljónamæringar, Rússibanar, Jóel Pálsson, Andrea Gylfadóttir, Rúnar Júl, Sverrir Stormsker, Reynir Sig, Diddi Fiðla, Björn Thoroddsen, Mannakorn, Tina Stenberg, Súkkat, Egill Ólafsson, Hörður Torfa, Ellen Kristjánsdóttir, Tómas R Einarsson, Pétur Kristjánsson, Mattý Jóhanns, Sigurrós, KK og Maggi Eiríks, Reynir Jónasson, Eiríkur Hauksson ofl. ofl sem léku einnig á dansleikjum.

[Steinunn Helga Sigurðardóttir, 4.11.2007 kl. 19:47]

ég var lutt til útlanda á þessum tíma. man eftir vinnustofum listamanna þarna, og svo heldum við hjónin brúðkaupsveisluna okkar þarna líka. held meira að segja að hann guðni minn már hafi haldið upp á 40 ára afmælið sitt þarna líka.

hafðu fallegt sunnudagskvöld kæri kalli.

AlheimsLjós til þín

steina 

[Karl Tómasson, 4.11.2007 kl. 20:18]

Sæl Steina og takk fyrir allar þínar fallegu kveðjur.

Líklega hafið þið hjónin, ef ég skil þig rétt, haldið ykkar veislu í Þrúðvangi sem var um tíma m.a. félagsheimili starfsmanna Álafoss. Þar spiluðum við félagarnir í Gildrunni margoft og héldum m.a. útgáfu tónleika þegar okkar fyrsta plata kom út

Í því húsi er nú íbúð en eins og þú væntanlega veist er það byggt yfir Varmá. Hinu megin við ánna er hljómsveitin Sigurrós með sitt hljóðver.

Guðni Már er greinilega mikill vinur þinn, til hans hef ég nokkrum sinnum farið í viðtal. Guðni er sérlega viðfeldinn og skemmtilegur útvarpsmaður. 

Flóðljós til þín.

[Hulda Bergrós Stefánsdóttir, 4.11.2007 kl. 21:06]

Mér þykir svo vænt um kvosina, þarna þvældist ég um sem barn því mamma vann í "gömlu verksmiðjunni" á tító fór ég á skauta í Þrúðuvang á jólaball með eldri son minn og svo á Álfoss föt bezt á reunion hjá árgangi ´68 úr Mosó

[Högni (IP-tala skráð) 5.11.2007 kl. 20:02]

Ég  valdi fötin til að halda upp á þann stór áfanga að halda upp á tvítugs afmælið mitt,og sá vissulega ekki eftir því enda umgjörðin í kringum fötin alltaf mjög góð.

Ég sá mikið eftir þessum stað .......

Högni Snær

[Gunnar Helgi Eysteinsson, 6.11.2007 kl. 17:35]

Þú ert fjölhæfur maður Karl